Ndawi 55:1 - Ala Wone Peenok Peebi Mbanak

¹ Ala wae. An tamban eeke, nggino yokkege, eeke yi, Karuk konengga'lek negen eeppunuk logorak mage o. Ata, karuk konengge,

Ndawi 55:1 ပူးပေါင်းရင်းမြစ်များ

Ndawi 143:7

Kaliku ALA wae. “Eeppani woraawak lak, ao,” mban kombake logonet, Niniki mondok lek ee'nabit unggwage me, An yokkege yi, onggo mbet-mbet yo'nege logot ubi! Aakumi mbuun ambena wambi nogo mengga kwak, ee'nabukwak me, Kenete kumaappatinuk logorak mage o.

Ndawi 17:1

Kaliku ALA wae. Kat nen liirogon a'me nggelok eeppanege logonok nduk, Yokkege me, karuk konengge, Noone nggwok paga yokkege yi, liippanege, An pilit lek abet aret tamban paga yokkege me, karuk nggoongge, Eeke logot o.

Ndawi 27:9

Pe'neyoorak keebi nomba'nuk kenete kumaakkolage, Kanini nen an kayeloman mbo panege, Eerugun o. Kat nen yeenggwa nege menggendak me, Nagap ndaka nogoba Ala wae. Yogondak an teppanege, mbo paninuk mbagangge, Eerugun o.

Ndawi 28:1

Kaliku ALA wae. Kat nayugum kwak aret me, Noone nggwok yokkege agarik o. Noone yokkege yi, Karuk logu negen eeppunuk wonage keenok, Aakumi kambunuk nogo menggam unggwi nogwe kwak, An nage neyo, yokkege neegak, Onggo yo'nega'lek koone lek puk logorak mage o.

Ndawi 5:1

Kaliku ALA wae. An noone yokkege yi, karuk konengge, Niniki wakko'net unggwage nogo liippanege, Eeke logot o.

Ndawi 6:1

Kaliku ALA wae. Kanini nombake logonet naruk wake, Kiniki aagi paga niniki koonogo panege, Eerugun o.

Ndawi 61:1

Ala wae. An tamban eeke yi, karuk konengge, Niniki puru ari logonet yokkege yi, liippanege, Eeru o.

Ndawi 64:1

Ala wae. An eeppanege neebi mbake logonet, Wone yokkege yi, karuk konengge, Nawim nen noori wogwe iinok, Nagabiti lombok mbake me, narum wonage, Eeke logot o.

Ndawi 80:1

Kat Iterali ndegeninaka. Ninoone yokkugwi yi, karuk liirogon konengge, It Yutup paga wiganak ndomba negen ndegeninaka, Kerub aru-ogwe kagak oolo kwi'ndak wonage yi wae. It Eparayim inom, Mbeniyamin inom, Manate inom, Kat kabinak inoba pindanogo piige, Komaawi a'nuk, pilak ari logomenggendik, ninagap ndari wage, Eeru o.

Ndawi 80:4

Komaawi Lombok Menggendak Kaliku ALA wae. Nit kapuri tamban eekwi niinok, Ka'luk lagangge menggi kwak, Kanini aagi wungge keegak, ne mande ari nagin o?

Ndawi 84:8

Komaawi Lombok Menggendak Kaliku Ala wae. An tamban eeke yi, karuk konengge, Yakup ogoba Ala wae. Noone yokkege yi, liirogon aret konengge,

Ndawi 86:6

Kaliku ALA wae. An tamban eeke yi, karuk konengge, Nabuwa mbarenok nduk, Noone nggwok paga yokkege yi, liippanege, Eeru o.

Leendawi 3:56

“Yeenggwa niru o, yinuk, noone nggwok paga yokkege yi, karuk nappatinuk logorak mage o,” yinuk, yokkege, eeke mbareegi, An nggino yokkereegirak nogo karuk konengge,

Leendawi 3:8

Noone nggwok paga, “Yeenggwa niru o,” yinuk, yoge kwe, an tamban eeke nogo at aruk konengga'lek mbo pege,