Ndawi 53:4 - Ala Wone Peenok Peebi Mbanak

⁴ Aap mbi ne ambit lek eerogo nonggo mengga kwak It aap maluk eeka nen an napuri inambeme yonggorinabit nugwi, “Nogoba Ala o,” yinuk, yoga'lek we nugwi, Eerit nugwi yi, “Nonggop eeko ogoorik o?” yinuk, Liippaka'lek agaarik ya?

Ndawi 53:4 ပူးပေါင်းရင်းမြစ်များ

Ndawi 27:2

It aap maluk eeka nen namiya nawok nduk wogwe, Nawim mendek inom, ninom ogoorak inom, Nen nooriyak nduk wogwe, Eeremenggaarak kwe, Iniyok lik togon yigeebu wambit nogo logogun o.

Ndawi 94:8

Kiniki yuundurak aakumi inenggela'me monggotak yi wae. Kit kiniki liippugwi, Kit aap kiniki lek wi negen yi wae. Mandenom nen kiniki warak ogwe, Eerumunggup o?

Yetaya 27:11

Ndi, eyo eno'mbak ti mbuk age kenok, it kumi nen wogo logomenggaarik, Kalembunuk, wonok nanuk, kani kunggo logogun o. It aakumi yi ti, iniki lek kobak aret wonogwe me, at ogobakkigirogo piiga nen inabuwa mbake, At ogobakkigirinaka nen obeelom eeppiige, Eerigin lek aret o.

Yeremiya 10:25

It yi aakumi ndi aakumi nen Yakup paga wiganak nogo inambeme yonggorinakwi, Ineebe mondok lek eerogo inambeme yonggorinabit nogwe, Inawi alom lek eerogo pugwi, Eereegwaarak me, It yi aakumi ndi aakumi, Ninogoba Ala aret o, yinuk, yogolik nogo inom, It aakumi inanebunu lombok kendage kunogo yogolik nogo inom, kanini inoba piige logot o.

Yeremiya 4:22

At Aliku ALA nen ari logonet, “An napuri ti, wi negen aret wonogwe, it an liippanega'lek wonogwe, Elege iniki lek pogom wonogwe, op ariyak maluk ariyak ineenggo'lek kobak aret wonogwe, Obeelom eeriyak mendek kobak logonet kwe, maluk eeriyak kenok perak, Iniki penenak logonet, aganggen kerek togon eerit nugwi, Eeko menggaarak,” yegerak o.

Wayu 17:16

At Ala nen yereegerak nogo a'me nggelok yuwak nduk, aap inendagembogut ineebe 10 nogo, iniki ambit eeppunuk, awuri inom nen nggeewo nogo yeenggwaago logonet, Ala kooneegerak nogo mban eerit nogo logowak nduk, inikime mambiyareegerak me, it aap inendagembogut ineebe 10 nogo nggeewo inom nen, Kwe yawukak yi, abu nineebi o, yinuk, amindik-amendek li'luk eerak nogo nggoorogo mbo pogo logonet, we agap mbelanak kagak warogo punuk, enggaanggum ando nunggwi, ndi, ando kani kumbugwi, eeruwi o, yinuk, yugun o.