Ndawi 58:10 - Ala Wone Peenok Peebi Mbanak

¹⁰ Aap iniki abe koonak nogo nen Maluk eeppiigaarak onggo eeppiige nogo inigen iigwi, It aap maluk mendek inamiya paga iniyok kookkologwe, Eeko logonet, Inale'nggen mbako logogun o.

Ndawi 58:10 ပူးပေါင်းရင်းမြစ်များ

Ayup 22:19

It aap abe iniki koonak mendek nen It maluk eeka inomaluk onggo inoba piige nogo, Inigen iinok inale'nggen mbakwi, It maluk eeka'lek ugun mendek nen It miyuk-meya eerogo piigo logonet,

Ayup 29:6

Tu nage neegak, Naanggumi inelak amburu paga niyok pege a'lip kaga'narit nage, Eyo tayitun anggen yugum ndoonak paga aambirangge neegak, Niyo kwak amburu oone nggwa wangge, Eeke nagagerak.

Ndawi 107:42

Ti eeppiige mbareegi, aap iniki abe koonak nen Inigen pegiinok, inale'nggen mbakwi, Ndi, it aap maluk mendek abok aret inoone lek ogwe, Eereegwaarak.

Ndawi 52:6

Ti eekkake nogo It aap iniki abe koonak mendek nen Inigen keego logomenggaarik, Inagabiti mbakwi, kagi'ndok kanggwi, Eeppunuk, yogo logonet,

Ndawi 64:10

Togop eeko logogun kwe, It aap iniki obeelom nogo nen Aliku ALA eeke menggerak paga inale'nggen mbakwi, Ineebe op logowok nduk, abu'me kwi'nari unggwogwe, It aap iniki koonak abok aret Ala endage tiyappugwi, Eeko logowak o.

Ndawi 91:8

Ata, aganakwi nogo kenegen mban liippiige, It aap maluk mendek onggo eeppiige nogo Kat kenegen mban kage, Eerumunggun o.

Kini Wuppiige 10:25

O wiya warit wage nagaatik, nage kagak, aap maluk eeka ineebe lek aret iigo menggaarak kwe, It aap iniki abe koonak nogo perak, mondok nu'lek wonogwe iigo menggaarak.

Kini Wuppiige 11:10

It iniki abe koonak obeelom mban wonogwe paga o kota wonogwe abok aret inale'nggen mbakwi kwe, Aap maluk mendek kanggwi iinok, “Op kangga,” yinuk, inale'nggen nen keekok yogo menggaarak.

Pelaareegerak 32:43

Togop aret yereegerak me, Ala nen at ayeloman mini inamee'nggo wagangge, Inom wim mbanak nen eeppiyareegwaarak inikime aberak nogo onggo inooke, At apuri inom, inanggween inom, obeelom eerogo piige, Eerigin me, Kit aakumi kinanebunu lombok yi wae. Kiniki ale'nggen nen at apuri kinom keyage wako logonip o.” yinuk, ndawi pereegerak, nogo ti aret.

Wayu 14:20

Mambege mbaki, anggur anggen amburu aambirangge menggim o kota yagat endekem nogome aambirangge kagak, aakumi inamiya niyo wurik negen yenggenit lagangge logonet, aloboguk ambik kuda anobak ndak-ndak age nagaarik, irip o nda tiga ratus kilometer ndak-ndak ari nage kagarak.

Wayu 18:20

Eekwi iigak, at oone yo'nege nogo ambinom yo'nege logonet, “Kat mbogut yi, wae. Kale'nggen mbake, Kit Ala apuri ake leenak inom, obeelom wone yoranet nugu nogogutak nappiigak inom, Ala nen yokkirage kagak yoraga inom, Kit abok aret kwe yawukak nogo pogom o Mbaben yi nen eeppinagage nagagerak nogo onggo Ala nen aret eeppege me, kiniki ale'nggen mbakwi, Eeko logonip o,” yinuk, ari naruk konenggirak.

Owak Loongga 5:31

Togop aret me, Kaliku nogoba ALA wae. Kawim togop aret lek eerugun kwe, Oonegen komeninuk lagi wage kenok, Ia! yinuk, pi wakwi kwak, Kat kinom kiniki kunik nogo, togop aret logowak o.” Yinuk, ndawi pege nagagerik, wonogwe iigak, o nogo abolok lek wonage kagak, tahun 40 aret eereegerak o.