Ndawi 6:7 - Ala Wone Peenok Peebi Mbanak

⁷ Niniki puru ari logonet, Le ari paga nenegen agap piirogo panege, Ninom wim mbanak wogwe iyo, nenegen wonage neegak, Nenegen yumaak eerogo panege, Eeke agaarik o.

Ndawi 6:7 ပူးပေါင်းရင်းမြစ်များ

2 Endagembogut 20:3

“Kaliku nogoba ALA o. An yi, niniki-neebe nggaruk togon wokki'nuk, kenggaanom paga li'lak mban eeke, kenegen keegak obeelom mban eeke, eeke minggirak nogo keenu o,” yinuk, tamban eeke logonet, iniki abu puru yinuk, le yereegerak.

Ayup 17:7

Niniki wakko'net unggwage paga nenegen ogut eerogo pangge, Neebe apit aret nowak neno eerogo aakumi inagalu'mak kwak eerogo panege, Ee'nakerak wonage neenok,

Ayup 7:3

Togop aret me, An nen yi tut ndi tut penengge kagak, aanom warogo wonage, Ko'lu-kii'me oonikiya paga andi yagan wake, Eeke logorak punik wonage kagi o.

Ndawi 32:3

“Maluk ti neebi o,” yinuk, mbo pega'lek, “Nela nen kumaappatinuk wonagarak me,” yinuk, O kubondendok nen nok kiyoma kuli niniki koonit nage neegak, Nowa'na nenet unggwage nagaarak o.

Ndawi 38:10

Niniki ponok-ponok ee'nake, Nomaawi lek ee'nabit unggwage, Nenegen ogut eerogo panege, Eeke agaarik o.

Ndawi 69:4

An neeruwak ambik wonage yi kwak lek It ineebe ambik lombok nen An eekirak lek kagak ineebi nombakwi, Alom lek kagak ninom wim mbanak ineebe ambik nen Nenggaawak lek eerogo paniyak eekwi, Inamendek woolik neegak inoone omaawi paga, “Ninamendek obaane'me awi ya'niyet o,” yo'nugwi, Eeko agaarik o.

Ndawi 88:9

Andi-pandi nen le ari paga Nenegen agap piirik wonage agaarik o. Togop aret me, Kaliku ALA wae. O kubondendok nen o kiyoma ari nage kagak, Noone nggwok paga yokkege, Neenggi kat Ala wonage me nippunuk wonage, Eeke agarik o.

Yeremiya 45:3

Kat nen ari logonet, An niniki wakko'net unggwage neegak, Aliku ALA nen, Abunuk iniki wakkolaawak, nomba'nuk, aaninggin ambinom noba panege paga, niniki aaninggin nen koonit nage logonet, nomaawi lek age, niniki tayok ari lek piirik mban wonage, eeke me nabuwa o, yinuk, yagandak o.

Leendawi 5:17

Puut Tiyon ti, yi oone ndi oone lek o wogome mba'ngge mban nugwi iinok, Niniki andi lombok ee'ninake, Ninigen yumaak eerogo pinanege, Eeke agaarik o.