Ndawi 52:5 - Ala Wone Peenok Peebi Mbanak

⁵ Togop eerit nege menggendak me, Ala nen kat mondok lek eerogo pagage, Kawooliyana nen pippaganuk, nigogo wumbagage, Eyo alom kinogo nappogo mengga kwak, O nggween paga aakumi wonogwe inenggela'me nen Kat togop aret eerogo pagage, Eerigin mbake logot o!

Ndawi 52:5 ပူးပေါင်းရင်းမြစ်များ

Ayup 18:14

Awi ugun obeelom aret wonage me, obaak yabok togon eerogo wumbege, Inamineeri naga unde wonage me, pi nage,

Ndawi 116:9

Kaliku ALA kenegen keegak, aakumi ineenik logonet, Nugu menggam nggween paga yime an awo aret nege agarik o.

Ndawi 27:13

O nggween paga aakumi ineenik wonogo menggam yime At Aliku ALA nen Aakumi obeelom eeppiinet nage menggerak nogo An togon togop ee'nabigin abet aret mbake agarik o.

Ndawi 55:23

Togop aret me, Ala wae. It aap maluk eeka nogo Lek ogo menggam mbuun ambena kabelogo wuppiige, It aap inoone pilit yaga inom, inamiya nengga inom, It ndarak eyom awo ari naga'lek iigak, kambuwak nduk eeppiige, Eerumunggun kwe, An perak, kat nen an eeppanenok nduk, Niniki koba panggombunuk aret agarik o.

Kini Wuppiige 12:19

Inoone abet mban agan nugwi ti, mondok aret wonage menggerak kwe, Inoone pilit agan nugwi perak, ne ambiriluk wonagaatik, lek age menggerak.

Kini Wuppiige 19:5

Aap ambi eeke enegen kegetak kwe, piliret, “Eeke koolik o,” ari nogo ti, onggo oba arigin lek ti lek, oba aret age, Ndi, aap ambi oone pilit mban pugunit nege kenok kunduk, onggo eeppigin lek lek, aret eeppege, Eerigin o.

Kini Wuppiige 19:9

Aap ambi eeke enegen kegetak kwe, piliret, “Eeke koolik o,” ari nogo ti, onggo oba arigin lek ti lek, oba aret age, Ndi, aap ambi oone pilit mban pugunit nege kenok, at eebe aret lek eerogo pake, Eeko menggaarak.

Kini Wuppiige 2:22

Aap maluk mendek perak, O nggween yi paga nen ineebe lek eerogo wumbiige, It aap Ala liirogon mugurok nogolik nogo iri'ngga kinogo wumbogo mengga kwak, eerogo nappiige, Eerigin o.

Yetaya 22:19

Kat yabu ambinom eeriyak lek o, yinuk, keebe tebeppagage logonet, Yabu eeke menggenom nen wumbagagin aret o,” yinuk, yo'negerak me yokkigi o.

Yetaya 38:11

An nen, Aliku ALA nenegen ambinom kage, Aakumi wonogo menggam o nggween paga yime nen Aliku ALA nenegen ambinom kage, Aakumi kunduk nenegen iige, Aakumi ineenik nggween paga awo wonogwe ambiret iluk ambi nenegen iige, Eerigin lek o.

Wayu 21:8

it Ala wone mugurok noorak inagabiti mbaka inom, abet mbariyak ineebi mbaka inom, maluk peyak wurik kagak ugun eerit nega inom, aakumi inooka inom, kumi ugun wurinaka inom, magagirak iyagalo inom, kugiwak amili kungga inom, pilit pugungga inom, it abok aret it logowam pipuk eerogo pereegim kani omoonuk wunuk mban ari menggim nogome mbo nappiyaagin o. Aa'nduk ineenik logonuk, kambemenggaarak kwe, kani omoonu'me nappiyoorak nogo ti, peebi ne ambi kanggwi nogo kokwak aret o,” yinuk, yo'nege kagarak.