Ndawi 59:4 - Ala Wone Peenok Peebi Mbanak

⁴ An maluk eeka'lek neegak kwe, It nen mban nooriyak pipuk eerit nugwi me, It maluk eeppaniyak eekwi yi, liippiige, Ndi, pilak yinuk, yeenggo nege, Eeru o.

Ndawi 59:4 ပူးပေါင်းရင်းမြစ်များ

Ndawi 35:19

Alom lek kagak, it ninom wim mbanak nen, “Op togon eeppogo a!” yinuk, iniki wogoppakwi, Alom lek kagak ineebi nombakwi nogo nen Maluk eeppanuwak nduk, inogobak tinggin yogwe, Eekwi iyo, Non mbanogo piyet o.

Ndawi 35:23

Kat pilak ari logonet nawone mbanogo panege, Kat nogoba Ala aret me, naana'le mbangge, Eeru o.

Ndawi 44:23

Togop aret me, nogoba o. Kat nonggop nduk nogo yege agandik? Mi'naru o. Kat mondok-mondok mbo pinanege ti mage. Pilak yu o.

Ndawi 5:6

It pilit pugungga nogo lek eerogo piige, Aap inamiya nengga inom, inambokan lagangga inom, Kaliku ALA nen inogole inombake, Eeke menggendak o.

Ndawi 56:7

Togop eeko menggaarak me, Ala wae. It aap ti, maluk eerit nugwi paga Inagap ndakkoloorak op mbaken? Lek me, kanini paga it yi aakumi ndi aakumi inenggaawak lek eerogo piyet o.

Kini Wuppiige 1:16

It aap ti, “A puk-puk,” yaga'lek perak togon maluk eerit nogwe, Aap inamiya mbet-mbet wunabit nogwe, Eeko menggaarak o.

Yetaya 51:9

Kaliku ALA wae. Pilak yu o. Pilak yu o. Yum yiko mengga kwak, komaawi eekkolage, Komaawi togon eerit nage, Eeke logot o. Aa'nduk togon eeke nagagindak kwak pila yinuk eeke, Ninombomini aa'nduk ndarak iigak eerit nage nagagindak kwak eerit nage, Eeke logot o. Waalo kole Arakap nogo ndanuk togon wake, Waalo aakumi inooka nogo nggarenak-pugunik eerogo pege, Eereegindak Kat aret nogo lek a?

Yetaya 59:7

Mbet-mbet aret maluk eerit nugwi, Aakumi maluk eerulik kagak mbet-mbet aret inoorogo piinet nugwi, Maluk eeriyak mban koonogo pit nugwi, Yi awi ndi awi nugu logonet, aakumi lek eerogo piinet nugwi, O yinik-minik eerogo pit nugwi, Eeko monggotak.

Nappiigak 23:15

yogondak kit inom, it wone amburu mbangga inom, nen, we piliret, Pawulut ambinom eegwa'me waawok o, yinuk, at yigin unde inowe nogo nen wonok woraawak nduk, yonggo nappiyamonggotak yori nogwe iigak, nit tu paga enaarak wonogwe me, wonok yime ari waga'lek kiigak, tu paga taati warugun aret o,” yinuk, yorogogwaarak.

Oroma 3:15

Aakumi maluk eerulik kagak, mbet-mbet aret inoorogo piinet nugwi,

1 Tamuwen 19:4

Yoge nagagerik, Yonatan nogo nen Ndawut ake wone koonogo at ogoba endagembogut Tawun yoge logonet, “Nogoba o. Kat nen kayeloman Ndawut maluk eeppuurak ti mage o. At nen kat maluk ambi eeppagageelik, kake abu obeelom mban eeppagage menggerak nogo lek a?