Ndawi 63:8 - Ala Wone Peenok Peebi Mbanak

⁸ An kat paga panggonak wonage neenok, Keenggi abe'nggan paga eyak wappaninuk menggendak o.

Ndawi 63:8 ပူးပေါင်းရင်းမြစ်များ

2 Mbinineegwaarak 31:21

Ndi, Ala awi wurik me eeke logowak nduk eeke, eeko logorak wone yugu liiru mbanak inom, “Yogop ee'nu ndogop ee'nu,” wone yugu inom, “Ndak-ndak eerikit o,” yinuk eeke, eeke kenok, “Ala ari kaakit o,” yo'nuk, iniki-eebe Ala wogo'nuk eerit nage nagagerak me, at eeriyak mbake nagagerak nogo a'me aret age nagagerak.

Ndawi 18:35

Nagap ndarak logokit nduk kanggeemu wo'nege, Keenggi abe'nggan paga panggonneren nage, Nendage nggwok aruwak nduk mippani wambi wage,

Ndawi 37:24

It iniyogobit liniraagin kwe, Aliku ALA panggoniren nege me, Yigeebu wambugun lek o.

Ndawi 41:12

An abet aret maluk eekeelik Obeelom mban eeke neenok, Niniki eyak wappanege, An kenggaanom paga mondok-mondok logokit nduk Wo'neren pani wage, Eekendak o.

Ndawi 73:23

Togop aret eekirak kwe, Kat mbo panega'lek nimbirak wonage, Neenggi abe'nggan pi'nake,

Ndawi 73:25

O mbogut paga time an yeenggwa niriyak Aap alik ambi wonage mbaken? Lek aret o. Kat kalik nen aret yeenggwa nege menggendak o. Kalik aret yeenggwa nege menggendak me, O nggween paga yime aap ambi yeenggwa nege logorak an mondok mbaka'lek aret agarik o.

Ndawi 94:18

An nen ari logonet, “Kaliku ALA wae. An eraabin tuk togon wangge agarik o,” ari neenok, Nabuwa nen pi'nake nagandik, nu'lek eerogo panege,

Ndawi Iya 2:6

At eenggi kwaare'nggan paga nanep mbambaninuk wonage, Eenggi abe'nggan paga lamoppaninuk wonage, Eerak kwak agarik o.

Ndawi Iya 3:2

Waga'lek kenok, an nen mbake logonet, “An mi'nage logominggirik, o kota yengget-wangget tu nggwok paga inom, wone mbanggo menggam tinime inom, kwaarit wundi nage, At niniki kunik nogo wonage kero, kwaarit nage, Eerikit o,” Yinuk, mi'na'nuk, kwaari wunggirak kwe, eebe lek aret kagarak o.

Yetaya 26:9

Oonikiya paga, “Nimbirak lambunikit lak, ao,” mbake, Ndi, o weege paga, “Keyaakit lak, ao,” mbake, Eeke minggirak. O nggween paga yime nen aakumi inowak looni wage eyom paga Kat a'me nggelok mban eeke menggendak nogo it aakumi nggween paga wonogwe abok aret ineenu arugun o.

Yetaya 41:10

An kit ninom wonage me, kinagabiti mbakwi, An kinogoba Ala aret me, kiniki piirik ogwe, Eerugup o. An nen kinomaawi eerogo pinagage, yeenggwa kirage, Aap ambi nen tebenogo pinagukwak, neenggi omaawi abe'nggan paga pikkinake, Eerigin o.

Yetaya 42:1

“An nen leenogo pateegirak niniki kunik eeke, Eerit nage kagak panggombege, Eeke minggirak nayeloman eeke logorak nogo yi aret. An Naberiniki at oba pege neenok, At nen yi aakumi ndi aakumi wone yugu nogo a'me nggelok eeko logowak nduk, yoranet nege logogin o.

Matiyut 11:12

At Yiime Wuppiiga Yaya nogo nen wone yokkirage nagagerak eyom paga nen nok, yogondak kuli, at mbogut paga mendek abu'me piige menggim tebenogo pugwi, ndi, aakumi inoone omaawi paga nen unde eekkolaawok nduk, wakkogwe, eeko menggaarak o.

Lukat 13:24

Yoge mbareegi, Yetut nen, it yorage logonet, “Tu mbuuluk paga unggwi noorak nduk, lin wako logonip o. It aakumi apit aret unggwi noorak nduk, eeremenggaarak kwe, meek tit kaagun o, yinuk, yokkege agarik o.

Kolote 1:29

Kiniki mondok kole ogwe kiyaakit nduk, Keritut omaawi mondok alik negen eeppanege kagak, an puk aga'lek kit kinake mondok nggwiirit-nggwaarit eeke agarik o.