Ndawi 63:11 - Ala Wone Peenok Peebi Mbanak

¹¹ Togop arugun kwe, nendagembogut an perak, Kat nogoba Ala paga niniki ale'nggen mbake logogin o. It aap pilit pugungga nogo inoone lek arugun kwe, “Nogoba Ala owak o,” yinuk, Kumbuk mbanggo menggaarak nogo perak, Inoone wogok yigin o.

Ndawi 63:11 ပူးပေါင်းရင်းမြစ်များ

Ayup 5:16

Ineenggi lek nogo iniki lunik ambi wonage me, It maluk eeppiyoorak mbakwi nogo, inoone lek eerogo piige, Eeke menggerak o.

Ndawi 107:42

Ti eeppiige mbareegi, aap iniki abe koonak nen Inigen pegiinok, inale'nggen mbakwi, Ndi, it aap maluk mendek abok aret inoone lek ogwe, Eereegwaarak.

Ndawi 2:6

“At endagembogut logorak leenogo pigirak nogo Nabuut leenak Tiyon nogo paga mippigirak o,” Yinuk, yegerak o.

Ndawi 21:1

Kaliku ALA wae. Kat komaawi lombok wonage keenok, Aap endagembogut yi, ale'nggen mbake, At eegin tiyappegendak me, ale'nggen alik negen kombake, Eeke agarik o.

Ndawi 31:18

It aap ti, iniki wogoppakwi, Aap abe kagak, “Abe lek o,” yinuk, meek eerogo piigwi, Eerit nugu logonet, We ugun pilit-pilit agan nugwi nogo inoone lek eerogo piyet o.

Ndawi 44:20

Nit nen kat ninogoba Ala kendage mari eerogo pugwi, Kat kobaane'me kugi nen ambi eeppinanuwak nduk, Nggino yogwi, Eeko logonetak en,

Yetaya 19:18

Ne ti eyom paga o Metit kota 5 nogome it Kanan inoone paga yogwe, “At Omaawi Lombok Menggerak Aliku ALA ti, nit ninogoba aret o,” yinuk, kumbuk mbanggwi, eerugun o. Ndi, o kota 5 nogo ambit-ambi endage, “Oonegen Agota o,” yinuk, yogo logogun o.

Yetaya 45:23

An nalik nendage kumbatinuk yorage, Wone abet aret eerigin, mba'nuk yorage, Eereegirak me, Wone yoragagirak nogo lek arigin lek a'me aret arigin me, It aakumi abok aret nabu'me inendobanggun yindu yi wogwe, It abok aret nabok paganggo logonet, a'me nggelok eeppinanege, Omaawi paga eerit nage, Eeke ti, Aliku ALA mban aret o, yinuk, kumbuk mbanugun o,” yinuk, yegerak me, yagi o. It aakumi abok aret at eebe paga inanini ombakwi nogo at owagam wogwe iinok, inenggali arugun kwe,

Yetaya 65:16

Aa'nduk aaninggin-paaninggin inoba piige nagagirak nogo mari eerogo pigin me, aberak wonage, Ndi, lek arigin me, nenegen kage, Eerigin lek me, It aap o time wonogwe nen, Ale'nggen ninoba pinanuwak, mbako logonet, Liirogon mban eeke minggirak an Ala nendage kumbunuk, yo'nugwi, Ndi, it aap o time wonogwe nen ambi eeriyak nduk, kumbuk mbaniyak mbako logonet, Liirogon mban eeke minggirak an Ala nendage kumbunuk kumbuk mbanggwi, Eeko logogun o,” yinuk, yegerak me, yokkiragi o.

Yeremiya 18:21

Togop me, it aap ti, inapurilogwe mbi abu nen kanggwi, Wooluwak paga ndanuk togon inookwi iinok kanggwi, It inakuwi ti, inaagalogwe kobak ogwe, it kumi togwe aret ogwe, It mendek inowe-inawot aap nogo kugi andi nen kambit nogwe, Inawuri nogo wim eeko logonet, maale paga inoorak kambit nogwe, Eeruwak nduk eeppiyet o.

Oroma 3:19

Ti kenok, Ala nen, “Yogop ee'nu, ndogop ee'nu,” yinuk, wone Muta yoreegerak nogo abok aret it woppunuk eeko menggaarak ti, inake aret nineenu me, it yi aap ndi aap o yime menggaarak abok aret inoone lek agago piinok, “Nit abok aret maluk eekwi onggo eeppinanigin kogo o,” yinuk, yelok kaawak nduk, wone Muta yoreegerak kogo ogoorik o.

Pelaareegerak 6:13

Kit nen at Aliku kinogoba Ala mban ayuk wuko logonet, at mban alut eekwi, at mban endage paga kumbuk mbanggwi, eeko logomunggup o.

Iberani 6:13

At Ala nen Abarakam abok yoge logonet, “An nen abet aret nale'nggen nggwok togon koba pagage logonet, kombowologwe apit wokkirigin o,” yinuk, yoreegerak nogo ti, at endage tiyanak kokwak, ambi wonage lek me, at endage aret kunogo yoreegerak.

1 Tamuwen 23:17

Ka nage nagagerik, Yonatan nen at Ndawut yoge logonet, “An nogoba Tawun nen pikkabi woraagin abu lek o. Kat nimbirak Iterali inarum logonet, kat kendagembogut keegak, an kat kabu'me logorak nogo neenu aret o. Ndi, nogoba Tawun kunduk, eenu aret me, kagabiti mbarugun o,” yinuk, yoreegerak.

1 Tamuwen 24:20

Ndi, kat abet aret aakumi Iterali inowe kendagembogut age, ndi, aakumi Iterali kabu'me piirogo mondok nu'lek aret wonage, eeke logomunggun nogo, an neenu aret me,