Ndawi 60:9 - Ala Wone Peenok Peebi Mbanak

⁹ Aap ta nen an wo'neren o Erom pani nage, Ta nen wo'neren o kota pak wurik me mambani nage, Eerigin o?

Ndawi 60:9 ပူးပေါင်းရင်းမြစ်များ

Wakkagagerak 49:10

Aap endagembogut ambin mbanak Mondok kat Yekura keenggime aret wonage, Ndi, ogoba nen aput awone kilirigetak nogo Porogo wonage menggi kwak, Kat keebe paga wiganak nogo nen mban wone ti, Eenggime pipporogo wonage, Eerit namenggi-namenggi Wone Alom Unde nogo kin ari wage kenok, Yi aakumi ndi aakumi inanebunu lombok abok aret At ari kenok mban eeko logogun o.

2 Tamuwen 11:1

Eyo anggup lake menggim eyom paga yi aap ndi aap inendagembogut wim namburi wunggo menggaarak me, tahun ti eyom ari wage mbareegi, at Ndawut nen aap Yowap inom, at awuri inom, it Iterali wim eeka abok inom, aakumi Amon mendek inom wim eeruwak nduk, nappiige mbareegi, nogo nogogwaarik, it Amon mendek inoorogo piigak, o kota Araba tebenuwok nduk, eerit unggwogwe iigak, at Ndawut nogo o Yerutalem aret wonagagerak.

1 Mbinineegwaarak 11:6

At Ndawut nen ari logonet, “Aap ta nen it aakumi o Yebut mendek nogo, tebenogo piyaawak nduk, awuri wogoren nanuk, tebenogo piige kenok, at inowe wim wone mbangga aret arigin o,” yinuk, yoragagerak me, kwe Teruya aagaluk Yowap nen aret aa'nduk a'nuk, o tebenogo piige mbareegi, at aret inowe wim wone mbangga aret agagerak.

Owak Loongga 1:12

at Kalep nen, “Aap ta nen it Kiriyat-Tepet mendek inoorogo piinok, o nogo tebenogo pege kenok ti, napuluk kolaga Akata nogo at akwe kolaawak nduk, wogorigin o,” yinuk, yereegerak.