Ndawi 6:6 - Ala Wone Peenok Peebi Mbanak

⁶ Niniki wakko'net unggwage paga neebe ndeyak ee'nake, Oonikiya kuli nen an nogo yege minggim nale amburu niyo negen yenggenogo pege, Nanobak anep mbanak nale amburu paga miin eerogo pege, Eeke kagak, O aret weege agaarik o.

Ndawi 6:6 ပူးပေါင်းရင်းမြစ်များ

Ayup 10:1

An ambinom neenik logorak anggon lombok ee'nake me, Ee'nabit unggwage an neebi mbake nogo, Nambe teeluk aret Ala yoge, Niniki andi ee'nake nogo tayok togon yoge, Eerikit o.

Ayup 16:20

Noreewi nen meek eerogo panugwi iinok, Nali-nale wambit wage logonet Ala yoge neenok, Aakumi wone inoba agaatak me, Inoreewi nen inaana'le mbanggo mengga kwak, An aap aret kwe, nore ti nen Naana'le mbanogo Ala yoge menggerak o.

Ayup 23:2

“Ti yagandak kwe, O yogondak ee'nabit unggwage an neebi lombok mbake yi, Niniki andi eerogo panege me, Neebi, lombok mbake agarik o. Andi nen niniki oone ari neegak kwe, Ala nen eeppanegak mban eeke agaarik o.

Ayup 7:3

Togop aret me, An nen yi tut ndi tut penengge kagak, aanom warogo wonage, Ko'lu-kii'me oonikiya paga andi yagan wake, Eeke logorak punik wonage kagi o.

Ndawi 115:17

Aakumi kanggaatak nen Aliku ALA tiyappugwi, Kambunuk inoone lek ari nogo menggam nogome nen Ala alut eekwi, Eekulik o.

Ndawi 30:10

Kaliku ALA wae. An yokkege nogo karuk konembunuk nabuwa mbake, Ndi, Kaliku ALA o. An yeenggwa niri wage, Eeru o.

Ndawi 38:9

Ala wae. Niniki uugwe mbarit unggwage nogo, kat nen kin aret neege, Niniki wakko'net unggwage yi, Kat nen yelok neege, Eeke agandik o.

Ndawi 39:12

Kaliku ALA wae. An nogo Aap nggiru kwak kat nimbirak luulu wonage, Aap nggiru kwak nombomini nugu nogogwaarak nogo pogom nege, Eeke me, An nale ari nogo Karuk konengga'lek mbo panege ti mage o. Ata, an tamban eeke nogo karuk konengge, Yeenggwa niru o, yinuk, Noone nggwok paga yokkege nogo liippanege, Eeru o.

Ndawi 42:3

Kubondendok nen nok oonikiya ari nage kagak, It aap nen, “Kogoba Ala nggeeme wonage o?” Yo'nugwi tit iigak, Liingge oonikiya nambi-mbiingga nengge pogom Nale amburu mban wangge agaarik o.

Ndawi 69:3

Togop ee'nake kenok, yeenggwa niruwak nduk, an noone nggwok mban ari neegak, Neebe ndeyak eerogo panege, Namili mbuk eerogo panege, Yeenggwa nirenok nduk, nogoba Ala pekkeegak mban eeke neegak, Nenegen andi eerogo panege, Eeke agaarik o.

Ndawi 88:11

Aakumi kambunuk nogo menggam nogome nen Kat aakumi inabuwa mbake menggendak nogo mbininggwi, Aakumi lek eerogo piigo menggam nen Yoraga'ndak li'luk eeppiige menggendak nogo yogwe,

Ndawi 88:9

Andi-pandi nen le ari paga Nenegen agap piirik wonage agaarik o. Togop aret me, Kaliku ALA wae. O kubondendok nen o kiyoma ari nage kagak, Noone nggwok paga yokkege, Neenggi kat Ala wonage me nippunuk wonage, Eeke agarik o.

Yetaya 38:18

Ti eekendak nogo ti, Kambunuk nogo menggam nen kat tiyappagage, Kanggo menggam nen kat kalut eeke, Ndi, it mbuun ambena wambi nogo menggam nen, At liirogon eeppiige menggerak me, nit togon eeppinanigin o, yinuk, iniki lunik wonogwe, Eekulik me, eekendak o.

Yeremiya 14:17

An napuri wone yoroorak nogo yi aret. Napuluk kolaga aap kigin waka'lek kwak nowe-nawot yi, inawin abu iya lombok kunik wonogwe, Inawin lek ariyak lek mendek kunik wonogwe, Eerak wonogwe iinok, Liingge-oonikiya puk aga'lek namunggut-nale kunik mban wonage agaarik o.

Leendawi 1:16

Togop aret me, nale yikkolage, Nale amburu niyo negen wambit wage, Eeke agaarik o. An niniki eyak wappanega ambi ninom wonage, Niniki teeluk eerogo panega ambi koorok wonage, Eerak lek aret o. An nawim nogo inomaawi ambik lombok me, naagalogwe inamindik-inamendek mondok lek agagerak wonogo agaarik o,” Yinuk, ari agaarik o.

Leendawi 1:2

Oonikiya iniki wakkolage logonet, leenggu maake, Ale amburu agandin paga yanggunik-ngganggunik eerogo wurabit wage, Eeke agaarik o. At inom iniki kunik ambi nen at iniki eyak wappega'lek aret wonogwe, At oreewi abok nen, “Nore aret o,” yogwi kwe, ineebi ombako logonet, inom ogookkologwe, Eeko agaarik o.

Leendawi 2:11

An nanebunu mendek inenggaawak lek ogwe, Inapuri wologwe komologwe inom, elege ngget ndarak inom, o kota tu paga tu paga time inambuluk pit nogwe, Eekwi ti paga Le ari logonet nenegen piirogo panege, niniki andi lombok ee'nake, niniki awi lik-lek eerogo panege, Eeke agaarik o.

Lukat 7:38

Wonok wage nagagerik, Yetut iyok unggu'me ambokan taati mi'nari wage nagagerik, le ari logonet, ale amburu paga Yetut iyok miin eeke, ti'nuk, eeruwak paga wolombege, eeppege nagagerik, aganak paga pirik-perek ari logonet, amburu nogo iyok paga kilippereegerak.