Ndawi 62:9 - Ala Wone Peenok Peebi Mbanak

⁹ Inendage lek ndarak inoba panggonak wonogwe ti, We aanom warogo aret kagak eekwi, “Aap inendage warak ndarak inoba panggombinip o,” Yinuk, yogwe nogo ti, Abe ariyak lek pilit kagak panggombuurak yogwe, Eeko menggaarak me, “Op inoba panggombuurak ngge o?” yinuk, wakkaanuk, Aap inambe aagi ne ambit wungge menggi kwak, Imbirak ndak-ndak wonogwe iyaamunggup o.

Ndawi 62:9 ပူးပေါင်းရင်းမြစ်များ

2 Tamuwen 15:31

Laganggwi iigak, aap ambi nen Ndawut yoge logonet, “Abatalom oreewi inom nen kat tebenogo pagarak iniki ambit eeppunuk, koonggwi nogo, aap Akitoben inom aret koonggo agaarik o.” Yogo mbareegwa, at Ndawut nen konembunuk, Aliku ALA yoge, “Kaliku nogoba ALA wae. At Akitoben wone koonogo yorage nogo, Wi negen agan nege agaarik, mbaruwak nduk, eeppu o,” agan puut kirin paga ari laganeegerak.

2 Tamuwen 15:6

It aakumi Iterali mendek abok aret aap endagembogut nen inawone amburu mbanogo inowak looniyak nduk, at owagam wogwe iinok, at Abatalom ti eeke nagagerak paga iniki nomonogo at paga mban piige nagagerak.

2 Endagembogut 19:14

It aap liiru mbanak wonok wogogwaarak nogo at Kitikiya woppunuk, pekkage nagagerik, wonok Aliku ALA awi wurik me unggwi nanuk, Aliku ALA enggaanom paga mbiganogo pereegerak.

Ndawi 116:11

“Nonggop eeri?” mbake logonet, “It aakumi abok ti, pilit pugungga aret o,” ari, Eekirak o.

Ndawi 118:9

Nineebe op logowok nduk, Niniki aap nagawan-nagawan inoba panggombuurak ti, Meek aret me, Aliku ALA paga mban panggombunuk logorak ti, op o.

Ndawi 142:3

An tu nage minggim aap nen an nooriyak nduk, Keele pit nagaarak kwe, An tu nawam kat mban keenu me, nage logonet, Nagabiti nen niniki lek-lek ee'nake kenok, Pi'neren nage menggendak o.

Ndawi 39:11

Aakumi maluk eekwi iinok mberirage, Iniki koonogo piige, Yininuwo nen yi mendek ndi mendek nenet nage kwak, It inamendek iniki kundugu wonogwe nogo Kat nen lek eerogo pege, Eeke menggendak o. It aakumi ineenik logorak nogo ti, Inambe aagi ne ambit wumbugwi kwak aret wonogwe o.

Ndawi 39:5

An ne mande negen logorak ari nage nogo ti, Neenggi ambi wakkaanuk ambi wakkage nogo kwak Abu kuwagaluk eerogo panege, An nda'nagagirak neegak nggorek mbake kwe, Kat nen lek negen aret neege, Eeke menggendak me, Nit aakumi nineenik nggorek logorak mbakwi kwe, Ninambe aagi ne ambit wungge kwak Aret wonogo monggoorak.

Ndawi 46:2

Togop aret me, Nggween alom na'ndo-wa'ndo eeke, Puut-puut langgu-langgu yi nggwok yenggenak laut inikime wangge, Yi nggwok laut kilaarak-mogonik eeke logonet, Aa'nggolagak eerogo nippit wage, oone pu ari, Eeke paga Puut-puut abok aret ndipuk agan nage, Eeremenggerak kwe, Nit perak, ninagabiti mbarugun lek o.

Ndawi 71:7

An op logorak narum waka komaawi lombok kat aret me, Aakumi ambik in wakkagak an aret agarik o.

