Ndawi 55:23 - Ala Wone Peenok Peebi Mbanak

²³ Togop aret me, Ala wae. It aap maluk eeka nogo Lek ogo menggam mbuun ambena kabelogo wuppiige, It aap inoone pilit yaga inom, inamiya nengga inom, It ndarak eyom awo ari naga'lek iigak, kambuwak nduk eeppiige, Eerumunggun kwe, An perak, kat nen an eeppanenok nduk, Niniki koba panggombunuk aret agarik o.

Ndawi 55:23 ပူးပေါင်းရင်းမြစ်များ

2 Tamuwen 3:27

Wonok o Keboron nogo mbareegwa, at Yowap nen imbirak inalik wone mbaniyak negen eeppunuk, wonok tu unggwogo menggam taati ari nanuk, “Nawuluk ane'me wari o,” yinuk, aanogum me ndut kenenak paga linggage mbareegi, taati aret kambeegerak.

Ayup 15:32

At nda'nagagim eyom awo ari waga'lek kagak, At eeremenggerak onggo ndak-ndak wogorigin me, Eebe lek aret arigin o. Eyoongga mbuk agaatak ki ageelik kokwak,

Ndawi 112:6

At aap ti nen eerit nage nogo Mondok nu'lek aret logogin o. Aap iniki abe koonak nogo Mari eerogo pega'lek mondok-mondok oba aberak aret logogin o.

Ndawi 121:3

Kiniyok eraabin tuk togon eekkirage kero pikkinake, At kinarum waka nogo, nogo lomok yaga'lek eenik aret wonage,

Ndawi 25:2

Nogoba Ala wae. Niniki kat koba panggombunuk wonage, Eeke agarik o. An nenggali eerogo panugwi, Nawim nen an tebenogo paninuk kunu waganggwi, Eekwi iyo, non mbanogo piyet o.

Ndawi 5:6

It pilit pugungga nogo lek eerogo piige, Aap inamiya nengga inom, inambokan lagangga inom, Kaliku ALA nen inogole inombake, Eeke menggendak o.

Ndawi 58:9

Kani alok mendek kumbunuk, Togolowak kwippegaatak awo aganggen aga'lek kagak Abera'lek me o wiya nen kani ki inom, mbuk inom, kunik nogo Iyaarak-mbiyaarak eerogo nappege menggi kwak It aap maluk eekaarak inom, eeriyak koonggwi inom, Togop aret eerugun o.

Ndawi 66:9

Nineebe obeelom logowok nduk ninarum wonage, Niniyok perak togon yigeebu wambukwak pi'ninake, Eeke nagagerak o.

Ndawi 73:18

Nogoba Ala wae. It aakumi ti, Eraabin perak togon wambuwak nduk eerogo piige, Ineebe nggarenak-pugunik eerogo piyaawak nduk yigeebu wuppiige, Eerumunggun me,

Kini Wuppiige 10:27

It aap Aliku ALA inagabiti mbakwi paga it ndarak nggorek logorak eerogo pako menggaarak kwe, It aap maluk mendek perak, yi tahun ndi tahun eeriyak kwe, Ineenik logorak kuwagaluk eerogo pako menggaarak o.

Kini Wuppiige 15:11

Aakumi kambunuk nogo menggam inom, ineebe lek ogo menggam inom, tu paarak mban wonage kenok, Aliku ALA nen liippiige menggerak me, Aakumi iniki mbakwi ti, abunuk liippiige menggerak o.

Kini Wuppiige 27:20

Kambunuk nogo menggam inom, ineebe lek ogo menggam inom, unggwi nagaatak kwe, “Yi kuli o,” yaga'lek ambe pan aago menggi kwak, Aap inigen pekkoorak, “Ao,” mbakwi nogo ti, kuli pega'lek pekket-pekket mban aganake menggerak.

Wone Alom Kibingga 7:17

Kat kambuurak eyom awo kagak, kambuurak mbakendak ya? Lek me, “Maluk lombok eerit nage logokit,” mbake, Ndi, iniki lek wi nen eerit nugwi kwak eerit nage, Eeriyak mage o.

Yetaya 38:17

An niniki koonnaruwak nduk, aaninggin noba agaarak paga niniki wakkolage nagarak ti abet aret o. An neebe lek eerogo paniyak eekwi me nabuwa nen nili eerogo panege, Ndi, nomaluk abok aret kat kambokan mbo nappege, Eekendak o.