Ndawi 62:4 - Ala Wone Peenok Peebi Mbanak

⁴ “At amunggat oba tiyanak wonage nogo Lek eerogo puwok,” mba'nuk agan nugwi, Pilit puguniyak kinikilom mbakwi, Eeko logonet, Kit kinambe paga nen Aakumi kinale'nggen inoba piinet nogo logonet kwe, Kinikime nen kugi pulunogo piinet nugwi kiigi o.

Ndawi 62:4 ပူးပေါင်းရင်းမြစ်များ

Ndawi 119:163

It aap pilit agan nugwi ti, mondok neebi mbake, Peyak wurik kwak agan nugwi mbake, Eeke minggirak kwe, Koone Muta nen liiru mbaneegerak ti perak, Niniki kundugu lombok minggirak.

Ndawi 28:3

It maluk eeka inom, maluk eerit nugu menggaarak inom, Wogoren nage logonet, Ninom wo'neren nage ti mage o. It aap ti, iniki obeelom mbaruwak nduk, Inoreewi inom wone abe yogwe kwe, iniki perak, Aakumi maluk eeppiyoorak mba'nuk, agan nugu menggaarak.

Ndawi 5:9

It inoone yogwe nogo abe ambi yogwe mbakulik o. Inikime obari maluk mendek mban yagabit aago wonage, Inale'lok ti, aakumi nggween taanak ambe paganak a aago menggi kwak wonogwe, Ndi, inoone pilit mban pugunit nugwi, Eeko menggaarak o.

Ndawi 51:6

Aap iniki ambit mban wonogwe iinok, Kat kinikilom mbake menggendak me, Niniki warak lombok logokit nduk, Liirogon mamunnege logot o.

Ndawi 52:3

Obeelom eeriyak mendek mbo punuk, Maluk eeriyak mendek mban kiniki kunik eekko'net nege, Wone abet mban yukwak pilit wone mban yuurak kiniki kundugu logonet agan nege,

Ndawi 55:21

Wam amburu anen pera aago menggi kwak, oone amburu ndik-ndik agan wage, Eeke menggerak kwe, Ogogumbuk anini ambik menggerak o. Inagabolo abe aruwak nduk, amburu eeko mengga kwak, Iniki nomonikit nduk oone yanggorogon agan wage kwe, At ari ti, Wooluwak engget mbup nggabenak kwak aret menggerak.

Kini Wuppiige 13:5

Aap iniki abe koonak nen pilit wone ineebi mbako menggaarak kwe, Aap maluk eeka nogo perak, inowe-inawot inenggali eerogo piinet nugwi, inendage maluk eerogo pakwi, Eeko menggaarak.

Kini Wuppiige 6:17

Wogoppatit inigen mbogut paga nugwi, Pilit wone pugunit nugwi, Maluk eeka'lek iigak inooremenggaarak inamiya ineenggi paga wonogwe,

Yetaya 30:13

Yugum pak wurik tiyarogon langguk togon wambikit nduk, irip to eerogo pege nagaatik, Aberak lek me langgu-langgu wangge menggi kwak aret age kaagun o.

Oteya 7:3

“It maluk eerit nugwi paga inowe endagembogut ale'nggen mbake, It pilit agan nugwi paga inoweewi nagawan-nagawan inikilom mbakwi, Eeko menggaarak o.

Matiyut 2:16

At Keroret nogo nen, “It aap wone mbiningga nogo nambokan laganggaarak iigi o,” yinuk, anini wu agan nage logonet, it aap wone mbiningga nen, “Laaluguragan o ti eyom paga aret kin age kogoorak o,” yinuk, liirogon yoreegwaarak me, at awuri nen o Mbe'lekem enaagan-ambokan nogome wologwe mbuulogwe ndarak iigak, tahun mbere aago inom, eeka'lek inom, tigitogon inoorit nawak nduk, nappiyareegerak.

Matiyut 22:15

Ti'nuk, it aap Pariti mendek nen Yetut oone ambi yemenggerak paga yilunogo punuk, waruwok nduk, it mban-mban wone mbani nogogwaarak.

Matiyut 22:23

It aap Pariti nogo Yetut teppunuk, mbaganggo mbareegwa, “Aakumi kanggwi ineenik a'nuk, mi'narugun lek o,” yogo menggaarak aap Taruki ando nen ne ti eyom paga Yetut eegwa'me waawok nduk owagam wogo nogogwaarik, at yogo logonet,

Matiyut 27:1

O weege mbareegi, it Ala unde inoweewi abok inom, it aakumi inogobamini inom, Yetut wari yak wone amburu mbambunuk,

Lukat 11:39

Mbake mbareegi, at ninogoba Yetut nogo nen, “Kit Pariti mendek nen aakumi inamendek yumbu-lambu agago kologwe inom, yi maluk ndi maluk eekwi inom, kinikime apit yagabit aago kagak, kinagiiwak-kinarenggap agabolo endekem mban kooko monggotak.

Lukat 20:20

It Ala wone liiru mbanak unde inom, it aap Ala unde inoweewi inom, nogo nen Yetut inigen wonok nugu logowak nduk, inawuri nappiyareegwaarak. Inawuri nappiyareegwaarak nogo nen, “Yetut oone ninggin yemenggerak paga yilumbunuk, eebe pigogo aakumi inarum menggerak gubernur nogo nen awone mbaniyak at obaalombok aret me, awone mbanuwak nduk, pi nawok o,” yinuk, “Nit aap abet ninombaruwak,” mba'nuk, inoone abet ndom-ndom agan nugu nogogwaarak.

Yaya 8:44

Kit yi, kinogoba Ibilit aret me, at eeriyak mbake menggerak nogo mban, Eeruwok, mbako monggotak. At o aa'nduk nen nok, yogondak kuli aakumi inooka aret menggerak o. Ala ndogop menggerak wone nogo at inikime wonage lek me, Ala ari menggerak nogo at mondok eeka'lek aret agaarik o. At pilit pugungge menggerak itok aret me, pilit pugungga iyagalo at aret logonet, at iniki nen wone ugun-ugun koombunuk, pilit-pilit pugunit nege menggerak.

Oroma 1:32

ti eerit nugu menggaarak nogo ti, Ala nen, “Yogop eerugup, ndogop eerugup,” yereegerak nogo mendek eekwi iinok, “Mondok inoorigin o,” yereegerak nogo ineenu logonet kwe, kagak eerit nugu menggaarak. Eerit nugu logonet, “Nit mban eeriyak lek o. Ata, it ando ninom aret eeruwok o,” yinuk, eerit nugwi me, Ala nen mondok inoorigin o.

Oroma 7:22

Ala nen, “Yogop ee'nu, ndogop ee'nu,” yereegerak wone ti, an ninikime nen eeriyak ti ninikilom aret kwe,

Wayu 22:15

it nggeewo pogom eeko menggaarak inom, magagirak iyagalo inom, yawukak mbabilu inom, aap inooka inom, kugi eeka inom, ndi, yi aap ndi aap pilit puguniyak inikilom mbako logonet, pilit-pilit pugungga inom, it perak, o kota time unggwi naga'lek yagat endekem logogun o.