Ndawi 58:11 - Ala Wone Peenok Peebi Mbanak

¹¹ Ti eekwi nogo aakumi nen inigen iinok, Yogo logonet, “It aap iniki abe koonak nogo Ala nen onggo wogorage, O nggween paga eekaatak ndak-ndak inowak loongge, Eeke menggerak abet aret kogo o,” Yinuk, yogo logogun o.

Ndawi 58:11 ပူးပေါင်းရင်းမြစ်များ

Ndawi 107:42

Ti eeppiige mbareegi, aap iniki abe koonak nen Inigen pegiinok, inale'nggen mbakwi, Ndi, it aap maluk mendek abok aret inoone lek ogwe, Eereegwaarak.

Ndawi 18:20

An obeelom mban eeke neenok, Aliku ALA nen ndak-ndak obeelom eeppanege, An maluk eeka'lek wonage neenok, Onggo maluk eeppanega'lek wonage, Eekerak o.

Ndawi 33:18

Togop aret kwe, It aap Aliku ALA inagabiti mbakwi nogo Iniki kunik mban eeginake menggerak me, “Nit kunduk iniki kunik ee'nabigin o,” yinuk, Iniki at paga lunik wonogwe ti, It kanggwi iyo, inagap ndake, Mbi noogelo wonogwe kwe, Ineebe op logowak nduk eeppiige, Eerikit nduk, Aliku ALA nen enegen wogonake menggerak o.

Ndawi 52:8

Togop yugun kwe, an perak, Eyo tayitun mili kwit agan lagangge menggi kwak Ala awi wurik me logonet, togop aret agarik o. Ala iniki kunik ee'nabit wundi wage menggerak nogo paga Niniki mondok-mondok panggonak aret logogin o.

Ndawi 64:9

Yi aap ndi aap abok aret Ala nen eeppiyamenggerak iigo logomenggaarik, inagabiti mbakwi, “Ala nen yogop eeppiigerak kogo o,” yinuk, wone wonok aakumi yoranet nogwe, Ala eeke menggerak nogo iniki koonit nugwi, Eeko logogun o.

Ndawi 67:4

Aakumi inanebunu lombok wone lengganogo yorage, A'me nggelok mban eeppiige, Aakumi nggween paga wonogwe nogo abok aret Liirogon ndegeninake, Eeke menggendak ti paga Yi aakumi ndi aakumi abok aret inale'nggen mbakwi, Iniki ale'nggen nen ndawi wakwi, Eeko logowak o.

Ndawi 68:24

Ala wae. It kawim tebenogo piinok, Mbigin-mbigin eerogo piinok wogoren wage nogo ninigen nakkeegwi, Kendagembogut ninogoba Ala wae. Mbigin-mbigin eerogo piinok, Kalut eeko menggam alik leenak nogome Wogoren unggwi nage keegwi, Eekwi niigak,

Ndawi 9:16

At Aliku ALA nen eekaatak a'me nggelok eeppiige menggerak kenok, Endage wigak yereegerak me, It maluk eeka nen keele pereegwaarak paga it aret ggerenggologo menggaarak o.

Ndawi 9:8

Aakumi nggween paga wonogwe nogo a'me nggelok inowak loongge, Yi aakumi ndi aakumi inawone ndak-ndak koonogo yorage, Eerumunggun o.

Ndawi 92:15

“At Aliku ALA ti, iniki abe koonak mban wonage, Ninayugum lunik kwak wonage, Eeke menggerak me, Inikime maluk wonage abu lek aret o,” yinuk, yogo logogun o.

Ndawi 94:2

It nggween paga menggaarak inowak loongga yi wae. Pilak yu o. Pilak ari logomenggendik, It aap iniki wogoppako menggaarak nogo Eekwi onggo ndak-ndak eeppiyet o.

Yetaya 3:10

“It aap iniki abe koonak perak, obeelom eerit nugwi paga obeelom anggen mbanogo nagun me, It obeelom enaani ndegenak aret logogun, yoret o.

Maleyaki 2:17

Kinoone agan nugwi paga at Aliku ALA koneniyak anggon eerogo pogotak kagak kit nen yogo logonet, “Ninoone nonggop yogwe paga at koneniyak anggon eerogo pogoorak?” yogwe ti paga an yokkira o. Kit nen yogo logonet, “It aakumi maluk eeko menggaarak ti, at Ala nen inooka'lek teppiige me, Op aret eekwi, mbake,” yogwe, ndi, “A'me nggelok eeke menggerak Ala nogo ngge o?” yinuk, yogwe, eekwi ti paga at Aliku ALA kinoone koneniyak anggon eerogo pogotak me nduk, yokkirage agaarik o.

Maleyaki 3:14

Inoone andiigwi yo'nugwi nogo ti, At ayuk wuko logonet, alut eeko monggoorak nogo ti, we aanom warogo aret eeko monggoorak o. Yogop ee'nu ndogop ee'nu, at yo'nirage nogo eerit nugwi, at Omaawi Lombok Menggerak Aliku ALA enegen kagak, maluk eeko nogogurak paga niniki wakko'net nogwe, eeko monggoorak nogo ti, nano eekkolaawok nduk, eeko ogoorik? Lek aret o.

Oroma 2:5

Ala iniki togop mbake kwe, kiniki omaawi kinogogumbuk wonogwe kiinok, Ala anini nen onggo maluk liirogombo eeppiige ti eyom paga abunuk nggwok togon eekkinaburak nduk eekkolagak mban eekwi kiigi o.