Ndawi 57:9 - Ala Wone Peenok Peebi Mbanak

^9-10 Nogoba wae. Ninabuwa nen kiniki kunik ee'ninake menggendak nogo O mbogut kuli ari lagangge, Wone yo'nirage menggendak li'luk eeppinanit wage nogo Ndugwi paga aret ndak wa'nage, Eeke menggerak me, Yi aakumi ndi aakumi inenggela'me nen kendage tiyappege, Ndi, aakumi inanebunu lombok inenggela'me nen Ndawi paga kanep pege, Eerigin o.

Ndawi 57:9 ပူးပေါင်းရင်းမြစ်များ

Ndawi 138:1

Kaliku ALA wae. Niniki ambit eeppunuk, “Wa,” lombok yokkege, Kugi abok inenggaanom ndawi paga Kanep tenok-mbenok tiyangge, Eerigin o.

Ndawi 18:49

Togop me, Kaliku nogoba ALA wa. Yi aakumi ndi aakumi inenggela'me logonet kalut eeke, Ndawi kanep pege logonet kendage tiyappagage, Eeke logogin o.

Ndawi 2:1

It yi aakumi ndi aakumi nanini-kanini agan nogo logonet, Maluk eerogo piinet nugwi, Aap inanebunu lombok we aanom warogo wone kote koonit nugwi, Eekwi ti, Nonggop nduk eeko agaarik o?

Ndawi 43:4

Ala wae. Kat nogoba Ala aret me, nappani wage keenok, niniki ale'nggen ee'nake, Nale'nggen kani negen wununogo panege, Eeke menggendak kat Ala nogo an kowagam nage, Kake warogo wakkogo menggam ari nage, Eeke logominggirik, Nggitat eeke logonet, “Wa!” lombok yokkirigin o.

Ndawi 96:3

At mondok tiyanak menggerak nogo, it aakumi lombok inenggela'me mbininogo yorogwe, At iya tit eeke menggerak nogo Aakumi inanebunu lombok yoranet nugwi, Eeko logonip o.

Owak Loongga 5:12

Ndebora yi wae. Mi'naru o. Ndebora yi wae. Mi'naru o. Mi'na'nuk, ndawi ambi tiyanu o. Mbarak yi wae. Mi'naru o. Aap Abinowam aput yi wae, Aakumi kugun wogonake logomenggendik, wogoren namunggun o.