Ndawi 6:8 - Ala Wone Peenok Peebi Mbanak

⁸ Togop me, nale ari nogo Aliku ALA aruk konenggerak me, Kit maluk eeko monggotak yi, An wonage me nen mbaganinip o.

Ndawi 6:8 ပူးပေါင်းရင်းမြစ်များ

Ayup 17:7

Niniki wakko'net unggwage paga nenegen ogut eerogo pangge, Neebe apit aret nowak neno eerogo aakumi inagalu'mak kwak eerogo panege, Ee'nakerak wonage neenok,

Ndawi 116:8

Kaliku ALA wae. Nooriyak eekwi me, kat nen nagap ndake, Nale ari me, nale mbanogo panege, Niyogobit lik yuurak eeke me, pi'nake, Eekendak me

Ndawi 119:115

“Nogoba Ala oone, Yogop ee'nu ndogop ee'nu, Yugu nogo porogo logonet eerit nage minggirak me,” Kit aap maluk eeka yi, an wonage me nen mbaganinip o.

Ndawi 139:19

Ala wae. Kat nen aakumi maluk mendek Inoorogo piyaanok lak, “Ao,” kombake minggirak o. Kit aap inamiya nengga yi wae. An wonage me nen mbaganit nanip o.

Ndawi 145:18

It aakumi nen Aliku ALA yogwi, Iniki ambit eeppunuk inoone nggwok paga yogwi, Eekwi iinok, At mbo piigeelik yeenggwaarage menggerak o.

Ndawi 3:4

Niniki puru ari logonet, Noone nggwok paga Kaliku ALA yokkege neenok, Kabuut leenak menggim paga nen Onggo yo'nege menggendak o.

Ndawi 31:10

Niniki wakko'net unggwage logonet, Neebe kambuurak aret ee'nake, “Yi ee'nabit unggwage, ao,” mbake neegak, Neenik logorak eyom aret lek ari nage, Maluk eekirak paga nomaawi lek ee'nabit unggwage, Nowa'na nenet unggwage, Eeke agaarik o.

Ndawi 56:8

An mbaganit o ambime agak nege neegak Kat keenggi linggingge, Nale amburu wangge nogo kayiwa'na toologo pege, Eekendak nogo abok aret Liiru mbanogo pegendak nogo lek a? Liiru mbanak aret wonage me,

Yetaya 30:19

Kit aakumi o Tiyon mendek kota Yerutalem monggotak yi wae. “Yeenggwa niret o,” yogwi kiinok, at abet aret kinabuwa nen yeenggwa kirage logogin me, kit le ambinom yogo logomunggup lek o. Kinoone nggwok paga at nggino yogwi ti eyom paga aret at konembunuk, onggo yokkiraagin o.

Yetaya 38:3

“Kaliku nogoba ALA o. An yi, niniki-neebe nggaruk togon wokki'nuk, kenggaanom paga liirogon mban eeke, kenegen keegak obeelom mban eeke, eeke minggirak nogo keenu o,” yinuk, tamban eeke logonet, iniki abu puru yinuk, le yereegerak.

Yetaya 38:5

“Kiyokan yungguninuk, aap Kitikiya wonage me, nage logomenggendik, yogop yoru o. At Aliku kombo Ndawut ogoba Ala nen ari logonet, At Kitikiya tamban eekerak nogo naruk konengge, ale amburu wangge nogo muk nenegen kage, eekirak me, an nen at eenik nggorek logorak tahun 15 ambinom eeruwak nduk, wogoge logonet,

Leendawi 3:56

“Yeenggwa niru o, yinuk, noone nggwok paga yokkege yi, karuk nappatinuk logorak mage o,” yinuk, yokkege, eeke mbareegi, An nggino yokkereegirak nogo karuk konengge,

Matiyut 25:41

Yorage logominggirik, ti'nuk, it neenggi kwaare'nggan piyaminggirak nogo yorage logonet, Kit Ala nen pulunogo pinagareegerak yi, an mbi abu ee'nake me, mbi wo'nugwi, yi abu ee'nake me, yi too'niri nogwe, aap nggiru me, wo'nakwi, nayum yirik lek me, nayum yippanugwi, andi warak keele maarak me, pe'neya nogwe, ee'nako logolik me, yime nen wundi nogo logomonggotik, at Ibilit inom, at awuri apit inom, kani omoonuk wunuk mban ari menggim an nogoba nen ogobakkigirogo piyareegim nogome aret nanip o, yinuk, yoraagin o.

Matiyut 7:23

Yo'niremenggaarak kwe, an nen it yorage logonet, Kit maluk eeko monggotak yi, an mondok neenggo'lek me, an wonage me nen mbaganinip o, yinuk, yoraagin o,” yoragagerak.

Lukat 13:27

at nen, Kit nggeeme nen wogop? Kit an neenggo'lek o. Kit maluk eeko monggotak yi, mbet mbaganinip o, yinuk

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,