Ndawi 55:22 - Ala Wone Peenok Peebi Mbanak

²² Aap iniki abe koonak iniki lek-lek aruwak nduk, Aliku ALA nen mbo piigeelik me, “Nonggop ee'ninabigin o?” yinuk, Kiniki piirik wonogwe nogo Abok aret waganogo at mban wogo'nuk logonip o. Togop eekwi kiinok, Aliku ALA nen unde wokkinake logogin o.

Ndawi 55:22 ပူးပေါင်းရင်းမြစ်များ

Ndawi 12:3

“Nit ninoone agan nugwi mban abe o. Ninogoba nen, Ndogop yuurak mage o, yinuk, yo'niroorak ambi lek me, Yuurak mbakoorak mban agan nugu logogun o,” Yinuk, iniki wogoppatit nugwi, Inoone amburu ndik-ndik agan nugwi. Eekwi nogo Kaliku ALA nen inale'lok nggaruk togon nappiyet o.

Ndawi 121:3

Kiniyok eraabin tuk togon eekkirage kero pikkinake, At kinarum waka nogo, nogo lomok yaga'lek eenik aret wonage,

Ndawi 16:8

Kaliku ALA mondok-mondok Nenggaawak paga punuk nege minggirak. Kat Ala an nimbirak wonage menggendak me, An mondok nu'lek aret minggirak o.

Ndawi 27:14

Togop aret me, Kit nogo Aliku ALA tokkogwe, Kinogogumbuk eekkologwe, Kiniki nu'lek eeppatinuk wonogwe, Eeko logomonggotik, At Aliku ALA tokkogo logonip o.

Ndawi 37:24

It iniyogobit liniraagin kwe, Aliku ALA panggoniren nege me, Yigeebu wambugun lek o.

Ndawi 37:5

Kit eeriyak koonggwi nogo Abok aret waganogo Aliku ALA wogogwi, Kiniki at paga panggombunuk wonogwe, Eekwi kiinok, At nen eeppinagage kaamunggup o.

Ndawi 62:2

Nayugum nu'lek menggi kwak inom, nagap ndaka inom, pak wurik kwak inom, Ti, Ala mban aret me, Niniki mondok kwi'ndak nu'lek aret agarik o.

Ndawi 62:6

Nayugum nu'lek menggi kwak inom, Nagap ndaka inom, pak wurik kwak inom, Ti, Ala mban aret me, Niniki mondok kwi'ndak nu'lek aret agarik o.

Ndawi 62:8

Kit aakumi kinanebunu lombok yi wae. Nineebe op logorak abu'me ari unggwaga ti, Ala aret me, Neetik-neetak Ala paga panggonak wonogwe, Kiniki mbako monggotak nogo abok aret at enggaanom paganogo pugwi, Eeko logonip o.

Ndawi 63:8

An kat paga panggonak wonage neenok, Keenggi abe'nggan paga eyak wappaninuk menggendak o.

Ndawi 64:4

An maluk eeka'lek ugun nage neegak, Kumaarak logonet maale paga noorogo wumbugwi, An ugun wonage neegak, Inagabiti mbaka'lek yini-panip noorogo wumbanugwi, Eeko agaarik o.

Yetaya 50:10

Kit kinenggela'me nen at Aliku ALA agabiti mbake, At ayeloman wone ari kenok liirogon eeke, Eeke menggerak ta wonage agaarik o? At o eya paga nageelik apit paga wonage logonet eerit nage nogo nen Aliku ALA abet mbake, At ogoba Ala iniki oba panggombege, Eeruwak o.

Yeremiya 9:7

Togop me, at Omaawi Lombok Menggerak Aliku ALA nen yegerak nogo yi aret. “An napuri ti, maluk mban eerit nogwe paga an nonggop eeri? Mili leennaruwak nduk, mbuti worako mengga kwak, napuri ti, togop aret eeginake, inabut mbangge, Eerogo piyaakit mbake agarik o.

Matiyut 11:28

Kit wone yugu eerit nugwi paga kiniki aaninggin wonage, anggon-panggon eekkinake, eeke yi, an nen kiniki yanggongginabikit nduk, nowagam wa'nip o.

Matiyut 6:25

Ti kenok, kit nen, Nineenik logorak nduk, ninagi-ninambi nano namun? Ndi, nineebe op logorak nduk, ninayum nano yikkolamun? yinuk, kiniki koonggo logonet, kiniki piirik logogup o, yinuk, yokkiragi o. Nonggo monggotak ti iya, ndi, kineenik logorak ti, meek mbakop? Ndi, yikkologo monggotak ti iya, ndi, kineebe op logorak ti, meek, mbako logonet, kiniki piirik ogotik? Lek o.

Lukat 12:22

Yorage nagagerik, Yetut nen at oone waganggwi nogo yorage logonet, “Nineenik logorak nduk, ninambi nano namun? Ndi, nineebe paga ninayum nano yikkolamun? yinuk, kiniki koonggo logonet, kiniki piirik logogup o, yinuk, yokkiragi o.

1 Peterut 1:5

Ninake pinanogo wonage kola noorak nit nogo ti, abet mbakwi niinok, Ala nen o age yobok paga ninagap ndariyak kooneegerak nogo, peebi togop ndak-ndak eeppinanikit nduk, yogondak Ala omaawi paga nggelorogon pinanogo wonage nogo, ninake aret pipuk eerogo pinaneegerak mbogut paga wonage o.

1 Peterut 5:7

At Ala nen kinabuwa mbake menggerak me, kiniki piirik-paarik eekwi nogo abok aret paganogo at oba mban pogo logonip o.

1 Tamuwen 2:9

It aakumi abet mbako menggaarak nogo, Nggween ti paga iniyok pit nogwe iigak, inarum wonage, It inogogun ambik maluk eekwi iinok perak, o apit me time inoone lek eerogo piige, Eeke logomunggun o. Aap ambit-ambi, An nomaawi paga ndogop eerikit o, Koonggetak nogo aret ageelik me,