Ndawi 62:7 - Ala Wone Peenok Peebi Mbanak

⁷ At Ala nen mban nagap ndake, At nen mban nendage tiyappanege, Eeke menggerak o. Nayugum omaawi mendek nu'lek menggi kwak, Neebe op logorak abu'me ari unggwaga kwak, ti Ala aret.

Ndawi 62:7 ပူးပေါင်းရင်းမြစ်များ

Ndawi 125:1

It aap Aliku ALA oba panggombunuk wonogwe nogo ti, Puut Tiyon nu'lek mondok-mondok menggi kwak Wonogo menggaarak o.

Ndawi 16:8

Kaliku ALA mondok-mondok Nenggaawak paga punuk nege minggirak. Kat Ala an nimbirak wonage menggendak me, An mondok nu'lek aret minggirak o.

Ndawi 18:2

At Aliku ALA ti, an nayugum kwak, Nayugum pak wurogo pereegi kwak, An nagap ndaka, aret menggerak o. At nogoba Ala ti, Aakumi nen an nookwi iyo, Yugum lunik kwak abu'me pani unggwage, Nggeemu pogom mulunogo panit nege, Omaawi paga nagap ndarogo panege, Yugum pak wurogo pereegi kwak eerogo panit nege, Eeke menggerak o.

Ndawi 18:46

Kaliku ALA mondok keenik menggendak o. Kat nayugum kwak me, kalut eeke, Kat nagap ndaka Ala aret me, kendage mondok tiyappege, Eeke agarik o.

Ndawi 3:3

Togop eekwi kwe, Kaliku nogoba ALA wae. Tiyappanega kat aret me, nuut tiyappanege, Kat nggeemu kwak nobarogo panege, Eeru o.

Ndawi 4:2

Kit aap yi wae. Nendage tiyanak nogo maluk eerogo panugwi kiigak, Ne mande ari nagin o? Lek ariyak mendek kagak kiniki kunik eekwi, Pilit wone kagak kwaarit nugwi, Eekwi kiigak, Ne mande ari nagin o?

Ndawi 46:1

Nineebe op logowok nduk Abu'me pinaninuk wonage, omaawi eeppinanege, Aaninggin ninoba age kenok yeenggwa nirage, Eeke menggerak ti, Ala aret o.

Ndawi 85:9

Nit ninanggween yi paga At endage abu tiyanak logowak nduk, It aap Ala inagabiti mbako menggaarak nogo Inagap ndariyak panggo yi wage mbake agarik o.

Ndawi 94:22

Kaliku ALA ti, Nagap ndarak logorak yugum pak wurik kwak wonage, Kat nogoba Ala ti, Neebe op logorak yugum lunik kwak wonage, Eeke menggendak me,

Ndawi 95:1

At Aliku ALA aruk konenuwak nduk, Niniki ale'nggen nen ndawi wakwi, Yugum lunik kwak ninagap ndaka liippinanuwak nduk, kuum-keek yogwe,

Yetaya 26:4

At Aliku ALA, nit ninogoba Ala nogo ti, Yugum Nu'lek mondok itok menggi kwak aret me, Kiniki at paga mondok-mondok panggonak logonip o.

Yetaya 33:16

It aap puut tiyarogon yugum pak wurogo pereegim iniki ugun tayenak wonogo mengga kwak wonogwe iigak, Inambi pipuk eerak wonage, inaniyo lek arigin lek wonage mban wonage, Eeke kagak nonggo logogun o.

Yetaya 45:25

It Iterali paga wiganak nogo perak, abok aret Aliku ALA nen, “Aakumi yi iniki abe koonak aret o,” yinuk, eeppiige paga at endage tiyappogo logogun o.

Yeremiya 3:23

Puut-puut paga kugi aanggo wako logonet, noone-koone agan nugwi ti, Abe lek aanom warogo kagak eeko ogoorik o. Ninogoba Kaliku Ala nen mban nit Iterali ninagap ndariyak ti abet aret o.

Nggalatiya 6:14

Ndi, an perak, ninowe Yetut Keritut eyo karo-karo paga kambeegerak wone nogo abet mba'nuk, waganeegirak ti paga, it nggween paga mendek nen eeko menggaarak ti, aap kanggaatak inoone yogolik nogo pogom me, it eekwi nogo an ambi eeke logokit nduk, yo'niriyak meek aret o. Ndi, an kunduk kambeegirak negen aret me, it nen an yo'nugwi nogo kunduk, koneniyak meek me, an eeke minggirak paga wogoppatiyak lek o. Ata, ninowe Yetut Keritut eyo karo-karo paga kambeegerak wone nogo mban tiyappege agarik o.