Ndawi 57:6 - Ala Wone Peenok Peebi Mbanak

⁶ An aaninggin noba luuwi agan nage me, Towe yiluk yuwak nduk, Yum tugunogo pit nogo mengga kwak, An yiluk yikit nduk eerogo panugwi, Tu paga nage me yobok togon wambikit nduk Wam labu pogo mengga kwak eerogo pit nogwe, Eekaarak kwe, Melak togon it aret yobok togon wambit nagaarak o.

Ndawi 57:6 ပူးပေါင်းရင်းမြစ်များ

1 Mbinineegwaarak 29:10

At Ndawut nen aakumi kuwak eerak nogo abok inenggaanom paga Aliku ALA alut eeke logonet, “Kaliku nogoba ALA wa! Ninombo Iterali ogoba kat aret o. Aa'nduk nen nok, peebi kuli, Kendage mondok-mondok tiyappogo logowak o.

1 Mbinineegwaarak 29:11

Kaliku nogoba ALA o. Mbogut-nggween unde wonage kat aret me, Yi aap ndi aap iigak, Kat mondok iya, komaawi ambik, Kendage tiyanak, kayuk warak, Aakumi nen wiigugo agaarik o. Kaliku nogoba ALA o. Yi aap ndi aap inabu'me piinok, Wonogo menggam tebenak iigak, Kat kabu'me piinok, Wonage menggenom abu tiyanak aret o. Yi mendek ndi mendek abok tebenak iigak, Kalik mban tiyanak inarum wonage o.

Ndawi 108:6

Nit ninabuwa nen kiniki kunik ee'ninake nogo Ninagap ndarak logowok nduk, “Yeenggwa niret o,” yokkugwi yi, karuk konembunuk, Keenggi abe'nggan paga ninagap ndaru o.

Ndawi 140:5

It aap iniki wogoppaka nen Nenggaanok nggerok yuwak nduk keele kote pugwi, Towe pigaawak nduk Yum mbiganogo pogo mengga kwak, eerogo pugwi, An tu nege minggim abok aret Ta'na pogo mengga kwak pit nogwe, Eeko menggaarak o.

Ndawi 142:3

An tu nage minggim aap nen an nooriyak nduk, Keele pit nagaarak kwe, An tu nawam kat mban keenu me, nage logonet, Nagabiti nen niniki lek-lek ee'nake kenok, Pi'neren nage menggendak o.

Ndawi 143:4

An niniki lek-lek ee'nabit unggwage, Nogut nggigik ari logonet nagabelelaan mban wonage, Eeke agarik o.

Ndawi 145:14

Kaliku ALA nen Aap abok aret yigeebu wanggwi iinok piginaka, Inuut wutik wonogwe iinok, pilanogo piiga, Aret menggendak o.

Ndawi 42:6

An niniki mondok puru aago wonage logonet, Puut-puut Keromon enggela'me puut Mitat nen, Yoraran ndirok nen, Ala eerit nage nagagerak nogo abeke minggirak o.

Ndawi 8:2

Elege awo ngget ndarak inom, Elege awo inelak nunggwi inom, Nen kendage tiyappagagwi paga It tebenogo pagarak kinom wim mbanak inom, Iniki mabin lumbunuk wonogwe inom, Inoone lek aruwak nduk koonogo piige, Eereegindak o.

Kini Wuppiige 28:10

Aap ambi nen aap iniki abe koonak nogo maluk eeppiyaakit nduk, wogoren nage kenok, at talok pakim nogome aret yaru'nari wangge menggerak kwe, It aap maluk inoba lenggenggulik nogo perak, yate kwak abe mendek mban kologo logogun o.

Kini Wuppiige 29:5

Aap ambi nen ore iniki laakot ombake logonet, oone paga mban yoge ti, at iyok aret nggelok yuwak nduk keele kwak eerogo pake menggerak.

Mika 7:2

It aap Ala mugurok nogwe nogo, o yime inenggaawak lek aret iige, Aap iniki abe koonak ambiriluk ambi lek aret kage, Eeke agarik o. It abok aret aakumi inooriyak nduk, enaarak negen wonogwe, Towe yilunggagak yum yugu wonok nugu mengga kwak, it ambi nen inoreeluk ambi wariyak nduk eerit nugwi, Eeko agaarik o.

Linggineegwaarak 14:21

Togop eekirak kwe, o Metit paga time inom, o karume yime inom, nomaawi paga eerubok mendek iya tit eeke neenok, Wi, yinuk, pi wa'nako logonet kwe, ne 10 kuli an nabut mbaniyak nduk eeko logonet, noone konengga'lek tagambunuk maluk mban eerit wundi wogwe me, it inombomini nggween wogoroorak noone abuk nggaruk togon kumbuk mbanogo yoragagim nogome piya naakit lak, it aakumi yi, an meek eerogo panugwi me, ambiriluk ambi o time inigen kaagun mondok lek o, yinuk, o nggween paga yime menggaarak abok nen Naliku an ALA eeke neenok, Wi! nugwi an mondok neenik minggirak nendage paga nowak mbanogo yokkigi o.