Ndawi 52:6 - Ala Wone Peenok Peebi Mbanak

⁶ Ti eekkake nogo It aap iniki abe koonak mendek nen Inigen keego logomenggaarik, Inagabiti mbakwi, kagi'ndok kanggwi, Eeppunuk, yogo logonet,

Ndawi 52:6 ပူးပေါင်းရင်းမြစ်များ

Ayup 22:19

It aap abe iniki koonak mendek nen It maluk eeka inomaluk onggo inoba piige nogo, Inigen iinok inale'nggen mbakwi, It maluk eeka'lek ugun mendek nen It miyuk-meya eerogo piigo logonet,

Ndawi 119:120

Kat keebe paga nagabiti nen naganak wake, Eekaatak ndak-ndak eeppiigo logorak koone yugu nogo paga Nagabiti nen neenggi neyak tikkolage, Eeke minggirak o.

Ndawi 120:2

Kaliku ALA wae. Aakumi inoone pilit yo'nugwi, nambokan laganggwi, Eekwi me nili yu o.

Ndawi 37:34

At Aliku ALA tokkogwe, “Tu yi paga nawak,” mbake nogo mugurok nogwe, Eeko logonip o. Ti eekwi kiinok, o yi, yate negen Unde eekkolaabagip nduk tiyappinagage, Kit kinigen kiigak, it aap maluk eeka nogo lek eerogo piige, Eerigin o.

Ndawi 40:3

Ndawi ngget mendek yikit nduk nambe eraabin eeppanege, Ndawi ninogoba Ala endage tiyappugwi mendek yo'nege, Eekerak me, It aakumi ambik aret inigen kogwe, inagabiti mbakwi, Eeko logomenggaarik, Iniki Aliku ALA oba panggombugun o.

Ndawi 64:9

Yi aap ndi aap abok aret Ala nen eeppiyamenggerak iigo logomenggaarik, inagabiti mbakwi, “Ala nen yogop eeppiigerak kogo o,” yinuk, wone wonok aakumi yoranet nogwe, Ala eeke menggerak nogo iniki koonit nugwi, Eeko logogun o.

Ndawi 97:8

Kaliku ALA wae. O nggween paga wonogwe abok aret tebenak iigak, Kat mban tiyanak lombok wonage, Yi kugi ndi kugi tebenak iigak, Kat inirimbaga tiyarogon wonage, Eerak menggendak me, Eekaatak Kaliku ALA nen A'me nggelok inowak loongge menggendak keenok, O Tiyon konembunuk ale'nggen mbake, O Yekura paga yi yaga'lelo ndi yaga'lelo inale'nggen nen ndawi wakwi, Eeko agaarik o.

Kini Wuppiige 12:19

Inoone abet mban agan nugwi ti, mondok aret wonage menggerak kwe, Inoone pilit agan nugwi perak, ne ambiriluk wonagaatik, lek age menggerak.

Yetaya 37:22

at eeppuurak Aliku ALA nen yegerak nogo yi aret o. O Tiyon Aagalukwe Aap Kigin Waka'lek nogo nen at miyuk-meya eerogo pege, agi'ndok kangge, Ndi, o kota Yerutalem Aagalukwe nogo nen at kole mbagangge kagak, Kayik a! ari, Eeke agaarik o.

Maleyaki 1:5

Ti eeppiyoorak it Iterali mendek nen inigen kogo logonet, Aliku ALA ti, omaawi mondok iya lombok menggerak nogo, nit mban kogwe lek o. Ata, it ninaagan-ninambokan wonogwe abok aret kogwe iigo o, yinuk, yogo logogun o,” yegerak me, yokkiragi o.

Wayu 15:4

Ninogoba o. It taani nen kayuk wukwi, kendage tiyappagagwi, eeka'lek logogun mbaken? Lek aret o. Kat maluk eekeelik kalik leenak obeelom mban menggendak o. Kat mondok a'me nggelok mban inowak loongge menggendak ineenu me, It aakumi inanebunu lombok abok aret kowagam tebe yi wogo logomenggaarik, kalut eeko logogun o,” yinuk, ndawi wakwi iigirak.

Wayu 18:20

Eekwi iigak, at oone yo'nege nogo ambinom yo'nege logonet, “Kat mbogut yi, wae. Kale'nggen mbake, Kit Ala apuri ake leenak inom, obeelom wone yoranet nugu nogogutak nappiigak inom, Ala nen yokkirage kagak yoraga inom, Kit abok aret kwe yawukak nogo pogom o Mbaben yi nen eeppinagage nagagerak nogo onggo Ala nen aret eeppege me, kiniki ale'nggen mbakwi, Eeko logonip o,” yinuk, ari naruk konenggirak.