Ndawi 50:16 - Ala Wone Peenok Peebi Mbanak

¹⁶ “Kit maluk eeka yi, eeko logorak wone yugu mbininggwi, Wone abuk nggaruk togon koonogo pereegirak nogo We kinambe paga mban yogwe, Eeko monggotak nogo ti, Nonggop eeriyak nduk eeko ogotik?

Ndawi 50:16 ပူးပေါင်းရင်းမြစ်များ

Ndawi 25:14

Kaliku ALA nen wone kote koonogo pege ti, It aap inagabiti kombakwi nogo aret yorage, Kinom wone nggaruk togon koonogo piyareegindak nogo, aret ineenu eeppiige, Eeke menggendak.

Kini Wuppiige 26:7

Aap iniki lek wi negen nen wone eegu laarogo ari ti, Aap arowak langgonak me, arowak langgok nege menggi kwak aret wonage menggerak.

Yetaya 29:13

At ninogoba Ala nen ari logonet, “It aakumi yi, we inoone paga nen mban ninom kunik wonogwe, Inambe paga nen mban nendage tiyappanugwi, Eeko logonet kwe, Iniki perak, an ninom abu ogoorak wonogo agaarik o. It nalut eekwi nogo ti, aakumi inoone yugu mban mugurok nogo logonet, nalut eeko menggaarak.

Yetaya 48:22

“It aap maluk eeka nogo perak, iniki ugun tayenak logogun lek aret o,” yinuk, Aliku ALA nen aret yegerak me, yagi o.

Yetikiyen 18:27

aap maluk mendek nen maluk eeke logomenggerak nogo mbo pege logomenggerik, a'me nggelok mban eeke, obeelom mban eerit nage, eeke kenok perak, at eebe agap ndakkolaagin aret o.

Yaya 4:24

Ala ti, aakumi inigen kogolik mendek me, it aap at alut eeriyak mbakwi nogo iniki paga nen abet mba'nuk, at alut eeko logowak o.”

Iberani 8:9

It inombomini o Metit nen wogoren wundi woraakit nduk, neenggi pigiren wundi wage logonet, Wone ninom koonogo yoragagirak nogo, it liippunuk, eerit naga'lek mbareegwa, An inogoba Ala nen aret mbo piyareegirak me, Wone ti mendek an ambinom ninom koonogo pigin lek o. Ata, wone alik ngget mendek ninom koonogo pigin o, yinuk, an Ala nen aret yagi o.

2 Peterut 2:15

Aap Mbeyot aput Mbileyam nogo nen maluk eekwi onggo koloorak iniki lunik logonet, Ala nen yereegerak kagak, alik eerit nagagerak nogo ndak-ndak, it aap ti, togop aret tu koonak noorak kagak mbo punuk, tu alik paga nomoninuk, nogo agaarik o.