Ndawi 58:6 - Ala Wone Peenok Peebi Mbanak

⁶ Togop me, kat Ala wae. It aap ti, Togop kwak aret me, ineyak langgunogo piige, Kaliku ALA wae. It singa kwak aret me, ineyak nggiginogo piige, Eeru o.

Ndawi 58:6 ပူးပေါင်းရင်းမြစ်များ

Ayup 29:17

Nggeewo anini warak nen at noorak eyak nggereninuk nage me, Ondogowak kalenogo punuk, ambe me ndinggwi kwak, Aap maluk eeka nogo inomaawi lek eerogo piige, Inabu'me tebembiinok wonogwe nogo ndininake, Eeke nagagirak o.

Ayup 41:14

Inondogowak yendok-wandok ineyak mban mbililin eerak me. Aakumi inagabolo ne agan nage waalo nogo inambe paganogo piige, Eeriyak mbaken?

Ndawi 10:15

It aap iniki worokot inom, maluk mban eeko menggaarak inom, Inomaawi lek eerogo piige, “Nit maluk eekwi Ala niige lek o,” mbakwi nogo Inomaluk ambi tabarak logokwak, Liirit-laarit yoranet unggwage, Eeru o.

Ndawi 17:12

Singa noorak mbaketak nogo naakit nduk, eyak nde ari wonage, Singa awooluk nen noorak mendek eyak nggerenggaakit nduk kumaarak pogonik wonage, Eeke menggi kwak, An togop eeppanugo agaarik o.

Ndawi 3:7

It ninom wim mbanak abok aret Ineegwak nenenogo nappiige, It maluk eeka ineyak langgunogo nappiige, Eeke menggendak me, Kaliku ALA wae. Kenegen an liippanege, Ndi, nogoba Ala wae. Kat nen an nagap ndake, Eeru o.

Ndawi 91:13

Togop eerumunggun me, Singa inom, waalo muuru inom, tebenogo piigak nage, Singa anini ambik inom, waalo aakumi inooka inom, Kiyok aan lebenogo piinet nage, Eeke logomunggun o.

Wone Alom Kibingga 10:11

Waalo muuru, “Keyak mbaninaburak mage o,” yoga'lek kagak inooke kenok, Aap, “Keyak mbaninaburak mage o,” yoga nogo, yori noorak ti, we aanom warogo aret o.

Yetaya 31:4

At Aliku ALA nen an yo'negerak nogo yi aret. “Singa koleewak a, singa awooluk ambi a, nen at nengge menggerak nogo iyok tebembunuk nengge me, It ndomba ndegeninaka eerak ndinuwok nduk, wogo logomenggaarik, Inoone ya-mba yogwi, teerogo nappuwok nduk eekwi, Eeremenggaarak kwe, Agabiti mbake, kole mbagangge, eekeelik ogogumbuk menggi kwak, At Omaawi Lombok Menggerak Aliku ALA wambi wage logomenggerik, Puut Tiyon inom, enaagan-ambokan puut-puut lunik inom, ili eerogo pege logogin o.

Yeremiya 8:17

At Aliku ALA nen ari logonet, “Waalo aakumi inooka kwak, Aliirumbuk yanggoninaburak meek nogo mendek kwak, Inawim inenggela'me tek eerogo nappiya woraagin me, iya tit aganakwi iyaagun o,” yinuk, yegerak.

Oteya 5:14

It Eparayim mendek eeppiyoorak an singa kwak wonage, Ndi, it Yekura mendek eeppiyoorak an singa awooluk eyak ambik menggi kwak wonage, Eerak logonet, An nen it ando nibinik-ndelenak eerogo piinok, nggarek ari, Ando neyak nggereneren nage, Eerigin me, Aap ambi neyak me nen ndinigin lek aret, yegerak me, yokkiragi o,” yinuk, yoragagirak.

Mika 5:8

Kit Iterali kinawim kinom nambuko logonet, tebenogo piigwi, Kinom ogoorak nogo lek eerogo piigwi, Eeppunuk, “Nineegin tiyak yigi o,” yinuk, keekok piyanggogo logomunggup o.

Linggineegwaarak 23:24

Singa kooli kokwak mi'nogwe, Singa ngguunok mi'na'nuk, wam nggwiya warogo punuk, Enggaanggum nengge, amiya nengge, Eeka'lek kagak winnageelik menggi kwak, It aakumi alik yi, togop aret wonogwe, Eeko agaarik o.”