Ndawi 63:1 - Ala Wone Peenok Peebi Mbanak

¹ Ala wae. 1 Kat an nogoba Ala aret o. Iri'ngga laganggeelik nggween mbuk paga logonet, Niyo abu wen-wen eeginake menggi kwak, Kat keebe lombok keyaakit lak, “Ao,” kombake, An lombok nen nimbirak lambunikit lak, “Ao,” mbake, Eeke logonet, Kwaakkabit nege agarik o.

Ndawi 63:1 ပူးပေါင်းရင်းမြစ်များ

2 Tamuwen 15:28

Ndi, an niyo wunda nogo menggam karume time wonage me, wone yogop-ndogop yogwe iinok, an yo'niri woro o.”

1 Mbinineegwaarak 16:14

At Aliku ti, ninogoba Ala aret o. Yi aakumi ndi aakumi nggween paga wonogwe abok aret It eekaatak inawone amburu mbanogo yorage menggerak.

Ayup 8:5

Kat perak, kiniki kikak naka'lek abu koonak logonet, Yeenggwa kiruwak nduk Ala yoge, At Omaawi Lombok Menggerak nen Kabuwa mbaruwak nduk nggino yoge, Eeke keenok, At kake eerikit nduk, mi'nage logomenggerik, Aa'nduk wonagagerak obaane'me li'luk eerogo pagagin o.

Ndawi 118:28

Kat nogoba Ala aret me, “Wa,” lombok yokkege, Kat nogoba Ala aret me, tiyappagage, Eeke logogin o.

Ndawi 119:81

“At nen nagap ndari woraawak lak, ao,” Mbake logonet, niniki lek-lek ee'nake kwe, Kat koone yugu nogo niniki lunik mban wonage,

Ndawi 143:10

Kat nogoba Ala aret me, Kat eeriyak mbake nogo mamunnake, Kimbirak menggendak abu obeelom Aberiniki nogo nen Tu kobappaga wo'neren nawak nduk, nappi wage, Eeru o.

Ndawi 143:6

Nggween mbuk agaatak kwak An niniki togop aret woongge kenok, Kat koba abeke logonet, Neenggi nippunuk tamban eeke agarik o.

Ndawi 31:14

Togop aret kwe, Kaliku ALA wae. An perak, niniki koba panggombege, “An nogoba ti, Ala aret o,” yinuk, ari, Eeke agarik o.

Ndawi 42:11

Niniki yoge logonet, “Niniki yi wae. Kat nonggop nduk puru ari, Nonggop nduk, Ai, mbake, Eeke agandik? Nagap ndaka nogoba Ala endage tiyappege logogin me, Niniki yi, at paga panggonak logot o,” Yinuk, yoge agarik o.

Ndawi 5:3

Kaliku ALA wae. Kuubondendok noone yokkege nogo Karuk konengge menggendak o. Kuubondendok nggino yokki'nuk, “Kat ari keyaakit o,” yinuk, Tokkeege minggirak o.

Ndawi 78:34

At Ala nen inooke kenok, it nen at mugurok nogwe, Yungguk togon pelen-pelen at mugurok nogwe,

Ndawi 84:2

Kaliku ALA kawoore'nggam logokit lak, “Ao,” mbake, Niniki mondok nenet unggwage, Ineenik aganaka kat Ala aret me, Nimbirak lambunikit nduk, Niniki inom, neebe inom, uugwe lombok mbarit unggwage, Eeke agarik o.

Ndawi 91:2

An nen Aliku ALA yoge logonet, “An neebe op logowam inom, Pak wurogo pereegim inom, ti, Niniki koba panggonak nogoba Ala kat aret o,” Yinuk, ari logogin o.

Wundeegwaarak 15:2

At Aliku ALA ti, Nomaawi inom, nendawi inom, aret wonage o. At nen aret nagap ndareegerak o. At Aliku ti, nogoba Ala aret me, Alut eeke agaarik o. At ti, an nombomini inogoba Ala aret me, Endage tiyappege agaarik o.

Wundeegwaarak 17:3

Yoragagerak kwe, it aakumi nogo niyo abu lombok eeginabeegerak me, Muta ineebi-ineeba yogo logonet, “Ninapurilogwe inom, ninaanggumi inom, niyo abu nen aret kambuurak kagak, nonggop nduk o Metit nen wo'niren wundi wagandak?”

Kini Wuppiige 8:17

It aakumi iniki kunik ee'nakwi nogo an nen niniki kunik eeginake, It an kwaa'nabit nugwi nogo kwaa'neyaawak nduk, neebe nigiige, Eeke minggirak o.

