Ndawi 52:1 - Ala Wone Peenok Peebi Mbanak

¹ “An aap iya,” mba'nuk nege yi, kat maluk eeke nagandik, Nonggop nduk wogoppatit nege agandik? It aap Ala inabuwa mbake nogo maluk eeppiige nagandik, O kubondendok nen nok kiyoma ari nage kagak, Nonggop nduk wogoppit nege agandik?

Ndawi 52:1 ပူးပေါင်းရင်းမြစ်များ

Ndawi 10:7

Inikime maluk mban yagabit aago logonet, Aakumi pulunogo piigwi, Pilit wone yoranet nugwi, Aakumi inagabiti mbaruwak nduk yorogwe, Eeko menggaarak. Ndi, inoone maluk mban wundi wage logonet, maluk eeriyak mban koonogo pit nugwi, Aakumi ale-pale eerogo piyoorak mban yogwe, Eeko menggaarak.

Ndawi 103:17

Togop aret kwe, It aap Aliku ALA inagabiti mbakwi iniki kunik aganake nogo ti, Lek ageelik o aa'nduk nen nok peebi itok aret menggerak o. Ndi, it inombowologwe nen Inombomini Ala inom wone koonogo pereegerak nogo Liirogon porogo wonogwe, Eeko logorak wone mbo pega'lek ndak-ndak aret eekwi, Eekwi iinok, Aliku ALA nen obeelom eeppiinet wundi wage logogin.

Ndawi 107:1

At Aliku ALA ti, obeelom mban wonage me, “Wa,” yogo logonip o. Aakumi inabuwa nen iniki kunik aganake nogo ti, Lek aga'lek mondok aret wonage menggerak.

Ndawi 54:3

Aap inambik nen pilak yogo logonet, nookwi, Aap kayuk wuka'lek inogogun worokot nen nenggaawak lek eerogo paniyak nduk eekwi, Eekwi me,

Ndawi 59:7

It nen yogo logonet, “Nit yogwe yi, ta nen koneniyak? Lek me,” yinuk, Wone ugun-ugun kilirogo pit nugwi, Wooluwak paga inooko mengga kwak, Inoone paga nen inoorit nugwi, Eekwi yi, iyet o.

Ndawi 7:14

It maluk eeriyak koonggo nagaatik, pilit mban pugunit nugu menggaarak nogo ti, Kwe ambi elege logongge nagaatik, abila a'nuk yagan warogo ndake menggi kwak aret o.

Ndawi 94:4

Iniki wogoppako logonet, “Nit mban iya o,” yinuk, agan nugwi, It maluk eeka ti, “Nit eekwi mban iya,” yogwe,

Wundeegwaarak 22:9

Ndi, aap ambi nen aanggo lembu a, keledai a, ndomba a, ayum a, amendek a, lek aremenggerak kwaarit nege logonet, amendek nogo aap ambi porogo wonage enegen kage logomenggerik, it imbirak nen, Yi an namendek, yi kat kamendek, yogo logonet, wone wariyak nduk eekwi iinok, inowak loonggo menggam inowak loonuwak nduk, piya nogwe iinok, inowak loongga nen, Kat aret kumaakendak o, yinuk, oba lenggengge kenok, ambiret kumaaremenggerak kwe, onggo mbere aret awi yakkaawak o.

Kini Wuppiige 6:14

Pilit wone mban inikime yagabit eerak wonage me, maluk eeriyak mban koonit nugwi, Wone waruwak nduk, inikime mambiinet nugwi, Eeko menggaarak o.

Kini Wuppiige 6:18

Iniki paga nen maluk eeriyak mban koonit nugwi, Iniyok tekkagaatak maluk eeko menggam ari nogwe,

Yetaya 59:4

Inowak loonggo logonet, “Eekerak ndak-ndak aret owak loonuwok o,” yinuk, yogwe, “Alom eekerak yi aret o,” yinuk, owak loonggwi, Eeka'lek ugun-ugun eeko ogotik o. Maluk eerulik kagak, “Abet aret eekerak o,” yinuk, pilit pugunogo yogwe, Kwe elege logombunuk ndake menggi kwak, kinoone paga aganggen kereembu eerogo owak loonggo logonet, irip paga maluk aret ndakwi, Eeko monggotak.

Yeremiya 41:4

At Nggeraliya wappunuk, ko'lu aakumi awo ineenggo'lek iigak,

Yeremiya 9:8

It inamili ti, wim komenggabili kwak wonage me, pilit mban agan nugu menggaarak. Inambe paga nen, Nimbirak niniki ambit o, agan nugu menggaarak kwe, inikime perak, Pagi wariyak ta'na pugu kwak, inoreewi maluk eeppiyoorak koonogo pogo menggaarak.

Mika 7:3

Maluk eeriyak abu ineenu paga eerit nugu agaarik o. Inarum waka inoweewi nen, “Onggo pinip,” yorogwe, Inowak loongga nen inawone abe mbanuwak nduk, onggo waganggwi, It aap inayuk warak nen it eeriyak mbakwi nogo mban wone lengganogo yorogwe, Eeko logorak wone yugu abe koonak kagak nomok-komok eerogo pugwi, Eeko agaarik o.

Oroma 1:30

nabok-kabok yogwe, “Ala abu nineebi o,” yogwe, worokot-laakot agan nugu logonet, “Aap nggwok eekkola,” yinuk, wogoppatit nugwi, maluk eeriyak iniki mondok aberak wonogwe, inagalomini-inogobamini inoone taganggwi,

2 Timotiyut 3:2

Ti eyom paga eeriyak nogo ti, aakumi nen, “An mban,” mbako logonet, iniki nggilimi wonogwe, wu mban uugwe mbarit nugwi, iniki tiyappatit nugwi, “Wi!” iraawak nduk wogoppatit nugwi, inoreewi miyuk-meya eerogo piinet nugwi, inagalo-inogoba inoone liirogon konengga'lek nugwi, lambek-nggoonak nugwi, Ala wone taganogo pit nugwi, eeko logogun aret o.

1 Tamuwen 21:7

At Tawun aanggumi ndegeninako menggaarak inowe Tawun awot endage Ndowek awi Erom mendek nogo nen ambi eeriyak nduk, Aliku ALA awooliya wurik me nagagerak ti eyom paga time aret wonagagerak.