Ndawi 53:6 - Ala Wone Peenok Peebi Mbanak

⁶ It Iterali inagap ndariyak nduk, Puut Tiyon paga nen woraawak lak, ao! At Ala nen at apuri aa'nduk obeelom wonogogwa kwak, Obaane'me obeelom eerogo piige kenok, At Yakup paga wiganak nen inale'nggen mbakwi, Ndi, it Iterali mendek nen ndawi lubuk yogwe, Eeko logogun o.

Ndawi 53:6 ပူးပေါင်းရင်းမြစ်များ

Etara 3:11

Mi'nogo nogogwaarik, “Kaliku ALA kawi wuriyak nogo owak abu aret wurako o,” yinuk, ndawi wako logonet, Aliku ALA alut eekwi, “Wa!” yogwi, eereegwaarak. Ndi, eeko logonet, “Kat obeelom aret o. Nit Iterali mendek yi, Mondok-mondok kiniki kunik ee'ninake logomunggun o,” yinuk, it aakumi abok nen, “Kaliku ninogoba ALA wa,” yinuk, keekok yogogwaarak.

Nekemiya 12:43

Wakwi ne ti eyom paga at Ala nen ale'nggen nggwok inoba piyareegerak me, iniki ale'nggen nen inaanggumi apit lombok warogo Ala ake wogoreegwaarak. Ala ake warogo wogogo logonet, kumi inom, wologwe-komologwe inom, abok aret inale'nggen nen inoone nggwok paga o Yerutalem logonet yogwe nogo, o ndaanda time abok aret inaruk konenggo nogogwaarak.

Ayup 42:10

At Ayup nen oreewi inake tamban eeke mbareegi, ti'nuk, Aliku ALA nen at Ayup amendek aa'nduk wonagagerak nogo obaane'me wogoge logonet, oba luunogo ambik lombok aret wogoreegerak.

Ndawi 14:7

It Iterali inagap ndariyak nduk, Puut Tiyon paga nen woraawak lak, ao! At Aliku ALA nen at apuri aa'nduk obeelom wonogogwa kwak, Obaane'me obeelom eerogo piige kenok, at Yakup paga wiganak nen inale'nggen mbakwi, Ndi, it Iterali mendek nen ndawi lubuk yogwe, Eeko logogun o.

Ndawi 50:2

Puut Tiyon abu kigirikwe lombok paga nen Ala abinak pindanogo nappit wage, Eeke agaarik o.

Ndawi 85:1

Kaliku ALA wae. Kat kanggween nogo ili eerogo pege, Yakup paga wiganak aa'nduk wonogogwa kwak Obeelom eerogo piige,

Kini Wuppiige 28:1

It aap maluk mendek nen aap muguren naga'lek iigak, mbaganit nogo menggaarak kwe, It aap iniki abe koonak nogo nen perak, singa agabiti mbaka'lek nege menggi kwak, nugu menggaarak.

Yetaya 12:6

Kit o Tiyon monggotak yi wae. At Kikak Nakeelik Alik Leenak kit Iterali kinogoba kinenggela'me wonage ti, mondok iya me, Kiniki ale'nggen nen keekok yogwe, ndawi wakwi, Eeko logonip o,” yinuk, yorogo logomunggup o.

Yetaya 14:32

It eeppiyamenggaarak nogo aakumi ambi nen, Pegiya nanip o, yinuk, Yoramenggaarak it yora wogwe iinok, It nen onggo ngge yoraagun? Lek o. Aliku ALA nen o Tiyon alom kwippereegerak me, nit at apuri yagan wako nogogurak nogo O time nineebe op logowok nduk, eeppinanggerak, yorogo logogun o, yinuk, ari kagarak me, yokkiragi o,” yoragagerak.

Yeremiya 30:18

At Aliku ALA nen yegerak nogo yi aret. “It Yakup paga wiganak inawi alom paga aa'nduk abe wonogogwa kwak eerogo piige, Inabuwa nen it wonogo menggam inanggween nogo obeelom eerogo pege, Kota ti, yigirik-noonom agagim obaane'me wuruwak nduk, koongge, Ndi, aap inowe endagembogut awi o nggwok abe wurik wonagagim nogome wurik kaawak nduk, eeppiige, Eerigin o.

Yeremiya 31:23

At Omaawi Lombok Menggerak Aliku Iterali inogoba Ala yegerak nogo yi aret. “It an napuri keele maageren piya nogogwam nen iniyokan wogoren piya wage neenok, it aakumi o Yekura wonogwe inom, o Yekura kota-kota menggaarak inom, nen wone aa'nduk yogo nogogwaarak ambinom yogo logorak nogo yi aret. O obeelom eeko menggam yi wae. Puut alik leenak yi wae. Aliku ALA ale'nggen koba pagage logowak o, yinuk, yogo logogun o.

Yowen 3:1

At Aliku ALA nen ari logonet, Ne ti ariyak age eyom paga o Yerutalem inom, Yekura inom, aa'nduk obeelom wonogogwa kwak eerogo piige logonet,

Ala Unde 26:17

An nambokan piyaminggirak me, inom wim mbanak nen tebenogo piya wogwe, it aakumi Iterali ineebi inombakwi nogo nen inabu'me tebenogo piigwi, ndi, it nen muguren wogwe lek iigak kwe, it Iterali nen mban mbaganit nogwe, eeko logogun o.

Ala Unde 26:36

Ndi, it Iterali ando inooka'lek inom wim mbanak inenggela'me wonogwe nogo ti, inaganak nugiranet nugu logowak nduk, eeppiyaminggirak me, o wiya nen eyoongga ambit menenak nen oone nobo ari kenok, Yi aakumi nen ninoorit wogwe o, yinuk, muguren nogwe lek iigak, aakumi inoorit nogwe iinok, mbaganit nogo mengga kwak mbaganit nogo logonet, yigeebu wanggwi,

Amot 9:14

An napuri Iterali kugun wogoren mbo piya namenggaarak nogo, iniyokan wogoren piya wage neenok, Inawi kota-kota langgu-langgu aago nogo, obaane'me wurogo patinuk wonogwe, Ineyabume anggur yaremenggaarak paga amburu toologo nunggwi, Eyo anggen yege menggerak mendek yabume yaremenggaarak paga anggen abe mban mbanogo nunggwi, Eeko logogun o.