Ndawi 57:1 - Ala Wone Peenok Peebi Mbanak

¹ Ala wae. Neebe op logokit nduk, Kabu'me unggwi wagarak wonage me, Nabuwa mbake, narigi mbake, Eeru o. O wiya nen namburogo nappiige menggi kwak, An eeppaniyak eeke yi, lek ari noorak eeke kagak, Towe a'naabit paga tebembiinok menggi kwak, An tebembaninuk logonok nduk kowagam wagi o.

Ndawi 57:1 ပူးပေါင်းရင်းမြစ်များ

Ndawi 125:1

It aap Aliku ALA oba panggombunuk wonogwe nogo ti, Puut Tiyon nu'lek mondok-mondok menggi kwak Wonogo menggaarak o.

Ndawi 13:5

Kat nen mbo panegeelik kiniki kunik ee'nabit wundi wage paga Niniki panggombunuk wonage, Nagap ndareegindak me, niniki ale'nggen mbake, Eeke agarik o.

Ndawi 142:1

An noone nggwok paga Aliku ALA yoge, “Yeenggwa niru o,” yinuk, Noone tiyarogon Aliku ALA yoge,

Ndawi 2:12

At Aput anini mbet-mbet mi'nage menggerak me, Kit eerit nogwe kiigak, Anini nen lek eerogo pinagukwak, At iyok paga pirik-perek yi wogo logonip o. Yi aap ndi aap at abu'me wonogwe nogo, Inale'nggen aret mbako menggaarak o.

Ndawi 36:7

Aakumi kiniki kunik eeginake menggendak nogo ti, Abu iya lombok wonage me, Inendage warak inom, warak lek inom, abok aret Towe aagalogwe a'naabit abu'me piinok menggi kwak, Ineebe op logowok nduk, Kat kabu'me unggunuk wonogo menggaarak o.

Ndawi 56:1

Ala wae. Nawim nen nooruwak nduk, nggobok nirit nugwi, Pi'nabuwok nduk, ko'lu-kii'me Nappanggak-wappanggak nugwi, Eekwi yi, nabuwa mbaru o.

Ndawi 58:1

Kit o unde monggotak nagawan-nagawan yi wae. Kit wone a'me liirogon mbanggwi mbakop? Aakumi eekaatak ndak-ndak inowak loonggwi mbakop?

Ndawi 59:1

Ala wae. Nawim ineenggime nen nagap ndarogo panege, Nooruwok nduk mi'nagaarak nogo noori worookwak, Pak negen wurogo panege,

Ndawi 61:4

Ala wae. An eeke logorak Wone kumbuk mbaneegirak nogo karuk konengge, It aap kendage yogwe iinok, kayuk wuko menggaarak nen Keyate wogorage menggendak nogo an ninom wo'nege, Eekendak me, An kat kawooliyana mondok-mondok wonage, Towe a'naabit abu'na tebenak mengga kwak, An kabu'me tebenak wonage, Eerikit lak, “Ao” , mbake agarik o.

Ndawi 63:7

Kat yeenggwa nege menggendak me, Towe a'naabit abu'na mengga kwak, an kabu'me logonet, Niniki ale'nggen paga ndawi wake agarik o.

Ndawi 75:1

Ala wae. Nit, “Wa!” lombok yokkugwi, Keebe nda lek ninom wonage me, “Wa,” yokkugwi, Eeko logonet, Kat iya tit eerit nage menggendak nogo, nit nen wone mbininogo yoranet nogo monggoorak o.

Ndawi 9:10

It aakumi iniki Kaliku ALA koba panggombunuk mukkeren wogwe iinok, Kat mbo piigeelik me, Kendage inom, eeke menggendak inom, ineenu nogo nen Iniki koba panggombunuk aberak menggaarak o.

Ndawi 91:1

Aap ambi eebe op logokit nduk, at Tiyanak Lombok abu'me wonage kenok, At Omaawi Lombok Menggerak angguna'me logogin o.

Ndawi 91:4

Towe a'naabit abu'na aagalogwe tebembiinok menggi kwak At eenggi paga nobakkake, Keebe op logonok nduk, at abu'me pagage, At yokkiremenggerak ndak-ndak li'luk eeppagage, Eeke ti, at aret me, Kanggeemu kwak, karin kwak at aret o.

Ndawi 91:9

An neebe op logorak ti, “Aliku ALA aret o,” yinuk, ari, Ndi, an logorak nogo ti, At Tiyanak Lombok Menggerak abu'me aret wonage mbake, Eeke keenok,

Yetaya 10:25

An ne mbuuluk logonuk nanini it paga wonage nogo tayo ari logominggirik, Nanini it Atiyut mendek inoba piige logonet, ineebe lek eerogo piyaagin,” yegerak me, yokkiragi o.

Yetaya 26:20

It aakumi nggween paga maluk eeko nogogwaarak onggo eeppiyaakit nduk, Aliku ALA wonage menggim nen wundi wage kenok, It aakumi inamiya nggween paga kilirogo piigo nogogwaarak kiraarak wonage nogo Nggween ti nen, “Yi ket o,” yinuk, titik ege, Ndi, inoorogo piyareegwaarak inamiya nggween taanak wonogwe nogo kin eerogo nippiya wage, Eerigin me, Kit an napuri yi wae. At Aliku ALA anini mbake nogo lek age kagak, Kiname lombok unggwi nogo logomonggotik, kinaru nakkologwe, We luulu kumaarak wonogwe, Eeko logonip o.

