Ndawi 65:4 - Ala Wone Peenok Peebi Mbanak

⁴ It aap kat nen leenogo piige, Kinom logonok nduk kawoore'nggam piya wage, Eeke menggendak kenok, Inale'nggen wonogo mengga kwak, Nit kat kawi wurik me unggunuk wonogwe niigak, Obeelom mban eerogo pinanege ti paga niniki abu kwi'nage, Nit kat kawi alik leenak wurik me Unggunuk wonogo logonet, ale'nggen lombok ee'ninake, Eeke agaarik o.

Ndawi 65:4 ပူးပေါင်းရင်းမြစ်များ

2 Mbinineegwaarak 6:39

kat wonage menggenom mbogut paga nen it tamban eeko logonet, nggino yokkugwi nogo inoone karuk konembunuk, Eeppinanuwak lak, ao, mbakwi nogo ndak-ndak aret eeppiige logomunggun o.

Ndawi 15:1

Kaliku ALA wae. Aap ta nen kawi wurik alik leenak me unggwi nage, Ta nen kat kabuut leenak menggenom nogome wonage, Eeke logogin mbaken? Lek o.

Ndawi 17:15

An perak, obeelom mban eeke minggirak me, Kenggaawak nenegen kage, Neenik a'nuk kenete nonggop menggendak nogo nenegen keege, Eeke logominggirik, Niniki abu ndonggo yigin o.

Ndawi 23:6

Obeelom eeppanit nage, Nabuwa nen kiniki kunik ee'nabit nage, Abet aret eeke keegak, Kambi noorak kuli aret ari nagin o. Ndi, Kaliku ALA wonage menggenom nogome An mondok-mondok aret ye mbambatinuk logogin o.

Ndawi 24:7

At Endagembogut abu tiyanak wonage nogo Unggwi woraawak nduk, Kit tungga yi, kinambe wigak togon paakkologwe, Kit tu kinitok monggotak yi, pilak togon laganggwi, Eeko logonip o.

Ndawi 33:12

It aakumi inanebunu ambi nen, “Aliku ALA ti, nit ninogoba Ala aret o,” yinuk, yogwe, “Neyate kwak logowak o,” yinuk, Aap anebunu ambi at leenogo pateegerak wonogwe, Eekwi nogo Inale'nggen aret mbako logowak o.

Ndawi 36:8

Kat kame yi mendek ndi mendek abe mban wonage me, It ndonggorogon nawak nduk wogorage, Kaniyo mili eneeri wungge menggenom kinikilom mbake nogo it nawak nduk toologo wogorage, Eeke menggendak o.

Ndawi 38:5

Aap wi eeko mengga kwak eekirak me, Nawin nanggore'ne wungge paga Nobari ndi wurogo pege minggi kwak eeke,

Ndawi 4:3

It aap Ala mugurok nogwe iinok, Aliku ALA nen leenogo pake menggerak me, Kineenu a'nip o. An nen Aliku ALA yoge neenok, aruk konenigin o.

Ndawi 63:5

Mbi ombat abe larak ndonggok togon nunggwi kwak, Kat togop aret eeppanege keenok, Niniki ale'nggen nen noone paga Ndawi wake logonet, tiyappagage logogin o.

Ndawi 84:4

It aap ko'lu-kii'me kawi wurik me mban wonogwe, Ko'lu-kii'me kendage alut eekwi, Eekwi nogo Inale'nggen aret menggaarak o.

Yeremiya 31:25

It ineebe ndeyak eerogo piige kenok, inomaawi eerogo piige, iniki lek age kenok, iniki kwippiige, eeke logogin o,” yinuk, yegerak o.

Mika 7:18

Keyate kwak kapuri kiniki kundugu ando yumbunik nogo, maluk eekwi iinok, inomaluk lek eerogo pege, Kat koone yugu taganogo pugwi iinok, mbo punuk, mari eerogo pege, Eeke menggendak kat Ala kwak ambi ta wonage? Lek aret o. Kanini mondok-mondok ninombaka'lek ninabuwa lombok ninombake logorak kinikilom mbake menggendak me,

Epetut 1:4

At Ala nen, “Peebi Keritut nen eeppiyamenggerak paga an napuri maluk inoba lenggenna'lek nenggaanom paga mondok alik leenak logowak o,” yinuk, o nggween yi, awo wakkaga'lek kagak mii'ninabeegerak.

2 Tetalonika 2:13

Kit noreewi o. Nit ninowe nen iniki kunik eekkinabeegerak nogo kit aret kiinok, “Ala wa,” yoriyak mban ee'ninake menggerak. Kit Ala ari menggerak wone abet mbakwi kiinok, Ala apuri logobagip nduk, Aberiniki nen leenogo pinagage kagak, Ala nen, “Kinagap ndarikit o,” yinuk, kit kinaa'nduk togon miikkinabeegerak me, “Ala wa,” yoriyak mban ee'ninake menggerak.

Wayu 3:12

It Ala wone mbo pega'lek liirogon porogo wonogwe me, an wage logominggirik, o omaawi logowak nduk, tiru oolo yinggo mengga kwak, it aakumi ti, Ala awi wurik me togop aret mippiinok, an nogoba Ala endage inom, Ala awi wurik o kota Yerutalem ngget mendek nogoba Ala mbogut paga nen wuppi woraagin nogo endage inom, ndi, an nendage ngget toonak nogo inom, inalitak lombok inoba liiru mbanogo piyaminggirak wonogwe me, it peebi time nen wundi nagun abu lek o.