Ndawi 51:15 - Ala Wone Peenok Peebi Mbanak

¹⁵ Nogoba wae. Noone yuurak meek agaarak nogo teeluk eerogo panu o. Teeluk eerogo panege keenok, Kendage tiyanak nogo paganogo yoranet nege logogin o.

Ndawi 51:15 ပူးပေါင်းရင်းမြစ်များ

Wakkagagerak 44:16

Yorage mbareegi, at Yekura nen ari logonet, “Ninogoba o. Nit nonggop yokkiruwi. At Ala nen aret nit kayeloman mini maluk eekkologogurak onggo aret eeppinanege me, nit nonggop togon, Nit lek o, yinuk, ninaana'le mbanggoloorak? Nit nen ambi yuurak mondok lek aret o. Nit togon, aap kat kaniyoowak egaruna yonggolak waganggerak nogo togon, abok aret kat ninogoba kayeloman aret agago tebenninaburak o.”

Ndawi 119:13

Eekaatak ndak-ndak eeppiigo logorak wone koone paga nen yo'nege menggendak nogo, An noone paga mbininogo yoranet nege,

Wundeegwaarak 4:11

Yoge mbareegi, Aliku ALA nen at yoge, “Aakumi inamili ti, ta nen ogobakkigireegerak mbaken? Aakumi inoone lek inom, inaruk logu inom, inigen obeelom inom, inigen mbuk inom, Naliku ALA an nen eeppiigeelik mbaken? Naliku ALA nen mban aret eeppiige minggirak o.

Yetikiyen 16:63

Ndi, at eerit nege nagagerak nogo lek eerogo punuk, nimbirak lambungge neenok, at eeke nagagerak abe'nage logonet, Ndogop eeriyak mendek eekirak, ao, yinuk, mbake, ndi, mondok enggali mbarit unggwage kenok, wone ambi yigin lek mondok-mondok puk age, eerigin o, yinuk, Naliku Nitok Minggirak an ALA nen aret yagarak me, yoru o,” yinuk, wone yi abok aret an yo'nege mbareegi, yoreegirak.

Yetikiyen 29:21

“Ne ti eyom paga an nen it Iterali inomaawi arit nage logowak nduk, eerogo piige, ndi, kat inenggela'me nen wone yorage keenok, Abet aret yo'nirage kogo o, yinuk, konenggo logowak nduk, eerogo pagage, eerigin o. Ti eeppagage neenok, Naliku ALA an aret ineenu arugun o,” yinuk, yegerak me, an yo'nereegerak.

Yetikiyen 3:27

ti'nuk, yoraanok nduk, kambe paarogo pege neenok perak, At Aliku Itok Menggerak ALA nen ndogop yegerak o, yinuk, yorage logonu o. It aakumi ti, an yorage eeriyak ineebi mbaka aret me, koone yoramenggendak koneniyak mbakwi kenok konenggwi, koneniyak ineebi mbakwi kenok mbo pugwi, eeko logowak o,” yinuk, yo'nege kagagirak o.

Yetikiyen 33:11

yorage logomenggendik, ambi yorage logonet, It aap maluk mendek kanggwi iinok, an niniki ale'nggen mbakeelik o. Ata, ineenik logowak nduk it maluk eerit nugwi nogo mbo punuk, yungguninuk neya wogwe iinok perak, niniki ale'nggen mbake minggirak me, it Iterali mendek ti, iniyokan nowagam wogwe, it maluk eerit nugwi nogo mbo punuk, yungguninuk wogwe, eeko logowak o. It nonggop nduk, Kambuwok, mbako agaarik o? yinuk, neenik Nitok Minggirak Naliku an ALA nen aret yagi, yegerak yoret o.

Matiyut 22:12

yoge logonet, Wulaga. Laago nunggo logonet, yum yiko menggaarak nogo mendek kat yirik lek nonggop nduk yime unggwi wagandak? Yoge mbareegi, aap nogo oone lek puk agagerak.

Marakut 7:34

ena mbogut paga ni'nage logonet, “Ai!” mbake nagagerik, “Epata o,” yoreegerak. Ti yoreegerak ti, nit ninoone paga, “Paa'naru o,” yoreegerak.

Oroma 3:19

Ti kenok, Ala nen, “Yogop ee'nu, ndogop ee'nu,” yinuk, wone Muta yoreegerak nogo abok aret it woppunuk eeko menggaarak ti, inake aret nineenu me, it yi aap ndi aap o yime menggaarak abok aret inoone lek agago piinok, “Nit abok aret maluk eekwi onggo eeppinanigin kogo o,” yinuk, yelok kaawak nduk, wone Muta yoreegerak kogo ogoorik o.

Iberani 13:15

Togop me, eyoonggen abe yi'nage menggi kwak, “Yetut ninowe aret o,” yinuk, Keritut ninake eereegerak paga Ala ake warogo wogogwi negen, nit kulinik-kalinik ninoone paga Ala alut eeko logonet, endage tiyappegak mban eeko logowok o.

1 Tamuwen 2:9

It aakumi abet mbako menggaarak nogo, Nggween ti paga iniyok pit nogwe iigak, inarum wonage, It inogogun ambik maluk eekwi iinok perak, o apit me time inoone lek eerogo piige, Eeke logomunggun o. Aap ambit-ambi, An nomaawi paga ndogop eerikit o, Koonggetak nogo aret ageelik me,