Yetaya 50:10

Kit kinenggela'me nen at Aliku ALA agabiti mbake, At ayeloman wone ari kenok liirogon eeke, Eeke menggerak ta wonage agaarik o? At o eya paga nageelik apit paga wonage logonet eerit nage nogo nen Aliku ALA abet mbake, At ogoba Ala iniki oba panggombege, Eeruwak o.

Matiyut 24:22

Aaninggin-paaninggin inoba piyoorak eyom nogo ti, Ala nen kuli panggoppi woraagin lek kenok, aakumi inagap ndarigin lek abok aret inoorigin me, at Ala nen at apuri miirogo leeninabeegerak mendek nogo inookwi iyo, kuli pigin aret o.

Lukat 13:34

Ai! Yerutalem, Yerutalem! Ala nen yorage kagak yokkega nogo inooke, aap Ala nen yonggo kowagam nappiya wage menggerak ti, yugum paga toguurit-tagaarit inooke, eeke menggendak me ao! Towe ayam iyagalo nen oo'nuwe a'naabit abu'me tebembiirogo menggi kwak, an nen kat kaagalogwe togop aret kuwak eerogo piyoorak mbake minggirak kwe, kat nen, Neebi o, mbake menggendak me, ao!

Yaya 16:20

Kiniki puru ari, leenggu maakwi, eekwi kiigak, it aakumi o nggween paga yime menggaarak nogo nen inale'nggen mbarugun. Kit kiniki puru yumonggotak kwe, peebi kiniki puru ari nogo lek age logonet, obaane'me ale'nggen nggwok eekkinake kaamunggup o.

Pelaareegerak 9:26

Tamban eeke logonet, Kaliku Kitok Menggendak nogoba ALA wae. Kat keenggi omaawi paga iya lombok eeke logonet, yate iniki kunik mengga kwak, kapuri Iterali unde logonok nduk, inagap ndarogo o Metit nen wogoren wundi wagagindak me, it ineebe lek eerogo piyoorak ti mondok mage o.

Wayu 21:4

Mbogut-nggween aa'nduk ogobakkigirik nogo paga logonet, iniki aaninggin kogo nogogwaarak nogo, lek agaarak me, ngget ogobakkigirik nogo paga inogoba Ala inom logonet, inale amburu mbanogo piyamenggerak me, kanggwi, tabun ndoombunuk le yogwe, iniki wakkologwe, andi kogwe, eeko logogun abu lek o,” yinuk, ari naruk konenggirak.

Wayu 7:14

Yo'nege mbaki, “Nogoba o. An neenggo'lek me, kat nen mban yu o,” yoge mbaki, at nen an yo'nege logonet, “Lek o. It aakumi yi, aaninggin-paaninggin mondok alik negen eeppiigwi iigak, inenggela'me nen wundi wagaarak nogo ineebe yi aret o. It nogo ti, inayum laambu yanggwi negen aruwak nduk, Ndomba Aagaluk amiya nogo paga inayum kookkologogwaarak me,

Urut 2:12

at Aliku ALA nen eekendak nogo onggo wokkege, ndi, towe aagalogwe kanggwi iyo, a'naabit abu'me tebembiinok menggi kwak, at Aliku Iterali inogoba Ala abu'me ari wagandak wonage me, onggo nggwok lombok kalo logonogo wokkege, eerigin o.”

1 Tamuwen 22:1

Ti'nuk, at Ndawut nogo o Nggat mbo punuk, o Arulam ndoome time aret kumaa'nari nagagerak wonage me, at owe-awot inom, agalo-ogoba inom menggaarak inom, nen at time wonage inaruk konembunuk ka nogogwaarak.

1 Tamuwen 24:3

Puut paga ndomba anggenogo wurik me taati ndoome ambi wonage me, at Ndawut awuri inom ndoome time ari unggunuk, ilin me wonogwe iigak, at Tawun omayo mbooniyak nduk, unggwi nage nagagerik, mboongge me,

1 Tamuwen 24:4

at Ndawut awuri nogo nen at yogwi, “At Aliku ALA nen, Kawim eeppuurak mbakendak nogo eeppege logonok nduk, keenggime pagagin o, yereegerak nogo yogondak nanonggwan yi aret aga o.” Yogo mbareegwa, Ndawut nogo mbawok aret Tawun wonage me wage nagagerik, ayum abo irip mbanogo waganeegerak.

1 Tamuwen 24:8

Nage kagak, at Ndawut ndoome nen wundi wage nagagerik, oone nggwok paga Tawun yoge logonet, “Nogoba kendagembogut wae.” Yoge mbareegi, Tawun nen enegen ambo'me logurogon na'nari wage mbareegi, at Ndawut nen nggween paga wanduk yinuk, ayuk wureegerak.

1 Tamuwen 26:9

Yoreegerak kwe, at Ndawut nen ari logonet, “At Aliku ALA nen leenogo piige kenok amburu eeppiigaatak aap ambi nen wake kenok, aaninggin oba arigin lek ti lek, arigin aret me, wariyak mage o.