Ndawi 54:3 - Ala Wone Peenok Peebi Mbanak

³ Aap inambik nen pilak yogo logonet, nookwi, Aap kayuk wuka'lek inogogun worokot nen nenggaawak lek eerogo paniyak nduk eekwi, Eekwi me,

Ndawi 54:3 ပူးပေါင်းရင်းမြစ်များ

Ndawi 16:8

Kaliku ALA mondok-mondok Nenggaawak paga punuk nege minggirak. Kat Ala an nimbirak wonage menggendak me, An mondok nu'lek aret minggirak o.

Ndawi 20:2

At nen yeenggwa kiruwak nduk, Awi wurik alik leenak menggim nen nappiya wage, Puut Tiyon paga nen panggonggabi wage, Eeruwak o.

Ndawi 22:16

Yi nggeewo ndi nggeewo ineyak nde agan wangge'nakwi, Aap a'nggan wogonaka nen wanggeppaninuk wonogwe, Neenggi-niyok pulu warogo panugwi, Eekaarak me,

Ndawi 36:1

It maluk eeka nen maluk eerit nugwi nogo o. Ninikime lombok menggerak nogo Ambi yuurak mbakirak me, mbininogo yi o. It aap maluk eeka nogo ti, Ala inagabiti mbakwi ambi mondok lek aret o.

Ndawi 40:14

It aakumi an nooriyak koonggwi nogo inenggali ogwe, Iniki kobak a'nuk ma'nogwe, Eeruwak o. Ndi, it maluk eeppaniyak mbakwi nogo inenggali a'nuk yungguninuk nogwe,

Ndawi 43:1

Ala wae. Naana'le liirogon mbangge, Aakumi koone liirogon mugurok nogolik mendek nen inoone maluk noba panugwi iinok, Kat nawone amburu mbangge, Aap maluk mendek aakumi inambokan lagangga nogo Ineenggime nen nagap ndake, Eeru o.

Ndawi 53:4

Aap mbi ne ambit lek eerogo nonggo mengga kwak It aap maluk eeka nen an napuri inambeme yonggorinabit nugwi, “Nogoba Ala o,” yinuk, yoga'lek we nugwi, Eerit nugwi yi, “Nonggop eeko ogoorik o?” yinuk, Liippaka'lek agaarik ya?

Ndawi 69:8

Nowe-nawot nen, “Aap alik mendek,” nombakwi, Nit ninagalo ambit aret kwe, “Kat kwe alik aagaluk o,” yinuk, yo'nugwi, Eeko agaarik o.

Ndawi 86:14

Ala wae. Aakumi iniki wogoppakwi nogo nen Pilak yinuk an nookwi, Aakumi a'nggan wogonaka nogo nen Kayuk wuka'lek an kok pi'naburak eekwi, Eekwi me,

Yaya 16:3

Ti eekkinabugun nogo ti, an nogoba nimbirak ineenggo'lek me eekkinabugun o.