Ndawi Iya 5:8

O Yerutalem aagalogwe komologwe yi wae. Kit nen at an niniki kunik eeke nogo kogwe kenok, nonggop yorumunggup o? “Lek o! At kiniki kunik nogo nen kimbirak lambuniyak iniki nggilu ari mban kogoorak, yorugun o, Yinuk, kumbuk mbanogo an yo'ninip o.”

Yetaya 32:2

O wiya warit wage kagak yugum nen mulumbiinok menggi kwak, O wiya nabuninuk wage kagak, ineebe op logowam nobappiinok menggi kwak, O karume niyo eneeri ambik wundit wage menggi kwak, Karu kole nonggolak me mo andi nen yugum kole abu'me ari unggwogo mengga kwak, It aap ti, inalitak lombok togop aret eeppiinok logogun o.

Yetaya 35:7

Mbini aganggen wonage nogo niyo nen yenggenogo pege, Niyo yawengga'lek nggween mbuk aago wonage nogo niyo tuburubu lagit wage, Ndi, o aa'nduk mba'ngge inawi miippatinuk wonogogwam nogome piinde inom, mbereewak inom, lagangge, Eeke logogin o.

Yetaya 41:18

Puut-puut puluk ko aago paga nen niyo kilanogo wumbi wage, O kobappaga niyo eneeri wumbit wage, Karume niyo lek nogo yilaa'nggun yenggenogo pit wage, Niyo eneeri wunggeelik nggween woloonak nogo niyo eneeri tuburubu wumbit wage, Eerigin o.

Yeremiya 31:1

Aliku ALA nen ari logonet, “Ti eyom paga it aakumi inanebunu Iterali mendek abok aret inogoba Ala an aret me, it an napuri aret logogun o,” yinuk, yegerak o.

Yeremiya 31:33

“Ti eyom abu aret age kenok, it Iterali paga wiganak wone ngget mendek ninom koonogo puurak nogo yi aret. Eeko logorak yoragagirak nogo inikime nabenogo piige, Inikime liiru negen mbanogo piige, Eerigin me, An nen it inogoba age, ndi, it nen an napuri ogwe, Eerugun o.

Oteya 5:15

“Ti eeke neenok, it nen, Nit maluk aret eeko o, yinuk, inomaluk awo pagangga'lek iigak, an wonage minggim ari naminggirak wonage logogin o. Wonage neegak, it an mu'neren wogwe, Aaninggin-paaninggin inoba kwi'naremenggerak ti paga, At ninom lambunuwok lak, ao, yinuk, an kwaa'nabit nugwi, Eerugun o, yinuk, yegerak me, yokkiragi o,” yoragagirak.

Takariya 13:9

It mbere inooke logonet, ambi teppigin nogo ti, mbuti perak at mendek mban aruwak nduk, kani paga worako mengga kwak, Mbuti emas etenggen yelok kaawak nduk, kani paga worako mengga kwak, It togop aret eerogo piyaagin o. Ti eeke neenok, it nen an nendage kunogo nggino yo'nugwi iinok, naruk konembunuk, yorage logogin o. It an napuri aret o, ari neenok, it nen kunduk, Aliku ALA ti, ninogoba aret o, yinuk, yogo logogun,” yegerak o.

Matiyut 12:43

Wone ambinom yorage logonet, “Kugi ogole warak mendek aap inikime nen wungge nagaatik, Nggeeme yonggonggola? yinuk, niyo ero lek me kwaarit negetak-negetak yonggonggolaawam lek kenok,

Matiyut 6:33

Kit aa'nduk kinogoba abu'me pinagarak, Ao, mbakwi, ndi, at obeelom lombok eeke logorak mbake nogo, kit ndak-ndak eeko logorak miikwi, eeko logonip o. Togop eekwi kiinok, kit nen, Ti mendek lek me, uugwe mbakwi nogo inom abok aret oba lunogo wokkirage kaamunggup o.

Yaya 20:17

Yoge mbareegi, at Yetut nen, “An nogoba wonage me awo ka lagangga'lek me, pi'nabugun o. Kit kinogoba ti, an nogoba. Ndi, kit kinogoba Ala ti, an nogoba Ala aret me, at wonage me ka lagi nage agaarik, yegerak o, yinuk, noreewi ineenu logowak nduk, yora nak o.”

Yaya 7:37

Ti'nuk, age yobok togon laago nggwok lombok lakwi paga at Yetut mi'nage nagagerik, oone nggwok paga yorage logonet, “Wologo wae! Kit ambi niyo abu kenok, an nowagam na woraanip o.

1 Tamuwen 22:5

Wonogwe iigak, aap Ala nen yoge kagak yoraga endage Nggat nen Ndawut pekka nage nagagerik, yoge logonet, “Kat ndo yugum pak wurogo pereegim yime logogun o. Aakumi Yekura iname time nak o.” Yoge mbareegi, at Ndawut nogo eyonggaame o Keret time nagagerak.