Ndawi 64:10 - Ala Wone Peenok Peebi Mbanak

¹⁰ Togop eeko logogun kwe, It aap iniki obeelom nogo nen Aliku ALA eeke menggerak paga inale'nggen mbakwi, Ineebe op logowok nduk, abu'me kwi'nari unggwogwe, It aap iniki koonak abok aret Ala endage tiyappugwi, Eeko logowak o.

Ndawi 64:10 ပူးပေါင်းရင်းမြစ်များ

Ayup 22:19

It aap abe iniki koonak mendek nen It maluk eeka inomaluk onggo inoba piige nogo, Inigen iinok inale'nggen mbakwi, It maluk eeka'lek ugun mendek nen It miyuk-meya eerogo piigo logonet,

Ndawi 11:1

An nen Aliku ALA abu'me wonage me, Neebe op aret wonage neegak, Kit nen an yo'nogo logonet, “It aap maluk mendek nen Aap iniki koonak mendek inooriyak nduk, Ineegin agale wukwi, Inomaale ineegin agale paga luumbugwi, Namburogo nappuurak nduk o apit me ari unggwogwe, Eekwi ti, pegiyet o. Tiiru oolo yinik kinogo wumbugwi iinok, o miyak ari menggi kwak, eeriyak kenok, It aap iniki abe koonak mendek nogo nonggop arugun, mbaken? Meek me, towe wiganinuk puut paga ari nage menggi kwak, Kat kabuut paga time nak o,” yinuk, yo'nugwi ti, Nonggoti yo'nogo ogotik?

Ndawi 112:2

O nggween yime at apuri-ombowologwe inendage tiyanak iinok, inoone konenggwi, Iniki koonak paga ndarak nogo inale'nggen aret wonogwe,

Ndawi 25:20

Neebe op logorak kabu'me aret minggirak me, Nenggali arukwak kat nen narum wake, an nagap ndake, Eeru o.

Ndawi 32:11

Togop me, aap kiniki abe mendek yi wae. Aliku ALA nen eekkinake paga Ale'nggen mbako logonet, keekok yogwe, Kit abok kiniki abu koonak monggotak yi wae. Kiniki ale'nggen nen ndawi lubuk yogwe, Eeko logonip o.

Ndawi 40:3

Ndawi ngget mendek yikit nduk nambe eraabin eeppanege, Ndawi ninogoba Ala endage tiyappugwi mendek yo'nege, Eekerak me, It aakumi ambik aret inigen kogwe, inagabiti mbakwi, Eeko logomenggaarik, Iniki Aliku ALA oba panggombugun o.

Ndawi 58:10

Aap iniki abe koonak nogo nen Maluk eeppiigaarak onggo eeppiige nogo inigen iigwi, It aap maluk mendek inamiya paga iniyok kookkologwe, Eeko logonet, Inale'nggen mbako logogun o.

Ndawi 97:11

Aap iniki abe nogo inoba eya eerogo piige, Iniki koonak nogo inale'nggen mbaruwak nduk eeppiige, Eeke logogin o.

Nggalatiya 6:14

Ndi, an perak, ninowe Yetut Keritut eyo karo-karo paga kambeegerak wone nogo abet mba'nuk, waganeegirak ti paga, it nggween paga mendek nen eeko menggaarak ti, aap kanggaatak inoone yogolik nogo pogom me, it eekwi nogo an ambi eeke logokit nduk, yo'niriyak meek aret o. Ndi, an kunduk kambeegirak negen aret me, it nen an yo'nugwi nogo kunduk, koneniyak meek me, an eeke minggirak paga wogoppatiyak lek o. Ata, ninowe Yetut Keritut eyo karo-karo paga kambeegerak wone nogo mban tiyappege agarik o.

Pilipi 4:4

“Ninowe kinom kunik logonet, kiniki ale'nggen mban mbako logonip o,” yinuk, ne mbere paga yokkiragi o, noreewi.