Ndawi 63:5 - Ala Wone Peenok Peebi Mbanak

⁵ Mbi ombat abe larak ndonggok togon nunggwi kwak, Kat togop aret eeppanege keenok, Niniki ale'nggen nen noone paga Ndawi wake logonet, tiyappagage logogin o.

Ndawi 63:5 ပူးပေါင်းရင်းမြစ်များ

Ndawi 104:33

An kangga'lek awo neenik wonage logonet, Kaliku ALA kale'nggen kaanok nduk, ndawi wake, An awo wonage logonet, Kat nogoba Ala ndawi paga kendage tiyappege, Eeke logogin o.

Ndawi 104:34

Kaliku ALA nen eeppanege paga nale'nggen mbake logonet, niniki koonit nage nogo, Kat kinikilom nombariyak, “Ao,” mbake kwe,

Ndawi 134:2

At awi wurik alik leenak menggim nen kineenggi nippugwi, Nippunuk, Aliku ALA tiyappugwi, Eeko logonip o.

Ndawi 135:3

At mendek logowak nduk, Aliku ALA nen Yakup miirogo pege, Iniki kundugu lombok logowak nduk Iterali leenogo pege, Eereegerak paga Aliku ALA abu obeelom mban wonage me, tiyappugwi, It aakumi at endage kunggo logonet, Inale'nggen kogo menggaarak me, at endage tiyappugwi, Eeko logonip o.

Ndawi 17:15

An perak, obeelom mban eeke minggirak me, Kenggaawak nenegen kage, Neenik a'nuk kenete nonggop menggendak nogo nenegen keege, Eeke logominggirik, Niniki abu ndonggo yigin o.

Ndawi 43:4

Ala wae. Kat nogoba Ala aret me, nappani wage keenok, niniki ale'nggen ee'nake, Nale'nggen kani negen wununogo panege, Eeke menggendak kat Ala nogo an kowagam nage, Kake warogo wakkogo menggam ari nage, Eeke logominggirik, Nggitat eeke logonet, “Wa!” lombok yokkirigin o.

Ndawi 65:4

It aap kat nen leenogo piige, Kinom logonok nduk kawoore'nggam piya wage, Eeke menggendak kenok, Inale'nggen wonogo mengga kwak, Nit kat kawi wurik me unggunuk wonogwe niigak, Obeelom mban eerogo pinanege ti paga niniki abu kwi'nage, Nit kat kawi alik leenak wurik me Unggunuk wonogo logonet, ale'nggen lombok ee'ninake, Eeke agaarik o.

Ndawi 71:23

Nagap ndarogo paneegindak an nogo nen Ndawi paga kalut eeke logonet, Niniki ale'nggen lombok nen kuum-keek ari logogin o.

Ndawi 96:6

At endage tiyanak ayuk warak wonage kenok, “Wi!” ugwi nogo mban ndak warak wonage, At omaawi ayuk warak lombok menggerak nogo ti, At awi alik leenak menggim nogome ndak warak wonage, Eeke menggerak o.

Ndawi Iya 1:4

Togop me, nit mbet-mbet nawok nduk, an kat kambokan woraakit nen, “Omok o,” yo'niru o. Nowe kendagembogut yi wae. An wo'neren kago ogoorak me pani wagandak wonage agarik o. Kat keenok, ninale'nggen nggwok lombok mbakwi, Kat eeke keenok, niniki ale'nggen alik negen kogwe, Anggur amburu noorak ninikilom mbuuluk mbakwi kwe, kat ninoreeluk abuwa nen kiniki kunik eekendak paga kat tiyappagagwi, Eeko ogoorik o. It komologwe kat tiyappagarak ti abu obeelom aret o.

Yetaya 25:6

“Puut yi paga Nomaawi Lombok Minggirak Naliku ALA nen yi aakumi ndi aakumi abok aret Inake yi mendek ndi mendek ombat abe lombok anggur kole agaarak amburu toolak inom, Amok enggaanggum ta'mbanak inom, Anggur amburu at mendek mban toolak inom, Pipuk eerogo pege,

Yeremiya 31:4

Togop me, kolaga aap kigin waka'lek kwak kit Iterali yi wae. Aa'nduk wonogogutak kwak eerogo pinagage neenok, aa'nduk wonogogutak pogom aret arumunggup o. Ndi, aa'nduk kinalobale eekak waganggo nogogutik, Iniki ale'nggen paga kwirabik-kwirabok yogwe nogo kinom eeko nogogutak kwak ambinom eekwi,