Ndawi 64:8 - Ala Wone Peenok Peebi Mbanak

⁸ Aap maluk eeppiyoorak inoone paga koonogo pegaarak nogo, Yungguk togon it aret inoba kwippiige, It aret ineebe lek eerogo patuwak nduk eeppiige, Eeke kenok, Aakumi nen inigen iigo logomenggaarik, “Ia!” yinuk, pi wako logogun o.

Ndawi 64:8 ပူးပေါင်းရင်းမြစ်များ

Ayup 15:6

An nen yokkega'lek neegak, Kobaalombok koone paga nen, Kat maluk aret o, yinuk, yokkege, Ndi, koone ari ti nen, Maluk ari o, yinuk, yokkege, Eeke agaarik o.

Ndawi 140:9

It wanggeppaninuk wonogwe inengga tiyanak nugwi nen An maluk eeppaniyak nduk inoone agan nugwi nogo Melak togon it inoba aret kwi'naruwak o.

Ndawi 144:6

Nawim inagabiti nen kole ma'naruwak nduk, O yabok kilanogo nappit wage, Ineebe ma'naruwak nduk, komaale namburogo nappi wage, Eeru o.

Ndawi 22:7

It inigen wonggonogo an mban pe'neego logonet, Nagi'ndok kanggwi, “Aap yi, we kabot o,” yinuk, meek eerogo panugwi,

Ndawi 31:11

An ee'nakwi paga nawim nen meek eerogo panugwi, An neenok ninom minggirak nen nogole yogwe, Noreewi ninom kunik kunduk, inogut nage, Ndi, tu paga nage me, inigen neenok kole mbaganggwi,

Ndawi 52:6

Ti eekkake nogo It aap iniki abe koonak mendek nen Inigen keego logomenggaarik, Inagabiti mbakwi, kagi'ndok kanggwi, Eeppunuk, yogo logonet,

Ndawi 59:12

Iniki wogoppako logonet, Inambe paga maluk mban porogo wonogwe, Inoone paga maluk mban agan nugwi, Eekwi nogo paga Keele pugu negen yilunggolaawak nduk eeppiige, Aakumi pulunogo piinet nugwi, Inoone pilit pugunit nugwi, Eekwi paga

Ndawi 9:3

Kat wone lengganogo yorage menggenom kwi'na'nuk, eekaatak nogo liirogon inowak loongge, Nawone inom, nobaalombok eeriyak inom, koonogo panege, Eekendak me, Nawim nowagam nen kole mbaganit nogwe, Kenegen keegak iniyogobit lik togon kambit nogwe, Eeko agaarik o.

Kini Wuppiige 12:13

It aap maluk eeka inoone maluk agan nugwi paga ineebe nggelenggologo menggaarak kwe, Aap iniki abe koonak nogo perak, aaninggin inoba arukwak nduk woppako menggaarak.

Kini Wuppiige 18:7

Aap iniki lek wi nogo oone paga nen at eebe aret lek eerogo pake, Oone ari paga nen keele pugu kwak yilunggolage, Eeke menggerak.

Yeremiya 18:16

O time maluk eerogo pemenggerak aakumi abok aret nen inigen kogo logonet, Ogole o, yinuk, inamineeri ne agan nage, Aakumi tu ti paga nogo logonet, inigen kenok, O yi eerogo pegerak iya! yinuk, ineenggi ineyak tikkologwe, Eeko logogun o.

Yeremiya 48:27

At nen it Iterali mendek inagi'ndok kangge, It Iterali aap yogoot kiraaka inenggela'me inom wonogwe iinok, Mbelaappege logonet, anobak yelo-walo mban ari, Eeke logolik a?

Nakum 3:7

Kat togop aago wonage keenok, aakumi abok aret kat mbo paganuk kole mbaganggo logonet, O kota Niniwe nogo, muk maluk agaarak me, ta nen aleenggu maarigin o? yinuk, yugun me, Kiniki eyak wappagawak nduk, aap ngga nen kwaarogo nappiya woraagin, mbaken? Lek aret o,” yinuk, yokkege kagarak me, yagi o.

Linggineegwaarak 16:34

Ndi, it aakumi Iterali mendek time inom wonogwe nogo nen it kwa yogwe inaruk konenggo nogogwaarik, “Nit ninom nggween nen ambeme yonggo'ninake kero,” yinuk, mbaganit nogogwaarak.

Matiyut 21:41

Yorage mbareegi, it nogo nen, “Lek o! Inogoba wage kenok, it aap maluk lombok nogo ti, mondok lek eerogo inooppiinok, inobaane'me awi yareegerak arum logonet, anggen mbaniyak eyom paga anggen mbanogo wogogo logowak nduk, aap alik mippiyaagin o,” yinuk, yoreegwaarak.

Lukat 19:22

Yoge mbareegi, ogoba nen ayeloman nogo yoge logonet, An eeriyak yokkege kwe, noone tagangge menggendak kat nayeloman yi, koone yagandak nogo paga kenggali wappagi o. Nogogumbuk logonet, puulik kwe, wagangge, ndi, awi yumbunulik kwe, anggen yugu mbanggolage, eeke minggirak kat keenu menggendak kwe,

Wayu 18:4

Konengge nagarik, wonage me, mbogut paga nen oone alik ambi ari logonet, “Kit an napuri yi wae. It o kota Mbaben maluk eekwi nogo obaga lu'luk arit mbogut ndak-ndak ari lagangge kenok, At Ala mondok aberak wonage me, kinom maluk eerit nogwe kiinok, It maluk onggo inoba piige logonet, kinom kinoba pinagage kero, o time mbo punuk, kole mbaganggo logonip o.