Ndawi 63:2 - Ala Wone Peenok Peebi Mbanak

² Kawi alik leenak wurik me wonage me nenegen keege, Komaawi ambik kendage abu tiyanak liippagage, Eekirak o.

Ndawi 63:2 ပူးပေါင်းရင်းမြစ်များ

1 Mbinineegwaarak 16:11

Aliku ALA kwaakwi, omaawi eeppinagawak nduk yogwi, Etenggen liippubagip nduk kwaakwi, Eeko logonip o.

Ndawi 105:4

At Aliku ALA mban mugurok nogwe, At omaawi eeppinagawak nduk nggino yogwi, Ko'lu-kii'me enggaawak koorak nduk owagam unggwogwe, Eeko logonip o.

Ndawi 134:2

At awi wurik alik leenak menggim nen kineenggi nippugwi, Nippunuk, Aliku ALA tiyappugwi, Eeko logonip o.

Ndawi 145:11

Kat mondok iya lombok eeke menggendak inom, Kabu'me piige menggenom mondok iya tiyanak kenok “Wi,” ugwi nogo inom, Aakumi abok aret ineenu aruwak nduk, Kabu'me piige menggenom tiyanak wonage nogo yorogwe, Komaawi lombok menggendak nogo mbininogo yorogwe, Eeko logogun o.

Ndawi 27:4

Wone ambit ambi Kaliku ALA yokkiriyak mbake, Ambiriluk ambi an eeke logorak uugwe mbake, Eeke nogo yi aret. Keraambe abu obeelom lombok menggendak nogo liippagage, Kat kawi wurik me logorak ninikilom mbake, Eeke logokit nduk, An Kaliku ALA kawi wurik me wonage neegak, Mondok kambi noorak kuli ari nawak o.

Ndawi 42:3

Kubondendok nen nok oonikiya ari nage kagak, It aap nen, “Kogoba Ala nggeeme wonage o?” Yo'nugwi tit iigak, Liingge oonikiya nambi-mbiingga nengge pogom Nale amburu mban wangge agaarik o.

Ndawi 43:4

Ala wae. Kat nogoba Ala aret me, nappani wage keenok, niniki ale'nggen ee'nake, Nale'nggen kani negen wununogo panege, Eeke menggendak kat Ala nogo an kowagam nage, Kake warogo wakkogo menggam ari nage, Eeke logominggirik, Nggitat eeke logonet, “Wa!” lombok yokkirigin o.

Ndawi 5:4

It aap maluk inikilom mbako mengga kwak kat nogoba Ala togop mbakeelik o. It maluk eeka nogo kinom wonageelik o.

Ndawi 68:24

Ala wae. It kawim tebenogo piinok, Mbigin-mbigin eerogo piinok wogoren wage nogo ninigen nakkeegwi, Kendagembogut ninogoba Ala wae. Mbigin-mbigin eerogo piinok, Kalut eeko menggam alik leenak nogome Wogoren unggwi nage keegwi, Eekwi niigak,

Ndawi 78:61

Ala omaawi ineenu agak At oone yugu yonggolak aloobut mbanak nogo, Ndininuk nawak nduk mbo pege, At endage abu tiyanak ineenu agak aloobut mbanak nogo, Inawim ineenggime piige,

Ndawi 96:6

At endage tiyanak ayuk warak wonage kenok, “Wi!” ugwi nogo mban ndak warak wonage, At omaawi ayuk warak lombok menggerak nogo ti, At awi alik leenak menggim nogome ndak warak wonage, Eeke menggerak o.

Yetaya 60:13

Eyo o Libanon abe kenok, Wi! ugwi nogo wonok iri wogwe, Eyo nggabina inom, kilu-kilu inom, ndiindi inom, an nawi wurik abe amini mbanogo pit nawak nduk, wonok wogwe, Eekwi iinok, Niyok punuk minggim tiyanak wonage kaawak nduk, eerogo pigin o.

Yeremiya 31:14

It aap an neebe unde wonogwe iinok, mondok alik negen eerogo piya wogwe paga ndonggorogon nunggwi, Ndi, an napuri nogo obeelom mban eeppiige paga iniki mondok ndonggo ari, Eerugun o,” yinuk, Aliku ALA nen aret yegerak o.