Ndawi 57:4 - Ala Wone Peenok Peebi Mbanak

⁴ Aakumi nen an nooruwok nduk eekwi ti, Singa aakumi nibininaburak kwak wonogwe, Ineyak ti, maale-wooluwak kwak wonogwe, Inamili ti, paloowi engget ambik kwak wonogwe, Eerak logonet, An wanggeppaninuk wonogo agaarik o.

Ndawi 57:4 ပူးပေါင်းရင်းမြစ်များ

Ayup 41:14

Inondogowak yendok-wandok ineyak mban mbililin eerak me. Aakumi inagabolo ne agan nage waalo nogo inambe paganogo piige, Eeriyak mbaken?

Ndawi 10:9

Singa nen at noorak mendek wage kero, Iri'nggaame kumaarak tokkage menggi kwak It inagap ndakkoloorak meek mendek nogo piginabuwok nduk toriigwi, Wogwe iinok, inageele pugume nggelenak me, pigiren nogwe, Eeko menggaarak.

Ndawi 35:17

Kaliku ALA wae. Kenegen neegendak kwe, Puk mban keegak, ne mande arigin o. It aap an maluk eerogo panugwi yi, It ineenggime nen nagap ndake, Singa kwak ineyak nggerembaninuk wonogwe me, Inambeme nen ndinogo wo'nake, Eeru o.

Ndawi 43:3

Kat aakumi eya eeppiige menggendak inom, Li'lak mban eeke menggendak wone inom, nen Tu ni'neege, Kat wonage menggenom kabuut alik leenak menggim pani wage, Eeke logowak nduk, Nappani mok o.

Ndawi 52:2

Kat aap pilit pugungga yi wae! Kamili nogo ti, Aap inamboro mbangga engget ambik kwak logonet, Aakumi maluk eeppiyoorak wone mban mbanit nege,

Ndawi 55:21

Wam amburu anen pera aago menggi kwak, oone amburu ndik-ndik agan wage, Eeke menggerak kwe, Ogogumbuk anini ambik menggerak o. Inagabolo abe aruwak nduk, amburu eeko mengga kwak, Iniki nomonikit nduk oone yanggorogon agan wage kwe, At ari ti, Wooluwak engget mbup nggabenak kwak aret menggerak.

Ndawi 58:6

Togop me, kat Ala wae. It aap ti, Togop kwak aret me, ineyak langgunogo piige, Kaliku ALA wae. It singa kwak aret me, ineyak nggiginogo piige, Eeru o.

Ndawi 59:7

It nen yogo logonet, “Nit yogwe yi, ta nen koneniyak? Lek me,” yinuk, Wone ugun-ugun kilirogo pit nugwi, Wooluwak paga inooko mengga kwak, Inoone paga nen inoorit nugwi, Eekwi yi, iyet o.

Ndawi 64:3

Inamili ti, wooluwak engget nggabunogo pugwi kwak me, It inoone paga nen nooruwak nduk koonogo pugwi, Maale irip paga wi perenak mba'mbak irogo mengga kwak, Inoone andiigwi paga nooruwak nduk li'luk eekwi,

Kini Wuppiige 12:18

Aap ambi oone perak togon ari menggerak nogo ti, wooluwak ndanuk togon inooko mengga kwak aret ari menggerak kwe, Aap iniki warak nen oone agan nege paga aakumi obeelom eeppiinet nage menggerak.

Kini Wuppiige 25:18

Aap ambi ore imbirak menggerak nogo eerulik kagak, pilit-pilit, “Eekendak o,” yoge nogo ti, Eyo obate mbanak kwak, wooluwak kwak, maale ngget ambik kwak, aret wonage menggerak.

Kini Wuppiige 28:15

Aap maluk mendek ambi nen aakumi it eekkoloorak meek nogo mendek inarum wonage nogo ti, Singa anini nen oone kole ari, beruang kok wundi wage, eeko mengga kwak aret wonage menggerak.

Kini Wuppiige 30:14

Ndi, it aap o nggween paga tebenak wonogwe nogo lek eerogo piinet nogwe, It eekkoloorak meek mendek aakumi inenggela'me wonogwe nogo lek eerogo piinet nogwe, eeruwok nduk, It aap ando inapuri nogo ineyak kirin ti, wooluwak ngget nggabenak kwak, ineyak alom ti, ndut kwak, wonogwe, Eeko menggaarak.

Yakobut 3:6

Ninamili ti, kani pogom aret o. Yi maluk ndi maluk anebunu abok aret alom ti, ninamili aret o. Ninamili ti, nineebe ando aret me nineebe apit aret maluk eerogo pinanege menggerak. Kani omoonu'me nen kani anggen wonok ninamili paga wuninogo pi wagaatak paga, nit aakumi nggween paga mendek eeko monggoorak abok aret eerit nogo logonet, maluk mban eerit nogo logowok nduk, ninoba wuninogo pinanit nage menggerak alom ti, ninamili aret o.

Wayu 19:15

Inom nogo logonet, at yi aakumi ndi aakumi inanebunu lombok abok aret tebenogo piyoorak nduk, paloowi ngget ambik ambeme nggelenak wonok nage logonet, tebenogo piinok, mbim obate mbanak ineenggime logonet, inoone omaawi paga yorogo mengga kwak, at oone omaawi paga wone lengganogo yorage kagarak. At omaawi lombok menggerak Ala anini nen aakumi eeppiyoorak nogo ti, anggur amburu aambiranggo mengga kwak aret me, at nogo nen aakumi togop aret aambiranogo piinet nage kagarak.

Owak Loongga 9:20

Ndi, kiniki abe paga eerulik kenok perak, Abimelek eebe paga nen kani omoonuk wunuk agan wundi wage logonet, kit o Tikem monggotak inom, o Mbet-Milo monggotak inom, abok aret pup eerogo pinagage, ndi, kit o Tikem monggotak inom, o Mbet-Milo monggotak inom, kit kineebe paga nen kani omoonuk wunuk agan wundi wage logonet, Abimelek eebe nogo lek eerogo pege, eeruwak o,” yinuk, yoragagerak.