Ndawi 59:12 - Ala Wone Peenok Peebi Mbanak

¹² Iniki wogoppako logonet, Inambe paga maluk mban porogo wonogwe, Inoone paga maluk mban agan nugwi, Eekwi nogo paga Keele pugu negen yilunggolaawak nduk eeppiige, Aakumi pulunogo piinet nugwi, Inoone pilit pugunit nugwi, Eekwi paga

Ndawi 59:12 ပူးပေါင်းရင်းမြစ်များ

Ayup 12:24

O nggween paga yime it aap inoweewi wone lengganinaka nogo, iniki apit eerogo piige, O anggu paga aakumi lek me time ugun kobak nugu logowak nduk nappiige,

Ndawi 10:2

It maluk eeka nen iniki wogoppako logonet, “Aap ineenggi lek ti, ndogop eeppiyaawok o,” Yinuk, kote koonogo punuk, Kwaarinabit namenggaarak kwe, It aret yilunggologwe,

Ndawi 10:7

Inikime maluk mban yagabit aago logonet, Aakumi pulunogo piigwi, Pilit wone yoranet nugwi, Aakumi inagabiti mbaruwak nduk yorogwe, Eeko menggaarak. Ndi, inoone maluk mban wundi wage logonet, maluk eeriyak mban koonogo pit nugwi, Aakumi ale-pale eerogo piyoorak mban yogwe, Eeko menggaarak.

Ndawi 79:12

Nogoba o. It aakumi ninaagan-ambokan wonogwe yi, Kat meek eerogo pagagaarak onggo ne 7 kuli melak togon inoba kwippiyet o.

Kini Wuppiige 11:6

Aap iniki koonak nen obeelom eerit nugwi paga inagap ndakkologo menggaarak kwe, It aap iniki nggolawe perak, iniki nengge logonet maluk eerit nugwi ti paga nen inenggaanok yilunggologo menggaarak.

Kini Wuppiige 12:13

It aap maluk eeka inoone maluk agan nugwi paga ineebe nggelenggologo menggaarak kwe, Aap iniki abe koonak nogo perak, aaninggin inoba arukwak nduk woppako menggaarak.

Kini Wuppiige 18:7

Aap iniki lek wi nogo oone paga nen at eebe aret lek eerogo pake, Oone ari paga nen keele pugu kwak yilunggolage, Eeke menggerak.

Kini Wuppiige 6:2

Koone yemenggendak paga kat keele pugu kwak eekkolage, Koone perak togon wundemenggerak paga yilunogo pake, Eeke keenok,

Yetikiyen 12:16

Yi aakumi ndi aakumi mbaganit namenggaarak inenggela'me logonet, Nit maluk ogole warak mendek eekoorak paga eeppinanigi o, yinuk, inomaluk paganogo yorogo logowak nduk, wooluwak paga nen, mbi noogelo paga nen, kugilingga paga nen, inooka'lek ando mbuuluk teppiyaagin o. Ti eeke neenok, Naliku ALA an aret ineenu arugun o,” yinuk, yo'nereegerak.

Oteya 4:2

It nen pulunogo piinet nugwi, pilit-pilit agan nugwi, Aap inoorogo piinet nugwi, yogoot kumaakwi, Kumi ugun-ugun eeginabit nugwi, maluk mban eerit nogo logonet, ambi wappunuk, kinok togon ambi wakwi, Eekwi mban me,

Tepaniya 3:11

Ne ti eyom paga it an noone taganogo mbo punuk, maluk eerogo panugo nogogwaarak nogo, inenggali wappiyaagin lek o. It inoreewi, Nit iya o, yinuk, iniki wogoppako logomenggaarak nogo, o yime nen mbo wumbiyaagin me, It ando perak, nabuut alik leenak paga yime wonogo logonet iniki wogoppako logogun lek aret o.

Matiyut 27:25

Yorage mbareegi, it aakumi abok aret inoone wonggok togon yogo logonet, “At amiya ti, nit ninapuri-ninombowologwe ninom ninoba logorak op aret o.”

Matiyut 27:63

“Ninogoba wae. At aakumi nomoninake menggerak nogo nen awo eenik logonet, Nogo mbere yippunuk, mi'narigin o, yereegerak nogo nineenu me,

Lukat 23:5

Yoragagerak kwe, it inoone panggok togon nabenak mban yogo logonet, “Lek o. Aap yi, wone mamuninabit nege logonet, aakumi o Yureya mendek abok aret o Nggalileya nen nok, o yi kuli aret inabut wurit nege menggerak o,” yinuk, yoreegwaarak.