Ndawi 62:1 - Ala Wone Peenok Peebi Mbanak

¹ Nagap ndaka ti, Ala aret me, At nen mban eeppaniyak niniki lunik logonet, Niniki ugun tayenak aret agarik o.

Ndawi 62:1 ပူးပေါင်းရင်းမြစ်များ

1 Mbinineegwaarak 25:1

Ala alut eeko logonet, nggitat mbuuluk inom, nggwok inom, togolowak tabak oone pu ndale eekak inom, oone eekwi iigak, Ala nen yorage kenok, yorogo logowak nduk, at Ndawut inom, it aap ineegin warak inoweewi inom, nen, it aap Atap apuri inom, aap Keman apuri inom, Yerutun apuri inom, leenogo piyareegwaarak inendage nogo yi aret.

1 Mbinineegwaarak 25:3

At Yerutun apuri inendage ti, ineebe 6, Nggeraliya, Teri, Yetaya, Timeyi, Katabiya, Matika, aret me, it inogoba Yerutun nogo nen, “Yogop yoraanip o,” yorage kenok, yorogo nogogwaarak. Ndi, inogoba Yerutun nogo nen nggitat oone eeke logonet, Aliku ALA alut eeke, “Wa!” yoge, eeke nagagerak.

Ndawi 121:2

An yeenggwa nege menggerak nogo ti, At mbogut-nggween wakkagagerak Aliku ALA aret o.

Ndawi 123:2

Aap ambi ayeloman aap nen ogoba paga Iniki panggonak logonet, at mban pekkage, Kwe ambi ayeloman kwe nen agalo paga iniki panggonak logonet, at mban pekkage, Eeko mengga kwak, Aliku ninogoba Ala nen Ninabuwa mbaka'lek tit kagak Ninigen loorit mban unggwogo logowok o.

Ndawi 25:5

Kat nogoba Ala nen nagap ndake keenok, Niniki kat paga mban lunik neegak, o kiip age, weege, eeke menggerak me, “Wone yi abe o,” yinuk, ari menggendak nogo Eeke logokit nduk, pi'neren nage, Liirogon mamunnake, Eeke logot o.

Ndawi 27:14

Togop aret me, Kit nogo Aliku ALA tokkogwe, Kinogogumbuk eekkologwe, Kiniki nu'lek eeppatinuk wonogwe, Eeko logomonggotik, At Aliku ALA tokkogo logonip o.

Ndawi 33:20

At Aliku ALA nen aret yeenggwa nirage, Nit ninanggeemu kwak wonage, Eeke menggerak me, Niniki at paga lunik logonet tokkogwe,

Ndawi 37:39

Aap iniki abe koonak nogo inagap ndarogo piige, Aaninggin inoba kwi'nage kero, Yugum pak wurogo pereegi kwak eerogo piinok wonage, Eeke menggerak nogo ti, Aliku ALA aret o.

Ndawi 37:7

Togop aret me, Aakumi nen eekkoloorak mbakwi nogo aret eekkologwe, Ndi, aap inambokan laganiyak koombunuk, Inambokan aret laganggwi, Eekwi iinok, Kinanini age ti mage o. Ata, kiniki aan aganggenggwi lek puk aret wonage, “Aliku ALA nen eeppinanigin o,” yinuk, tokkogwe, Eeko logonip o.

Ndawi 39:1

An nen mbake logonet, “Noone agan nage paga maluk arukwak, Eeke minggirak nogo liippake, It maluk eeka nowagam wa'nuk wonogwe iigak, Tapi inambe keele maakwi kwak, An nambe arum wakkolage, Eerikit,” mbakirak kwe,

Ndawi 40:1

“At Aliku ALA nen yeenggwa niruwak o,” yinuk, Niniki yungguppunuk tokkagarak me, at ena logu yinuk pe'neege, Noone nggwok paga yogirak nogo konengge, Eekerak o.

Ndawi 62:2

Nayugum nu'lek menggi kwak inom, nagap ndaka inom, pak wurik kwak inom, Ti, Ala mban aret me, Niniki mondok kwi'ndak nu'lek aret agarik o.

Ndawi 65:1

Ala wae. Nit o Tiyon kat kalut eeri nogwe, Ndi, eeko logorak kumbuk mbaneegurak nogo, A'me lik togon eekwi, Eeruwok nduk, koonggwi yi, Kat kake aret me, op aret koonggo o.

Ndawi 77:1

At Ala nen yeenggwa niruwak nduk, tamban eeke, Aruk konenuwak nduk, noone nggwok paga yoge,

Yetaya 12:2

Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Yetaya 30:18

Togop kwe, at Aliku ALA nogo nen, “Obeelom eeppiyaakit lak, ao,” yinuk, tokkiige, Kinabuwa nen eeppinagakit nduk, pipuk aago wonage, Eeke agaarik o. At Aliku Ala a'me nggelok eeppiige menggerak me, “Eeppinanuwak o,” yinuk, It abok aret at tokkogwe nogo inale'nggen mbako logogun o.

Yetaya 40:31

It aap, “Aliku ALA nen eeppinani woraawak o,” yinuk, iniki lunik wonogwe nogo perak, Inomaawi lek aremenggerak nogo inomaawi eekkologo logomenggaarik, Towe nggindooni a'naabit omaawi paga wiganinuk nege menggi kwak, we negen nugwi, Inomaawi lek aga'lek tu mbe agan nogwe, Iniki lek aga'lek op aret nogwe, Eeko logogun o.

Yeremiya 3:23

Puut-puut paga kugi aanggo wako logonet, noone-koone agan nugwi ti, Abe lek aanom warogo kagak eeko ogoorik o. Ninogoba Kaliku Ala nen mban nit Iterali ninagap ndariyak ti abet aret o.

Leendawi 3:25

It aakumi Aliku ALA iniki lunik wonogwe, Iniki nen at mugurok nugwi, Eekwi iinok, At nen obeelom eeppiige menggerak o.

Leendawi 3:38

At Tiyanak Lombok Menggerak nen ari kenok, maluk mendek inom, obeelom mendek inom, ninoba age menggerak nogo lek a?

Yakobut 5:7

Togop me, nowe-nawot o. Ti eeppinagagwi nogo koonikit nduk, ninowe woraagin me, kiniki kwippunuk logonip o. Aap ambi nen mbi awi yaketak nogo mayu kage, kibi kage, eeke kagak, kole aruwak nduk iniki kwippunuk, tokkage menggerak nogo liippinip o.