Ndawi 50:21 - Ala Wone Peenok Peebi Mbanak

²¹ Kit ti eerit nugwi kiigak, An onggo eeppinagaga'lek puk aret wonage neegak, At ninom ndak-ndak aret, nombako monggotak kwe, Eerit nogwe nogo paga an nen mbekkirage, Yi aret eekotak o, yinuk, lok togon yokkirage, Eerigin o.

Ndawi 50:21 ပူးပေါင်းရင်းမြစ်များ

Ayup 34:33

Eeke kenok, aap ti onggo ngge eeppuurak mbaken? Ala nen eekwi onggo eeppiige menggerak nogo Kat mbo pege menggendak me, Ala nen aap ti op eeppuurak ngge mbake agandik? An yigin lek o. Kat nen mban nggaruk togon yuurak me, Kat kage nogo an yo'niru o.

Ndawi 50:3

Ninogoba Ala woraagin me, we woraagin lek o. Wage kagak, kani aa'nduk a'nuk, Yi mendek ndi mendek nenet wage, At enaagan-ambokan o wiya nabuninuk wage, Eerigin o.

Ndawi 50:8

Kinaanggo warogo wo'nugwi, Nenggaanom paga nake warogo kani kunggwi, Eekak mban eekwi paga mbekkirage lek o.

Ndawi 73:11

“Ala ti, nonggop eerogo eenu age, At Tiyanak Lombok Menggerak nen Nit nonggop eerogo liippinanege, Eeriyak mbakop? Meek o,” Yinuk, yogo menggaarak.

Ndawi 90:8

Nit maluk eekwi nogo kenegen niige, Ninomaluk nobarak wonage nogo, kabinak paga kin eeppege, Eeke menggendak o.

Wundeegwaarak 3:14

Yoge mbareegi, at Ala nen Muta yoge logonet, “An ti, AN ARET. Ndi, kat nen it Iterali mendek yorage logonet, At endage, AN ARET nen nappani wagaarak, yoraamunggun o.”

Kini Wuppiige 29:1

Aap ambi aruk waketak kwe, konengga'lek ogogumbuk mban wonage kenok, Yinip-panip at eebe aret lek eerogo patigin me, aap ambi nen at obeelom eeppuurak meek aret o.

Yetaya 26:10

It aakumi maluk eeko menggaarak nogo inabuwa nen teppiige kwe, obeelom eeko logorak mamunggologo logolik o. Abe koonak eeko logorak eerit nogo menggam logonet kwe, maluk mban eerit nugwi, “At Aliku ALA iya o,” yinuk, ayuk wukwi, Eekulik aret o.

Yetaya 42:14

At Aliku ALA nen ari logonet, “An o maan togon noone ambi yaga'lek wonage, Niniki yanggoppunuk puk mban wonage, Eerit wage minggirak kwe, Yogondak perak, kwe elege enegen paganak yagan wake logonet kwa ari, iniki apit eeke, tat wake, eeke menggi kwak, an togop aret eeke agarik o.

Yetaya 57:11

It ta paga inagabiti mbakwi, inaganak wake, eeko logonet, an mbo paninuk alik mugurok nogwe, Noba abe'nakwi lek kobak eerogo panugwi, An ndogop eeke yi, iya! yinuk, iniki liippega'lek wonogwe, Eeko agaarik? An wone yoraga'lek puk wonage neenok, nayuk wuka'lek agaarik ya?

Yeremiya 2:23

“It nen, Nit maluk ninoba lenggenak lek aret o. Ndi, kugi Mba'an mugurok nogolik o, yinuk, yogwe ti, nonggop togon yogo menggaarak? It o kobappaga time nugu logonet, inobaabut maluk eeko nogogwaarak nogo iniki aberuwak o. Wam kooli wali kwaarit nggare agan nagak-wagak agan nege menggi kwak,

Amot 8:7

At Aliku ALA nen ari logonet, “It Iterali maluk eeko nogogwaarak nogo, an nami arigin mondok lek o, yinuk, it Yakup mendek nen inogoba tiyappanega nendage kumbatinuk yagi o.

Linggineegwaarak 23:19

At Ala ti, aakumi kwak lek me, at oone pilit ari, At aakumi inaput lek me, iniki alik koongge, Eekeelik o. At nen, An yogop eerikit, yegetak ti, a'me aret eeke, At wone mbanggetak ti, a'me aret nggelok ari, Eekeelik mbaken?

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.

2 Peterut 3:9

Togop me, ninowe nen, “An peebi woraagin o,” yinuk, yereegerak nogo, it aakumi ando nen, “Mbet-mbet waga'lek yi, pilit yereegerak kwa?” yinuk, mbakwi nogo kwak, kit togop mbako logogup o. Ata, “Ala nen, Aakumi maluk eeppiyoorak ti, neebi o, mba'nuk, nit yi aakumi ndi aakumi abok aret niniki koonogo punuk, ninomaluk mbo puwok nduk, iniki yanggoppunuk, to'ninake wonage,” mbako logonip o.

Wayu 3:19

It aakumi an niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk nggaruk togon mbo puwak o.