Ndawi 51:7 - Ala Wone Peenok Peebi Mbanak

⁷ Wumukot amburu paga noba koorogo panege keenok, Niniki abu koorak aret age, Ndi, yi paga koorogo panege keenok, Ndugu-ndugu kwak niniki yanggwi lombok age, Eeruwak nduk, eeppanu o.

Ndawi 51:7 ပူးပေါင်းရင်းမြစ်များ

Ayup 14:4

Aap kiik aago ambi nen kikak naka'lek eekkoloorak op mbaken? Lek aret o!

Ndawi 58:4

Kinoone yogwe ti, Waalo aakumi inooka inameyo kwak wonogwe, Waalo aap yanggoninake menggerak abu eenu nen Waalo muuru yanggonuwak nduk Oone yanggok-yanggok yoge nogo konengge kwe, Aruk logu negen eeppunuk menggi kwak aret wonogwe, Eeko ogotik o.

Wundeegwaarak 12:22

amiya togolowa'na tooppunuk, iri'ngga wumokot negen paga amiya nogo labumbunuk tunggambe peenok-peenok paga inom, irimbaga inom, labunogo punuk, kiname nen wundi naga'lek time mban kiigak o aret weeruwak o.

Yetaya 1:18

At Aliku ALA nen ari logonet, “Wone agaarak yi, ninom koonuwok nduk woraawak o. It inomaluk maa'ngga amu kunik kwak wonage ti, ndugu-ndugu abinak kwak eerogo piige, Inomaluk tawi maarak kwak wonage ti, ndomba eeruwak yanggwi kwak eerogo piige, Eerigin o.

Yaya 13:9

Yoge mbareegi, at Timon Peterut nen, “Ai, ti kenok, nogoba o. Niyok mban lek o. Ata, neenggi-nanobak abok aret koo'nabu o.”

Iberani 9:19

Ata, at Ala nen, “Yogop ee'nu, ndogop ee'nu,” yinuk, wone nogo abu yoge mbareegi, it Yakuri nen eebe aret eeko logowak nduk, Muta nen wone nogo abok aret mbininogo yorage nagagerik, tapi-ndomba amiya niyo inom tooppunuk, ndomba eeruwak maa'ngga warak yigirok paga kunogo tamombunuk, mbuku pirik-perek aago liiru mbanak paga inom, aakumi ineebe paga inom, abok aret werenogo nagabit nagagerak.

1 Yaya 1:7

Togop kwe, at Ala o eya paga wonage menggi kwak, nit o eya paga nogwe niinok perak, ninoreewi ninom kunik aret logogun me, at aput Yetut amiya paga ninomaluk abok aret lek eerogo pinanegak mban eeke logogin o.