Ndawi 65:1 - Ala Wone Peenok Peebi Mbanak

¹ Ala wae. Nit o Tiyon kat kalut eeri nogwe, Ndi, eeko logorak kumbuk mbaneegurak nogo, A'me lik togon eekwi, Eeruwok nduk, koonggwi yi, Kat kake aret me, op aret koonggo o.

Ndawi 65:1 ပူးပေါင်းရင်းမြစ်များ

1 Mbinineegwaarak 11:7

Tebenogo piinok, at Ndawut nogo o kota yugum pak wurogo pereegim nogome ye mbanggolage nagagerik, wonagagerak me, aakumi nen o ti endage, “Ndawut agota aret o,” yinuk, yogo nogogwaarak.

1 Mbinineegwaarak 15:29

Aliku ALA aloobut mbanak me wone yugu yonggolak nogo wonok, at Ndawut agota paga pi wogwe iigak, at Tawun apuluk kolaga Mikan nogo, pugagi mbanak me nen ena wunggage nagagerik, at aap endagembogut Ndawut nogo, ndawi lubuk ari, ale'nggen nen ku'mbonggak wage, eeke nogo, kage nagagerik, “Aap yi, agan wage abu neebi a,” yinuk, mbareegerak.

Ndawi 21:13

Togop me, Kaliku ALA wae. Kat komaawi ambik menggendak me, Kendage tiyanak aret logowak o. Kat komaawi ambik me, nit ndawi wako logonet, Kat kalut eeko logogun o.

Ndawi 56:12

Ala wae. Kenegen keegak aakumi ineenik wonogo menggam an eerit nage logokit nduk, Noorukwak nagap ndarogo panege, Niyogobit mbannege kero pi'nake, Eeke keenok, “Ndogop wokkirigin o,” yinuk, Kumbuk mbaneegirak nogo muk eekendak me, Kumbuk mbaneegirak nogo ndak-ndak aruwak nduk, “Wa,” yokkege logonet, kake warogo wokkirigin o.

Ndawi 62:1

Nagap ndaka ti, Ala aret me, At nen mban eeppaniyak niniki lunik logonet, Niniki ugun tayenak aret agarik o.

Ndawi 76:11

“An yogop eeke logokit o,” yinuk, Aliku kinogoba Ala endage kumbunuk, Kumbuk mbanumonggotak nogo ndak-ndak aret eekwi, It aakumi kinaagan-ambokan koorok wonogwe nogo, Abok aret at ayuk wukwi ake pugu nogo wogori wogwe, Eeko logowak o.

Ndawi 76:2

At awooliya wurik ti, kota Talem wonage, Ndi, at wonage menggim ti, puut Tiyon wonage, Eeke menggerak o.