Ndawi 59:16 - Ala Wone Peenok Peebi Mbanak

¹⁶ Togop aret kwe, maluk noba ari wage kenok, Kat keebe paga kumaarogo panege, Pak wurik kwak, keebe aret mulunogo panege, Eeke menggendak me, Komaawi nogo ndawi paga kanep pege, Nabuwa lombok mbake menggendak nogo Kubondendok nen ndaame paga kanep pege, Eerigin o.

Ndawi 59:16 ပူးပေါင်းရင်းမြစ်များ

2 Tamuwen 22:3

At nogoba Ala ti, Aakumi nen an nookwi iyo, Yugum lunik kwak abu'me pani unggwage, Nggeemu pogom mulunogo panit nege, Omaawi paga nagap ndarogo panege, Aap maluk mendek nen nookwi iyo, Nagap ndariyak nduk, eeke logonet, Yugum pak wurogo pereegi kwak eerogo panit nege, Pi'nakwi iyo, o ambime kumaarogo pani nage, An nili eerogo panit nege, Eeke menggerak o.

Ayup 15:23

Towe ya'ngge-ya'ngge nen nenggaanggum nookwak, yinuk, yagak-ndagak nege, O kiip ari wage menggi kwak, at eeppuurak panggoni wage eenu me tokkage, Eeke agaarik o.

Ayup 37:23

At Omaawi Lombok Menggerak me, Nit at owagam noorak meek age, At omaawi lombok tiyanak wonage, Aakumi eekwi onggo a'me nggelok eeppiige logonet, mondok obeelom lombok eeppiige, Eeke menggerak me, At nen aakumi maluk eeppiyoorak meek aret o.

Ndawi 101:1

Kaliku ALA wae. Kat nen aakumi kiniki kunik aganake, Eekaatak a'me nggelok eeppiige, Eeke menggendak nogo paga An nen ndawi wake, Kinikilom mbarenok nduk, ndawi paga tiyappagage, Eeke logogin o.

Ndawi 106:8

Kendage tiyanak logowak nen Komaawi ambik menggendak nogo, It ineenu aruwak nduk, inagap ndake,

Ndawi 138:7

Maluk eeppaniyak wangge'nakwi iigak wonage me, Kat nen nili eerogo panege, It nawim inanini nen nooriyak eekwi iigak, Keenggi abe'nggan paga it tebenogo piinok, nagap ndake, Eeke menggendak o.

Ndawi 143:8

Ata, an kat koba panggonak minggirak me, Aakumi inabuwa nen kiniki kunik mban eeginake nogo, Ko'lu kubondendok an togop ee'nabi wage keyane! Niniki kat paga lunik wonage me, An eerit noorak tu titik nege,

Ndawi 145:11

Kat mondok iya lombok eeke menggendak inom, Kabu'me piige menggenom mondok iya tiyanak kenok “Wi,” ugwi nogo inom, Aakumi abok aret ineenu aruwak nduk, Kabu'me piige menggenom tiyanak wonage nogo yorogwe, Komaawi lombok menggendak nogo mbininogo yorogwe, Eeko logogun o.

Ndawi 21:13

Togop me, Kaliku ALA wae. Kat komaawi ambik menggendak me, Kendage tiyanak aret logowak o. Kat komaawi ambik me, nit ndawi wako logonet, Kat kalut eeko logogun o.

Ndawi 30:5

Ne ambit mban at anini ninombake menggerak kwe, Ale'nggen nen obeelom eeppinanege ti perak, Eeppinanegak mban eeke kagak Kambi noorak kuli ari nagin o. Oonikiya le mban yogwe iigak O weerikit nduk eeke menggerak kwe, O weege kenok perak, inale'nggen mbako menggaarak.

Ndawi 31:7

Kat nen andi-pandi eerogo panugwi nogo neege, Ee'nakwi paga yagan wake nogo liippanege, Eekendak me, An niniki ale'nggen mbake, Kiniki kunik ee'nake kenok, Nale'nggen nen ndawi wake, Eerigin o.

Ndawi 36:5

Kaliku ALA wae. Aakumi kiniki kunik eeginake menggendak ti, Mbogut paga kuli aret wonage, Eeppiyoorak mbake'ndak li'lak eeke menggendak ti, Ndugwi paga kuli aret wonage, Eeke menggerak.

Ndawi 4:1

Kat abe koonak mban menggendak nogoba Ala wae. Niniki puru ari logonet, Noone nggwok paga yokkege neenok, onggo yo'nege, Aaninggin noba wonage kenok, teeluk eerogo panege, An tamban eeke nogo nabuwa nen karuk konengge, Eeru o.

Ndawi 46:1

Nineebe op logowok nduk Abu'me pinaninuk wonage, omaawi eeppinanege, Aaninggin ninoba age kenok yeenggwa nirage, Eeke menggerak ti, Ala aret o.

Ndawi 5:3

Kaliku ALA wae. Kuubondendok noone yokkege nogo Karuk konengge menggendak o. Kuubondendok nggino yokki'nuk, “Kat ari keyaakit o,” yinuk, Tokkeege minggirak o.

Ndawi 77:2

Aaninggin noba ari wage eyom paga nogoba Ala kwaake, Oonikiya paga neenggi tanep aga'lek nippunuk wonage, Eeke neegak kwe, Niniki kwi'naga'lek nggilu ari mban wonage,

Ndawi 88:13

Togop ti kwe, Kaliku ALA wae. Yeenggwa nirenok nduk, noone nggwok paga yokkege, O kubondendok tamban paga karuk paga pege, Eeke minggirak kwe,

Ndawi 89:1

Kaliku ALA ninabuwa nen Kiniki kunik ee'ninabit wage menggendak nogo, Ndawi paga mondok-mondok tiyangge, Yo'niraga'ndak li'luk eeppinanege menggendak nogo, Ninapuri-ninombowologwe nda'narit wundi wogwe nogo, Noone paga yoranet nage, Eeke logogin o.

Wundeegwaarak 15:6

Kaliku ALA keenggi abe'nggan ti, Omaawi abu iya lombok menggerak me, Kaliku ALA keenggi abe'nggan paga nen kawim yigirik-noonom eerogo piigendak o.

Yeremiya 30:7

Ne ti ari wage kenok, aakumi nen, Ne ti iya, mbakwi, Ne aa'nduk arit wagagerak ti kwak lek mondok alik negen age kogwe, Eeko logogun o. Ne ti eyom paga aaninggin mondok alik negen it Yakup mendek inoba kwi'narigin kwe, Inagap ndarigin,” yegerak o.

2 Korindut 1:10

Ti paga nen mondok kambuurak aret wonogogurak kwe, ninagap ndareegerak me, peebi togon ninagap ndarigin aret o. Ndi, yogondak eeppinanege yi paga at nen ninagap ndarigin abet aret mbakwi me,

Epetut 3:20

Nit eeppinanuwak nduk nggino yogwi, niniki koonggwi, eekwi nogo mban eeppinanege lek at omaawi ee'ninake logonet, niniki mbaka'lek nogo mendek inom abok aret eeppinanege menggerak nogo,

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,

1 Tamuwen 17:37

At Aliku ALA nen singa inom, beruang inom, ineenggabit paga nen nibinnake kero, nagap ndakerak ndak-ndak, yogondak at aap Pilitin mendek eenggime nen togop aret ndinogo nagap ndarigin o.” Yoge mbareegi, at Tawun nen Ndawut yoge logonet, “Op aret o. At Aliku ALA kimbirak aret nak o,” yinuk, yoreegerak.