Yetaya 26:4

At Aliku ALA, nit ninogoba Ala nogo ti, Yugum Nu'lek mondok itok menggi kwak aret me, Kiniki at paga mondok-mondok panggonak logonip o.

Yetaya 40:15

Niyo ne ambit puk togon yiwa'na to'nage kwak, Liirubu aaninggin wakkagak paga wonage kwe, aaninggin ari nage menggim ari naga'lek kwak, Yi aakumi ndi aakumi ti, togop aret wonogwe inombake, Ndi, niyo oolome nggween kup mbanogo pit nagagim aaninggin wakkage ti, liirubu aaninggin kwak aret mbake, Eeke menggerak o.

Yetaya 40:17

It aakumi inanebunu lombok abok aret abe lek aret iige, It abe ambi eekwi lek aret iige, It abe lek aanom warogo iige, Eeke menggerak o.

Ndaniyen 5:27

TEKEN ti, aaninggin wakkanuk, Yi aaninggin ndak-ndak ilik, meek a? yinuk, yogo mengga kwak, kat nogoba eerit nage nogo wakkaanuk, abe lek meek aret eerit nage kombake agaarik o.

Matiyut 21:9

eeko mbareegwa, nogo paga wage kagak, it ando inaa'nduk wogwe, it ando ambo'me wogwe, eeko logonet, “Ndawut ombooluk yi, Otana, yuwok o. Ninogoba Ala endage paga wage yi, wogoppuwok o. It mbogut irimbaga menggaarak kunduk, Otana, yuwak o,” yinuk, keekok agan wogogwaarak.

Yaya 19:15

Yorage mbareegi, “Lek o. Wonok noorak aret o! Wonok noorak aret o! At eyo karo-karo paga nabenogo pi noorak aret o!” Inoone nggwok paga yogo mbareegwa, at Pilatut nogo nen, “An nen kinogoba endagembogut eyo paga nabenogo puurak mbakotak ya?” Yorage mbareegi, it aap Ala unde inoweewi nen, “Ninogoba endagembogut ti, Kayitat alik aret o!”

Oroma 3:4

Lek o. Eeppiyaagin aret o! “Eekirak onggo eeppaniyak nogo ti, op aret mbake, Ndi, nowak loonogo punuk, aaninggin noba paniyak mbake nogo ti, a'me nggelok aret eeppanumunggun, kombake, Eeke agarik o,” yinuk, yereegerak liiru mbanak ndak-ndak it aakumi abok pilit wone yogo menggaarak kwe, Ala perak, abet mban ari menggerak o.

1 Tamuwen 1:15

Yoge mbareegi, kwe nogo nen ari logonet, “Togop lek o, nogoba. An anggur amburu inom, amburu kumili aganaka inom, nenok ari lek o. Niniki abu puru agan unggwage logonet, niniki mbake nogo abok aret paganogo at Aliku ALA yoge me,

1 Tamuwen 18:5

Ndi, at Tawun nen Ndawut, “Yogop eeri nak o,” yinuk, nappegetak nogo nage nagaatik, op mban ee'nuk wagak eeke kenok, at Tawun nen at ineegin warak inowe logowak nduk, mippereegerak. Mippege mbareegi, it aakumi Iterali mendek inom, at Tawun inom yabu eeko menggaarak inom, abok aret, “Op aret kogo o,” mbareegwaarak.

1 Tamuwen 18:7

Yogo logonet, “Tawun nen ninawim apit negen inookerak kwe, At Ndawut nen inookerak nogo perak, ineenggi lingginiyak abu meek aret o,” yinuk, ndawi paga wako nogogwaarak.

1 Tamuwen 23:12

Yoge mbareegi, at Ndawut nen Aliku ALA ambinom yoge logonet, “It aakumi Kekila mendek nen an neebe inom, an nawuri inom, Tawun eenggime pugun ilik, lek a?” Yoge mbareegi, ne ambinom Aliku ALA nen wone onggo yoge logonet, “Kineebe eenggime pugun aret o,” yinuk, yoreegerak.