Ndawi 63:9 - Ala Wone Peenok Peebi Mbanak

⁹ It an nooriyak koonggwi nogo inenggaawak lek ogwe, Nggween abu'na kiiniki paga wambi nogwe, Eerugun o.

Ndawi 63:9 ပူးပေါင်းရင်းမြစ်များ

Ayup 40:13

It abok ambugwi aret nggween taambiige, Keele maarogo kambunuk nogo menggam mambiige, Eeke logot o.

Ndawi 18:36

Nandelen koguk yukwak, naru nggwok yarogo panege, Eeke menggendak o.

Ndawi 35:26

Aaninggin noba age neenok, “Op aret eeppogo a!” yinuk, iniki wogoppakwi nogo Inenggali ogwe, iniki kobak ogwe, Eeruwak o. Aaninggin noba kwi'nagaarak wonage neenok, It aap inale'nggen mbakwi nogo Yum yikkologo mengga kwak, inenggali eekkologwe, Inendage maluk eekkologwe, Eeruwak o.

Ndawi 35:4

It an nooriyak mu'neren wogwe nogo inenggali ogwe, “Ineegin tebek yegerak kayik a!” yinuk, yogwe, Eeruwak o. Nendage maluk eerogo panuwok nduk wone mbanit nugwi nogo Iniki kobak a'nuk iniyokan yungguninuk nawak o.

Ndawi 38:12

It nenggaawak lek eerogo paniyak mbakwi nen Keele pogo mengga kwak ee'nakwi, It maluk eeppaniyak mbakwi nogo nen, “Nonggop eerogo lek eeppuwok o,” yinuk, yogwe, O kubondendok nen nok oonikiya ari wage kagak, Nambokan laganuwok nduk, kote wone koonogo pugwi, Eeko agaarik o.

Ndawi 40:14

It aakumi an nooriyak koonggwi nogo inenggali ogwe, Iniki kobak a'nuk ma'nogwe, Eeruwak o. Ndi, it maluk eeppaniyak mbakwi nogo inenggali a'nuk yungguninuk nogwe,

Ndawi 55:15

Togop me, an nawim nogo Inikime maluk eeriyak mban koonggwi, It menggam kunduk maluk mban eerit nugwi, Eeko menggaarak me, Abera'lek kagak kanggwi, Kambunuk nogo menggam ineenik ngge-ngge wambi nogwe, Eeruwak o.

Ndawi 55:23

Togop aret me, Ala wae. It aap maluk eeka nogo Lek ogo menggam mbuun ambena kabelogo wuppiige, It aap inoone pilit yaga inom, inamiya nengga inom, It ndarak eyom awo ari naga'lek iigak, kambuwak nduk eeppiige, Eerumunggun kwe, An perak, kat nen an eeppanenok nduk, Niniki koba panggombunuk aret agarik o.

Ndawi 70:2

It aap an nooriyak eekwi nogo Inenggali ogwe, iniki kobak a'nuk ma'nogwe, Eeruwak o. Ndi, it maluk eeppaniyak mbakwi nogo kunduk, Inenggali a'nuk yungguninuk nogwe,

Ndawi 9:17

It aakumi maluk eeko menggaarak nogo ti, Kambunuk nogo menggam unggwi nogwe, Ndi, yi aakumi ndi aakumi Ala mari eerogo pugwi nogo kunduk, Tu time aret nogwe, Eeko menggaarak kwe,

Ndawi Iya 8:5

O karume nen kwe iniki kunik imbirak pangget-pangget aago wage ti ta o? Eyo anggen abe abu'me an nen kat keenik eeppagagirak o. Time nen kat kagalo inikime logonggake, Time nen yagan wake logonet, kat ndakkake, Eereegerak o.

Yetaya 14:15

Melak togon aakumi kambunuk nogo menggam mbo wuppagage, Mbuun ambe kiiniki paga lombok wuppagage, Eeke kagarak o.

Yetaya 14:19

Kat perak, eyo eno'mbak maluk kenok pendenogo mbo nappogo mengga kwak, Kat taambagarak kanggween kabunogo pateeginom time kayuk wurogo taambagulik mbuun ambena wuppagagaarak kinom wonage me, It aap karugum inoorak koba lunogo wuppiigaarak kinom wonage agandik o. Aap kanggaatak ineebe paga iniyok pit nogo mengga kwak kat togop aret eerogo pagago agaarik o.

Yetaya 14:9

Kambunuk nogo menggam nogo nen kat wokkabi wage logonet, iniki ale'nggen mbake, At nen it aakumi nggween paga wone lengganogo yorogo nogogwaarak maan kambeegwaarak nogo Wokkabuwak nduk inogoma ineenik eeppiinet nage, Yi aakumi ndi aakumi inoweewi inendagembogut kambeegwaarak wone lengganogo yorogo nogogwam kwi'ndak wonogwe nogo, Mi'nanip o, yinuk, yorage, Eeke kenok,

1 Tamuwen 25:29

Aap ambi nen kat kooriyak nduk, mukkeren woramenggerak kwe, aap ambi amendek nggerenogo kumaappatinuk menggi kwak, yi aap ndi aap iigak, at Aliku kogoba Ala nen togop aret kumaappaganuk wonage, ndi, aap ambi yugum keele paga nabembunuk, namburogo nappege menggi kwak, kawim togop aret mugogo nappiige, eeke logogin o.

1 Tamuwen 28:19

At Aliku ALA nen kat inom, aakumi Iterali mendek inom, abok aret waganogo aakumi Pilitin mendek ineenggime piyamenggerak paga, ko'lu kat Tawun nogo kapuri kinom kinogoma an wonage me ninom aret wonogwe kiyaagin o. Ndi, it kawuri ineegin warak kunduk, togop mban ineenggime piyaagin o,” yinuk, yoreegerak.