Ndawi 59:1 - Ala Wone Peenok Peebi Mbanak

¹ Ala wae. Nawim ineenggime nen nagap ndarogo panege, Nooruwok nduk mi'nagaarak nogo noori worookwak, Pak negen wurogo panege,

Ndawi 59:1 ပူးပေါင်းရင်းမြစ်များ

Ndawi 12:5

Kaliku ALA nen ari logonet, “It aap meek mendek tebenogo piigwi, It ineenggi lek nen, Yogop eeppinanuwak lak, ao, yinuk, iniki wakkologwe, Eekwi iinok, An pilak ari logonet, Ndogop eeppinanuwak lak, ao, nombakwi nogo, Inagap ndarogo piyaagin,” yereegindak me,

Ndawi 143:12

Aakumi inabuwa nen kiniki kunik mban aganake menggendak me, Nawim inoone lek eerogo piige, An kayeloman aret me, it maluk eeppaniyak eekwi nogo Abok aret inenggaawak lek eerogo piige, Eeru o.

Ndawi 143:9

Kaliku ALA wae. Neebe op logokit nen, kabu'me kumaa'nari unggwagarak wonage me, Nawim nen pi'nakwi iyo, nili eerogo panege,

Ndawi 18:48

Nawim ineenggime nen nagap ndarogo panege, Ineebi nombakwi nogo tebenogo piinok tiyappanege, It inogogun ambik ineenggime nen nagap ndake, Eekendak kat nogoba Ala aret o.

Ndawi 20:1

“Nonggop eeri?” yinuk, Kiniki piirik wonage logonet, Aliku ALA yoge keenok, At nen wone onggo yokkege, At Yakup ogoba Ala endage kungge keenok mulunogo pagage, Eeruwak o.

Ndawi 57:1

Ala wae. Neebe op logokit nduk, Kabu'me unggwi wagarak wonage me, Nabuwa mbake, narigi mbake, Eeru o. O wiya nen namburogo nappiige menggi kwak, An eeppaniyak eeke yi, lek ari noorak eeke kagak, Towe a'naabit paga tebembiinok menggi kwak, An tebembaninuk logonok nduk kowagam wagi o.

Ndawi 58:1

Kit o unde monggotak nagawan-nagawan yi wae. Kit wone a'me liirogon mbanggwi mbakop? Aakumi eekaatak ndak-ndak inowak loonggwi mbakop?

Ndawi 71:4

Nogoba Ala wae. It maluk eeka ineenggime nen ndinogo wumbanege, Aap iniki maluk inogogumbuk ineenggime nen ndinnake, Eeru o.

Ndawi 91:14

At Aliku ALA nen ari logonet, “At aap ti, iniki kunik ee'nake me, agap ndake, Ala ti, an nogoba aret o, yinuk, ari me, arum wonage,

Yetaya 33:16

It aap puut tiyarogon yugum pak wurogo pereegim iniki ugun tayenak wonogo mengga kwak wonogwe iigak, Inambi pipuk eerak wonage, inaniyo lek arigin lek wonage mban wonage, Eeke kagak nonggo logogun o.