Ndawi 54:5 - Ala Wone Peenok Peebi Mbanak

⁵ Togop aret me, it maluk eeppaniyak koonggwi nogo Melak togon inoba kwippiige, Kat abe li'lak mban eeke menggendak me, It ineebe lek eerogo piige, Eeru o.

Ndawi 54:5 ပူးပေါင်းရင်းမြစ်များ

Ndawi 137:8

O Mbaben Aagalukwe kwak kit o Mbaben mendek yi wae. Kit kunduk lek eerogo pinagarak koonak wonage me, Maluk lombok eeppinaneegutak onggo eeppinagago logonet,

Ndawi 143:1

Kaliku ALA wae. An nggino yokkege yi, karuk konengge, Yeenggwa nirenok nduk, Noone nggwok paga yokkege yi, liippanege, Kapuri liirogon eeppiige logonet, A'me nggelok mban eeppiige menggendak me, Yeenggwa niri wage, Eeke logot o.

Ndawi 143:12

Aakumi inabuwa nen kiniki kunik mban aganake menggendak me, Nawim inoone lek eerogo piige, An kayeloman aret me, it maluk eeppaniyak eekwi nogo Abok aret inenggaawak lek eerogo piige, Eeru o.

Ndawi 27:11

Togop me, Kaliku ALA wae. It tebenogo paniyak eekwi ineebe ambik wonogwe me, Tu kat eerit nage nogo titi'nege, Tu koonak paga pi'neren nage, Eeru o.

Ndawi 31:23

Togop me, Ala apuri ake leenak monggotak yi wae. At Aliku ALA kiniki kunik eeko logonip o. It aap at oone li'luk eeka nogo At Aliku ALA enegen wogonake menggerak kwe, It iniki wogoppatit nugwi iinok perak, Eekaatak abu ndak-ndak onggo eeppiige menggerak o.

Ndawi 5:8

Kaliku ALA wae. Ninom wim mbanak nen nookwi iyo, “Tu ndi paga nawak,” nomba'nuk, koonogo panege, Kat obeelom mban eeke menggendak ti paga wo'neren nage, Eeke logot o.

Ndawi 86:14

Ala wae. Aakumi iniki wogoppakwi nogo nen Pilak yinuk an nookwi, Aakumi a'nggan wogonaka nogo nen Kayuk wuka'lek an kok pi'naburak eekwi, Eekwi me,

Ndawi 89:49

Nogoba o. Yoraga'ndak ndak-ndak eeppiige menggendak nogo aa'nduk Ndawut eeppege logonet, “An mondok kabuwa mbake logogin o,” Yinuk, kumbuk mbaneegindak nogo nonggop aga o?

Ndawi 94:23

Kat nen it aap ti, inomaluk onggo ndak-ndak eeppiige, It maluk eekwi paga ineebe lek eerogo piige, Kaliku ninogoba Ala nen ineebe pup eerogo piige, Eerumunggun o.

2 Timotiyut 4:14

Aap mbuti paga yi mendek ndi mendek ogobakkigika Alekandet nogo nen nit wone yorogo monggoorak at mondok eebi lombok mbake logonet, maluk iya tit eeppaneegerak me, kat kunduk maluk eeppagukwak, tum wake logot o. At eeppaneegerak nogo ti, nogoba nen onggo ndak-ndak wogorigin o.

Wayu 18:6

O Mbaben nen kit aakumi eeppinagage nagagerak nogo, yogondak kit nen at onggo ndak-ndak eeppugwi, Ndi, o Mbaben nen kit maluk eerit nogo nogogutak onggo ne ambit paga maluk kinoba pinagareegerak kwe, Yogondak kit nen at maluk eeke onggo ne mbere paga at oba pugwi, Ndi, at kinom ogoorak wonage logonet, anini yi toolak kwak ne ambit kinoba kilirogo pinagareegerak kwe, Yogondak onggo kit kinanini at oba pogo logonet, ne mbere paga kilirogo pugwi, Eeko logonip o.