Ndawi 50:22 - Ala Wone Peenok Peebi Mbanak

²² Togop aret me, Kit noba mari eerogo panugo monggotak yi, It ambi nen kinagap ndaka'lek kagak, An nen nibinik-ndelenak eerogo pinagage neyo, Wone kiniki liippogo logorak nogo yi o.

Ndawi 50:22 ပူးပေါင်းရင်းမြစ်များ

2 Tamuwen 22:42

Inoone nggwok paga, Ninagap ndari woraanip o, Yagaarak kwe, inagap ndari wogwe, Kaliku ALA o, yinuk, yokkegaarak kwe, Karuk konembunuk, onggo yorage, Eerulik o.

Ayup 8:13

Nogo ti ndak-ndak aakumi abok aret Ala mari eerogo pugwi ti, Togop aret ogwe, It Ala ineebi mbaka iniki lunik nogo ti, Togop aret lek age kogwe, Eeko menggaarak o.

Ndawi 10:4

“An iya,” mbarit nogo logonet, Ala mugurok nogwe lek mbo pugwi, “Ala lek,” mba'nuk, ugun koonit nugwi, Eeko menggaarak kwe,

Ndawi 7:2

Eeke lek keenok, singa nibininake menggi kwak eeppanugwi, Ndi, it ambi nen nili yogwe lek kenok, nibik-nobak eerogo panugwi, Eerugun o.

Ndawi 9:17

It aakumi maluk eeko menggaarak nogo ti, Kambunuk nogo menggam unggwi nogwe, Ndi, yi aakumi ndi aakumi Ala mari eerogo pugwi nogo kunduk, Tu time aret nogwe, Eeko menggaarak kwe,

Ndawi 9:18

It aap ineenggi lek nogo mondok kobak eerak wonogwe lek inoba aberinake, Ndi, it andi-pandi logonet, iniki lunik nogo mbeyok yaga'lek a'me nggelok eeppiige, Eerigin o.

Wone Alom Kibingga 7:14

Ne obeelom logorak ari wage kenok, kinale'nggen mbakwi, Ndi, ne maluk logorak ari wage kenok perak, “Peebi ee'ninaburak nit aakumi nineenu arukwak, Ala nen ne obeelom logorak inom, ne maluk logorak inom, imbirak eerogo pinanegerak kogo o,” yinuk, liippugwi, Eeko logonip o.

Yetaya 51:13

O nggween yi alom kwippege, mbogut mbiganogo pege, Eeke nagagirik, Kineebe ogobakkigirogo pinagareegirak Naliku ALA kobak eerogo panugwi, It aakumi maluk eerogo piyoorak mbako menggaarak nogo inanini nen maluk eeppinanugwi iyo, yinuk, O kuubondendok nen nok oonikiya ari nage paga kinaganak warit nugwi, Eekwi yi, taani o? It inanini nen maluk eeppinagarak nogo ineebe nggeeme wonogo agaarik? Lek aret o.

Yeremiya 2:32

Kwe tawe alilibano li'luk eekkolaga'lek mari eerogo mbo pege, Kwe tawe ogonggelo imbirak lambumbiigwi me, ayum-agali ngget mendek yikkolaga'lek teppege, Eeke menggerak mbakop? Togop eekulik aret kwe, It an napuri perak, o maan aret mari eerogo mbo paneegwaarak wonage neegak, Ne ndi kuli ari naga o, yinuk, yuurak meek aret o.

Yetikiyen 18:28

At maluk ambik eeke logomenggerak nogo, Abet aret eeke nagagirak o, yinuk, mbo pemenggerak ti paga at kambigin lek abet aret eenik mondok logogin o.

Oteya 13:8

Nggwiya kwak beruang nogo aagalogwe kobak ogwe iinok, ngguk agan aakumi nibininake menggi kwak, An nen it Eparayim mendek inoba kwi'na'nuk, ineebe nibik-nobak eerogo piige, An singa kwak a'nuk kok tebenogo piinok, ineebe nengge, Ndi, nggwiya kwak neyak nibinik-ndelenak eerogo piige, Eerigin o.

Oteya 4:6

Ndi, it an napuri kunduk, neebe liippanega'lek me, ineebe lek aret arugun o. It neebe unde nen an liippaniyak wone nogo, it yoraga'lek mbo pereegwaarak paga an nen it mbo piige, Eeko logorak wone an inogoba Ala nen yoragagirak nogo, Mari eerogo pereegwaarak paga an nen it inapuri liippiyaagin lek mbo piige, Eerigin o.

Oteya 5:14

It Eparayim mendek eeppiyoorak an singa kwak wonage, Ndi, it Yekura mendek eeppiyoorak an singa awooluk eyak ambik menggi kwak wonage, Eerak logonet, An nen it ando nibinik-ndelenak eerogo piinok, nggarek ari, Ando neyak nggereneren nage, Eerigin me, Aap ambi neyak me nen ndinigin lek aret, yegerak me, yokkiragi o,” yinuk, yoragagirak.

Amot 2:14

It aap tu inogowa ambik wonogwe nogo, mbet-mbet kole mbaganggwi, It aap inomaawi ambik wonogwe nogo, inomaawi paga panggombunuk wonogwe, It aap wim wakaa'ngget nogo, inagap ndakko'nok mbaganggwi,

Mika 5:8

Kit Iterali kinawim kinom nambuko logonet, tebenogo piigwi, Kinom ogoorak nogo lek eerogo piigwi, Eeppunuk, “Nineegin tiyak yigi o,” yinuk, keekok piyanggogo logomunggup o.

Agayi 1:5

Ari nagaarik, at Omaawi Lombok Menggerak Aliku ALA nen ambinom ari logonet, It eeginabit nage nogo liippogo logowak o.

Lukat 15:17

Ti'nuk, ne ambi paga iniki liippege nagagerik, A puk! An nogoba ayeloman mini yabu eekwi onggo kologwe nogo, ineebe apit logonet, mbi ndiinogo pegak nonggo menggaarak kwe, an perak, mbi abu nen kambigin kagi.

Pelaareegerak 32:18

Yugum nu'lek menggi kwak menggerak kinogoba ndakkinabeegerak nogo, tene mbo punuk, mbaganggwi, Kinagalo kwak ndarogo pinagareegerak Ala nogo kobak eerogo pugwi, Eereegutak o.

Pelaareegerak 32:39

Ala lombok ambit an aret kinigen pe'neyaanip o. Ala alik ambi wonage lek, nalik aret logonet, Aakumi inoorogo piige, ineenik agago piige, Inawinde-inobaande agago piige, lek eerogo piige, Eeke minggirak an aret me, Aap ambi nen, Eeppiyoorak mage, yo'niriyak meek o.