Ndawi 64:2 - Ala Wone Peenok Peebi Mbanak

² It aap inogogun ambik nen Nooriyak iniki ambit eeppunuk wogwe me, kumaarogo panege, It maluk eeka nen noone-koone agan maluk eeppanit wogwe me, nomoppanege, Eeru o.

Ndawi 64:2 ပူးပေါင်းရင်းမြစ်များ

Wakkagagerak 4:6

Etenggen aagi wu eeppunuk mbareegi, Aliku ALA nen at yoge logonet, “Kat nonggop nduk kanini nen ketenggen aagi wu eeppunuk agandik?”

Ndawi 143:9

Kaliku ALA wae. Neebe op logokit nen, kabu'me kumaa'nari unggwagarak wonage me, Nawim nen pi'nakwi iyo, nili eerogo panege,

Ndawi 2:2

At Aliku ALA tebenogo pugwi, At Amburu Eerogo Mippereegerak nogo maluk eeppugwi, Eeruwok nduk, Aap inendagembogut yi o ndi o nen pipuk eekwi, Aakumi inoweewi nagawan-nagawan kuwak eeppunuk, Wone koonogo pugwi, Eekwi nogo ti, Nonggop nduk eeko agaarik o?

Ndawi 27:5

Aaninggin ambi noba ari wage kenok kawooliya wurik me paninuk wonage, Kat kawi wurik me kumaappaninuk wonage, Neebe yugum lunik paga pani lagangge, Eerumunggun o.

Ndawi 3:1

Nogoba Kaliku ALA wae. It nawim apit nen tebenogo paniyak eekwi, Pilak yogo logonet, nooriyak eekwi,

Ndawi 31:20

Aap maluk eeko menggaarak nen eeppiyoorak kote koonit nugwi nogo eeppiyookwak, It ineebe op logowak nduk, kenggaawak paga piige, Aakumi inoone agan nugwi paga inom yawi pukwak, Kat wonage menggenom kumaappiige, Eeke menggendak o.

Ndawi 56:6

Nenggaawak mbet-mbet lek eerogo panuwok nduk, Wone kote koonogo pugwi, “Nonggop ari kaamun?” yinuk, molok nirit nugwi, An nage neegak, inigen wo'neren nogwe, Eeko menggaarak.

Ndawi 59:2

It maluk eeka ineenggime nen ndinogo panege, It aap inamiya nengga nen nookwi iyo nili ari, Eeru o.

Yetaya 32:2

O wiya warit wage kagak yugum nen mulumbiinok menggi kwak, O wiya nabuninuk wage kagak, ineebe op logowam nobappiinok menggi kwak, O karume niyo eneeri ambik wundit wage menggi kwak, Karu kole nonggolak me mo andi nen yugum kole abu'me ari unggwogo mengga kwak, It aap ti, inalitak lombok togop aret eeppiinok logogun o.

Yeremiya 18:19

Kaliku ALA wae. Noone yokkege yi, karuk konengge, Inoone nabek lek yo'nugwi yi, liippiige, eeru o.

Yeremiya 18:23

Kaliku ALA wae. It nen nenggaawak lek eerogo panuwok nduk koonogo pit nugwi nogo abok aret kat keenu o. It maluk eeriyak koonit nugwi ti, lek eerogo piige, Inomaluk eerit nugwi keenggi linggingge nogo kobak eerogo piige, Eeriyak mage o. Ata, inenggaawak lek aruwak nduk, mbo piige, Ndi, kanini eeppiyoorak eyom ari wage kenok, kanini eeppiige, Eerumunggun o.

Nappiigak 24:9

Yoge mbareegi, it Yakuri kuwak ogogwaarak nogo nen kunduk, “At wone oba pegaarak ti, abet aret kogo o,” yinuk, yereegwaarak.