Ndawi 60:3 - Ala Wone Peenok Peebi Mbanak

³ Nit kat kapuri nogo Aaninggin mondok iya lombok kaawok nduk eeppinanege, Anggur amburu omaawi mendek neenok, Inambuluk piige menggi kwak, Nit togop aret eerogo pinanege, Eekendak o.

Ndawi 60:3 ပူးပေါင်းရင်းမြစ်များ

Nekemiya 9:32

Togop aret me, Ala ninogoba o. Kat komaawi ambik kendage abu tiyanak nit aakumi nen, Iya! yinuk, ninagabiti kombakwi nogo, kiniki kunik ee'ninake logonet, eeppinaniyak koonogo pereegindak nogo nggirik-nggerok porogo menggendak me, aa'nduk aap o Atiyut mendek inoweewi inendagembogut nen aaninggin ninoba pinanit wogogwaarak nok, yogondak kuli ninoweewi inendagembogut inom, ninarum menggaarak ninoweewi inom, kat keebe unde ninogobamini inom, kat koone yo'niraga inom, ninombomini inom, kapuri miirinabeegindak inom, abok aret aaninggin ninoba pinaneegwaarak nogo ti, kat nen, Meek aret eeppiyareegwaarak o, yinuk, ninombariyak ti, mage o.

Ndawi 71:20

An andi-pandi kaakit nduk, Aaninggin mondok alik negen noba kwippanege, Ale-pale eerogo panege, Eeke nagandak kwe, An aa'nduk wonagagirak kwak eerogo panege, Nggween kiiniki paga ari nagarak nogo pilanogo mippani wage,

Ndawi 75:8

Niyo toolak kwak, Aliku ALA anini nogo, Togolowa'na toolak at eenggime porogo wonage, Anggur amburu eyak-nggweyak obari abe eeka inom nenggelak-kenggelak eerogo toolak kwak wonage me, At nen kilirogo nappi wage kenok, It aap maluk eeka nggween paga wonogwe nogo abok aret Amburu ti, mondok porok togon nonggo logogun o.

Ndawi 80:4

Komaawi Lombok Menggendak Kaliku ALA wae. Nit kapuri tamban eekwi niinok, Ka'luk lagangge menggi kwak, Kanini aagi wungge keegak, ne mande ari nagin o?

Ndawi 80:8

Eyo anggur awi o Metit nen wonok wage nagagindik, It yi aakumi ndi aakumi kat nen mugogo wumbiinok, Eyo awi ti yarogo pege,

Ndawi 85:5

Kanini mondok-mondok ninoba pinanege, Ninapuri nda'narit wundi woraagun nogo Kanini inoba piinet nage, Eeke logorak op a?

Ndawi 89:39

Kayeloman kimbirak wone koonogo pereegindak nogo, “Lek aret aga o,” yinuk, ari, Enggare-nggare yippereegindak nogo nggoorogo, liirubu paga mbo pege,

Yetaya 51:17

Kat kota Yerutalem yi wae. Pilak yu o. Pilak yu o! Yi toolak nunggwi kwak Aliku ALA anini alik negen koba pagarak toolak nogo nengge, Amburu toolak nunggwi iinok, neyak-kweyak agan nogo mengga kwak anini toolak nogo ameneno inom porok togon nengge, Eekendak kat Yerutalem yi, mi'naru o.

Yetaya 51:22

At kogoba Aliku Itok Menggerak ALA nen, At apuri inawone koonogo piiga kogoba Ala nen yegerak nogo yi aret. “Amburu toolak nenok, neyak-kweyak agan nege, Peebi noorak lek yogondak mban nanini eeppagarak toolak nogo nengge, Eekendak nogo Keenggi me nen abet aret waganggirak o.

Yeremiya 25:15

Iterali inogoba Aliku Ala nen an yo'nege kagarak nogo yi aret. “An nanini mbake niyoowak anggur amburu toolak kwak neenggime wonage yi, wagangge logomenggendik, wonok it aakumi inanebunu lombok wonogwe me, nappagaminggirak nanuk it abok aret nawak nduk, wogoraanu o.

Leendawi 4:21

O Erom Aagalukwe o Uyut paga wonage menggendak kat yi wae. I'ndok kangge, kale'nggen mbake, eeriyak mbake kenok ari logot o. Kat kunduk amburu toolak wokkeremenggerak nengge keenok, kumili kumbunuk wonage keegak, Kayum nggoorogo kagabolo kin eerogo pagagun o.

Ndaniyen 9:12

Maluk eekwi iinok, ndogop eeppiyaagin o, yinuk, yereegindak nogo, a'me lik togon nit inom, ninoweewi inendagembogut inom, aaninggin mondok alik negen ninoba kwippinanggendak o. Nit o Yerutalem wonogwe me, aaninggin ninoba kwippinanggendak nogo ti, o mbogut abu'me nggween paga yime togop ambi eeppiige kogoolik nogo mendek ninoba kwippinanggendak o.

Abakuk 2:16

At ayuk wuko logomenggaarak nogo obaane'me at aret enggali warogo pugun me, At aret nenok, agabolo kin kenok, enggali aruwak o. Amburu toolak kwak, at aaninggin oba kwippuurak Naliku ALA neenggi abe'nggan paga wonage nogo, At oba ari wage kenok, wogoriminggirak nagin me, endage tiyanak wonage nogo lek age logonet, enggali mban oba lenggenak aret logogin o.

Wayu 16:19

Ti eeke kage nagarik, wonage me, o kota nggwok nogo nggween mondok nggoguk ari logonet, kenaga'ndak mogonnage, ndi, yi awi ndi awi nggween paga kota-kota nogo abok aret yigirik-noonom arit nage, eeke kagak, at Ala nen, “O kota nggwok Mbaben nogo perak, at maluk eeke onggo anggur amburu toolak kwak an nanini lombok ombake minggirak toolak nogo, yogondak aret oba kilirogo wuppigi o,” yinuk, kilirogo wuppege kagarak.