Ndawi 50:19 - Ala Wone Peenok Peebi Mbanak

¹⁹ Kit kinambe arum waka'lek Wone maluk mendek mban agan nugwi, Kinamili nggeroppega'lek pilit wone agan nugwi,

Ndawi 50:19 ပူးပေါင်းရင်းမြစ်များ

Ndawi 10:7

Inikime maluk mban yagabit aago logonet, Aakumi pulunogo piigwi, Pilit wone yoranet nugwi, Aakumi inagabiti mbaruwak nduk yorogwe, Eeko menggaarak. Ndi, inoone maluk mban wundi wage logonet, maluk eeriyak mban koonogo pit nugwi, Aakumi ale-pale eerogo piyoorak mban yogwe, Eeko menggaarak.

Ndawi 5:9

It inoone yogwe nogo abe ambi yogwe mbakulik o. Inikime obari maluk mendek mban yagabit aago wonage, Inale'lok ti, aakumi nggween taanak ambe paganak a aago menggi kwak wonogwe, Ndi, inoone pilit mban pugunit nugwi, Eeko menggaarak o.

Ndawi 55:12

It an nawim nen inoone yi-wu eerogo panugwi iinok, Niniki yanggo yinuk puk age, Ineebi nombaka nen tiyappako logonet, Meek eerogo panugwi iinok, Inigen neegwi iyo, kumaa'nage, Eeriyak op kwe,

Ndawi 55:21

Wam amburu anen pera aago menggi kwak, oone amburu ndik-ndik agan wage, Eeke menggerak kwe, Ogogumbuk anini ambik menggerak o. Inagabolo abe aruwak nduk, amburu eeko mengga kwak, Iniki nomonikit nduk oone yanggorogon agan wage kwe, At ari ti, Wooluwak engget mbup nggabenak kwak aret menggerak.

Yeremiya 9:5

At oreeluk ambi nen oreeluk ambi ambokan lagangge, Aap ambi nen abet ariilik pilit mban ari, Eeko menggaarak. Inoone pilit agan nugu logorak mendek abu mamunggologogwaarak me, ti mendek mban agan nugwi, Maluk mban eerit nugu logonet, inomaawi lek eerogo pakwi, Eeko menggaarak.

Oteya 4:2

It nen pulunogo piinet nugwi, pilit-pilit agan nugwi, Aap inoorogo piinet nugwi, yogoot kumaakwi, Kumi ugun-ugun eeginabit nugwi, maluk mban eerit nogo logonet, ambi wappunuk, kinok togon ambi wakwi, Eekwi mban me,

Wayu 21:8

it Ala wone mugurok noorak inagabiti mbaka inom, abet mbariyak ineebi mbaka inom, maluk peyak wurik kagak ugun eerit nega inom, aakumi inooka inom, kumi ugun wurinaka inom, magagirak iyagalo inom, kugiwak amili kungga inom, pilit pugungga inom, it abok aret it logowam pipuk eerogo pereegim kani omoonuk wunuk mban ari menggim nogome mbo nappiyaagin o. Aa'nduk ineenik logonuk, kambemenggaarak kwe, kani omoonu'me nappiyoorak nogo ti, peebi ne ambi kanggwi nogo kokwak aret o,” yinuk, yo'nege kagarak.