Ndawi 55:2 - Ala Wone Peenok Peebi Mbanak

^2-3 Karuk liirogon konembunuk, onggo yo'nege, Eeru o. It ninom wim mbanak inoone yogwe, It maluk eeka inigen lo nirit unggwogwe, Eekwi nogo nen aaninggin-paaninggin noba panugwi, Ineebi nomba'nuk inanini nen maluk eeppanugwi, Eekwi iinok, “Nonggop eekkola?” yinuk, Niniki piirik-paarik ee'nake agaarik o.

Ndawi 55:2 ပူးပေါင်းရင်းမြစ်များ

Ndawi 17:1

Kaliku ALA wae. Kat nen liirogon a'me nggelok eeppanege logonok nduk, Yokkege me, karuk konengge, Noone nggwok paga yokkege yi, liippanege, An pilit lek abet aret tamban paga yokkege me, karuk nggoongge, Eeke logot o.

Ndawi 32:3

“Maluk ti neebi o,” yinuk, mbo pega'lek, “Nela nen kumaappatinuk wonagarak me,” yinuk, O kubondendok nen nok kiyoma kuli niniki koonit nage neegak, Nowa'na nenet unggwage nagaarak o.

Ndawi 38:6

Andi nen namborowak yomo agan wangge paga Nena nggween paga wandunik mban nege, Niniki mondok puru aago nege neegak, o kiip ari nage,

Ndawi 43:2

Yugum pak wurogo pereegi kwak Kabu'me ari unggwaga kat Ala aret me, Nonggop nduk mbo panege, Nawim nen tebenogo panegak mban eekwi iinok, Niniki puru aago wonage tit neegak, Nonggop nduk teppanege, Eekendak o?

Ndawi 64:1

Ala wae. An eeppanege neebi mbake logonet, Wone yokkege yi, karuk konengge, Nawim nen noori wogwe iinok, Nagabiti lombok mbake me, narum wonage, Eeke logot o.

Ndawi 66:19

An tamban eekirak nogo mbo pege, Nabuwa nen iniki kunik ee'nake nogo tayoppege, Eerulik o. Ata, an yoreegirak nogo abet aret aruk konengge, Tamban eereegirak nogo aret liippege, Eereegerak me, Ala endage tiyappege agarik o.

Ndawi 77:3

Ala oba abe'nage kenok, niniki oone ari, Ninikime koonit nage neegak, Nomaawi lek ee'nabit unggwage, Eekerak o.

Yetaya 38:14

Mbake nagarik, Towe yiluwe win-win yogo mengga kwak, Towe yuk iniki oone yogo mengga kwak, an le ari, Towe puume oone narak-nggelenak ari menggi kwak, noone ari, Eeke logonet, Nenegen piirogo panege kagak, nena agi mbogut paga ni'nagarak o. Ni'nage nagarik, Nogoba Ala o. Aaninggin lombok noba agaarak wonage me, yeenggwa niri mok ubi! Yinuk, yogirak o.

Yetaya 59:11

Wam wundikit nduk nggwek ari menggi kwak, Towe puume oone abuwa nggo-nggo ari menggi kwak, nit togop aret, “Ai-ao,” yogo logonet, “A'me nggelok eeppinani woraawak lak, ao,” yinuk, mbakwi kwe, eeppinani waga'lek aret wonage, Ninagap ndariyak niniki lunik logonet, tokkogwe kwe, waga'lek nda wonage, Eeke agaarik o.

Leendawi 3:56

“Yeenggwa niru o, yinuk, noone nggwok paga yokkege yi, karuk nappatinuk logorak mage o,” yinuk, yokkege, eeke mbareegi, An nggino yokkereegirak nogo karuk konengge,