Ndawi 59:15 - Ala Wone Peenok Peebi Mbanak

¹⁵ It inambi kwaarit yi awi ndi awi nugwi, Kwaappunuk nenggaatak kwe, inanoma'le aga'lek kenok, Nggeewo ku agan nogo mengga kwak agan nugwi, Eeko menggaarak o.

Ndawi 59:15 ပူးပေါင်းရင်းမြစ်များ

Ayup 15:23

Towe ya'ngge-ya'ngge nen nenggaanggum nookwak, yinuk, yagak-ndagak nege, O kiip ari wage menggi kwak, at eeppuurak panggoni wage eenu me tokkage, Eeke agaarik o.

Ndawi 109:10

Apuri nogo ya agak nda agak nugu logonet, inambe nggino yoranet nugwi, Inawi wurik mi-mi wangge kagak, wumbiigwi,

Yetaya 56:11

Nggeewo nen, “Abu nenggi o,” yinuk, mbaka'lek inaanogum andi lek lagap mban agan nugu mengga kwak, it aap ti togop aret wonogwe, It aap ndomba ndegeninaka nen inaanggumi ndegeninaburak kobak mengga kwak wonogwe, It abok aret eeriyak mbakwi nogo mban mugurok nogwe, Inalitik-inalitak ineenggi warak eekkoloorak mban kwaarit nugwi, Eeko menggaarak.

Yetaya 8:21

It aakumi ti, iniki aaninggin wonogwe, mbi abu wonogwe, eeko logonet, o time yagak-ndagak nugwi, mbi abu kenok inanini nen inowe endagembogut inom, inogoba Ala inom, mbelaappiigwi, ina mbogut paga ni'nogwe,

Leendawi 5:9

O karume time wooluwak mban mik-kwit aago wonage me, “Ninoorugun ilik?” mbako logonet, ninambi kwaakko'net wundi nogo monggoorak o.

Mika 3:5

Aliku ALA nen ari logonet, “It aakumi nen, Ndogop eeke kaamunggup o, yinuk, an napuri iniki nomonogo piya nogwe nogo perak, Inambi wogorogwe iinok, Kiniki tayenak ugun aret logomunggup o, yinuk, yorogwe, Ndi, wogoraga'lek iinok, Kinawim nen kinoori unggwi woraagun o, yinuk, yorogwe, Eeko menggaarak me,

Pelaareegerak 28:48

at Aliku ALA nen kinawim nappiya woramenggerak nogo inayeloman a'nuk, mbi abu, niyo abu, kinayum yirik lek, kinamindik-kinamendek abu lek we kinagap mbelanak wonogo logonet, inake eeko logomunggup o. Eyo aaninggin tapi enggaanok paga kwippogo mengga kwak, at Aliku ALA nen mbuti aaninggin negen kinali'luk paga kwippinagamenggerak aaninggin ndugu aago logonet, kineebe aret lek ogo logomunggup o.