Ndawi 62:10 - Ala Wone Peenok Peebi Mbanak

¹⁰ Aakumi inamendek nomonogo kologwe paga Kiniki panggonak wonogwe, Inamendek ndinggologwe paga kiniki wogoppakwi, Eeko logorak mage o. Kinamendek ambik age kenok, Kiniki ti paga panggonak logorak mage o.

Ndawi 62:10 ပူးပေါင်းရင်းမြစ်များ

Ayup 20:29

At Ala nogo nen, It maluk eeka eeppiyoorak inake koonogo piige, Ineyate kwak wogoroorak punogo piige, Eereegerak nogo ti aret o,” yinuk, yoreegerak.

Ndawi 39:6

Aakumi inagalu'mak ne ambit lek age menggi kwak It aakumi togop aret nugwi, Iniki taganak nugwi kwe, we aanom warogo kagak nugwi, Inamendek kuwak eerogo patit nugwi nogo Ta unde eekkolamenggi? mbaka'lek ineenggo'lek logonet, kambit nogwe, Eeko menggaarak.

Ndawi 4:3

It aap Ala mugurok nogwe iinok, Aliku ALA nen leenogo pake menggerak me, Kineenu a'nip o. An nen Aliku ALA yoge neenok, aruk konenigin o.

Ndawi 52:7

“Ala nen narum logowak o, yinuk, abu'me unggwaga'lek Amendek ambik wonage nogo paga iniki panggombege, Aakumi tebenogo piinet nage kenok Endage tiyak yegerak paga iniki panggombunuk wonage, Eekerak paga eeppege aap yi, kaanip o,” Yinuk, yogo logogun o.

Ndawi 91:14

At Aliku ALA nen ari logonet, “At aap ti, iniki kunik ee'nake me, agap ndake, Ala ti, an nogoba aret o, yinuk, ari me, arum wonage,

Kini Wuppiige 23:5

Towe pen ware oo'nu enaabit wungge nagaatik, wiga agan ogona time iyok lek lek ari nage menggi kwak, Kamendek wonage ti, kenegen awo pekkage keegak, aret lek arigin o.

Yetaya 30:12

Togop eekwi me, at Kikak Nakeelik Alik Leenak Iterali inogoba Ala nen yegerak nogo yi aret. “It o karu nggwok wonogwe nogo nen an noone yorage yi, taganogo mbo punuk, It aakumi tebenogo piigwi, wiwi eeginakwi, eekwi nogo mendek iniki inoba panggombegaarak ti, maluk aret eekaarak me,

Yetaya 40:15

Niyo ne ambit puk togon yiwa'na to'nage kwak, Liirubu aaninggin wakkagak paga wonage kwe, aaninggin ari nage menggim ari naga'lek kwak, Yi aakumi ndi aakumi ti, togop aret wonogwe inombake, Ndi, niyo oolome nggween kup mbanogo pit nagagim aaninggin wakkage ti, liirubu aaninggin kwak aret mbake, Eeke menggerak o.

Yetaya 40:17

It aakumi inanebunu lombok abok aret abe lek aret iige, It abe ambi eekwi lek aret iige, It abe lek aanom warogo iige, Eeke menggerak o.

Yetaya 47:10

An maluk eerit nage yi paga ambi eeppanega'lek op aret wonage mbake, It ambi nen inigen neega'lek aret, ari, Eeke menggendak o. Niniki warak wonage, yi wone ndi wone neenu wonage, Eeke ti paga tu maluk me pagi nage kagak kwe, an kwak ambi lek an iya aret o, yinuk, ari menggendak.

Yetaya 59:4

Inowak loonggo logonet, “Eekerak ndak-ndak aret owak loonuwok o,” yinuk, yogwe, “Alom eekerak yi aret o,” yinuk, owak loonggwi, Eeka'lek ugun-ugun eeko ogotik o. Maluk eerulik kagak, “Abet aret eekerak o,” yinuk, pilit pugunogo yogwe, Kwe elege logombunuk ndake menggi kwak, kinoone paga aganggen kereembu eerogo owak loonggo logonet, irip paga maluk aret ndakwi, Eeko monggotak.

Yetaya 61:8

Aliku ALA nen ari logonet, “Aakumi tebenogo piinok inamendek waganggwi, maluk mban eerit nugwi, eekwi ti, An Naliku ALA nen neebi lombok mbake, Ndi, eekaatak a'me nggelok eeppiigo logorak ti, ninikilom mbake, Eeke minggirak me, It togop eekwi ti, onggo liirogon aret eeppiige logonet, Wone mondok-mondok eeko logorak ninom koonogo pigin o.

Yeremiya 17:11

Aap ambi aakumi wi-wi aganake logonet, eenggi warak eekkolage nogo ti, Towe at ako lek alik ambi ako kagak tebeni unggwage nagaatik, tubungge menggi kwak aret menggerak o. At nda'nagagim obate paga kagak amindik-amendek unde agaarak nogo lek age, Ndi, at nda'nagagim abu ari nage kagak, at eeremenggerak paga, “Aap yi, wi yuundurak kwak wonage o,” yinuk, aakumi ineenu ogwe, Eeko logogun o.

Marakut 10:23

Nage kagak, Yetut nogo ena logurogon at oone waganggwi nogo pegiige nagagerik, yorage logonet, “It aap ineenggi warak iinok, Ala abu'me piige menggim unggwi noorak meek negen kagi o,” yoragagerak.

1 Timotiyut 6:10

Yiluk-maluk alom lombok ti, wu mban uugwe mbarit nugwi ti aret o. It aakumi ando nen uugwe nduk, kwaarit nugu logonet, wone abet mbareegwaarak nogo mbo punuk, tu alik nomoninuk nogwe me, aap togowa paga ndanunggologo nagaatik, andi kogo mengga kwak, it aap ti, togop aret wakkologo menggaarak.

1 Timotiyut 6:17

It aakumi o yogondak ineenggi warak wonogwe nogo ti paga iniki wogoppako logonet, yi mendek ndi mendek lek ariyak kagak, iniki ti paga lunik logokwak, yorage logot o. Nit ale'nggen mbaruwok nduk, at yi mendek ndi mendek ngginu-ngginu eerogo wo'nirage menggerak Ala paga mban iniki mondok lunik logowak nduk, yorage logot o.